KAIMANGNGANG 1:16 - KITTA' MATANGKASA'

¹⁶ Parru' pammoneang kanrena siagang sikontu bonena musti nipasulu' ngasengi, nampa nipela' ri pammoneang aua ri rayanganna anjo tampa' pakkoro'bangnganga.

KAIMANGNGANG 1:16 Referans Kwoze

LUKAS 1:35

Appialimi malaekaka nakana, “Labattui RohNa Allata'ala mae ri kau, siagang laniaki koasaNa Allata'ala anrurungangko. Lanri kammana, anjo ana' lalassuka lanigallaraki Matangkasa', Ana'Na Allata'ala.

KAIMANGNGANG 16:27

Sapi lakia siagang bembea untu' koro'bang pammopporang dosa, ia nieranga cera'na antama' ri Kamara' Kaminang Matangkasa' untu' pammopporanna dosaya, musti nierangi assulu' ri pantarang pakkemaanga nampa nitunu. Kukkulu'na, dagenna siagang bone parru'na anjo ruaya olo'-olo', musti nitunu ngasengi.

KAIMANGNGANG 4:12

jari yangasenna, pantaranganna bageang le'baka nisa'la', musti nierangi assulu' ri pantaranganna pakkemaanga. Anjoreng, anjo sapia musti nitunui irate ri kayu pepe' tampa' pammelakkang aua, iamintu tampa' le'baka nisa'la'.

DANIEL 4:33

Anjo memang wattua, a'rupami anjo kana-kanaya. Inakke, Nebukadnezar nibongkama' battu ri pa'rappunganna rupataua siagang angnganrema' ruku' sangkamma sapi. Nibasaimi batangkalengku ri allung, uukku a'jari la'bui sangkamma bulu balangkoa', siagang kanukungku a'jari la'bui sangkamma cakkara'na jangang-janganga.