IBRANI 9:7 - KITTA' MATANGKASA'

⁷ Akkullea antama' ri bageang kaminang lalanna anjo pammantanganga, iamintu imang lompoaji bawang. Naporo sikaliji bawang sitaung nagaukang anjo kammaya. Siagang punna nagaukang anjo kammaya, angngerangi cera' untu' lanapangngadakkang mae ri Allata'ala untu' kalenna anjo imanga, siagang lanri sikamma dosa nagaukanga umma'Na.

IBRANI 9:7 Referans Kwoze

KAIMANGNGANG 16:34

Anjo upacaraya musti nigaukangi sikali sitaung untu' ampakatangkasaki bansa Israel battu ri sikontu dosana ke'nanga. Iaminjo paratorang-paratorang mustia nituruki sa'genna satunggu-tungguna. Nagaukammi Musa situru' anjo apa Naparentakanga Batara mae ri ia.

KAIMANGNGANG 5:18

Untu' koro'bang sambe karugiang musti angngerangi anjo taua sikayu gimbala' laki yareka bembe laki ia tenaya callanna siagang nitassereka anggaranna situru' anggarang nipakea ri KemaNa Batara. Imanga nakoro'bangkangi anjo passarea untu' pannangkasina dosana anjo taua, na lanipammopporang ri Batara.

IBRANI 7:27

Tasangkammayai imang-imang lompo maraenganga, allo-alloa angngerang koro'bang lanri dosa-dosa kalenna rolong, nampa koro'bang lanri dosa-dosana ummaka. Isa, sikaliji bawang angngerang koro'bang untu' satunggu-tungguna, iamintu ri wattunna Napassareang KalenNa a'jari koro'bang.

KALAPPASSANG 30:10

Tassikali sitaung Harun musti nagaukangi upacara annangkasi tampa' pattunuang dupa; carana iamintu napiracciki anjo appaka tanru'na siagang cera'na anjo olo'-olo' nikoro'bangkanga untu' nipammopporanna dosaya. Anjo kammaya musti nigaukangi tunggala' taung sa'genna satunggu-tungguna. Anjo tampa' pattunuang dupaya musti tangkasa' kabusuki siagang nisa'laki untu' iNakke.”

HOSEA 4:12

Appalakko pangngunju' battu ri sipolonga kayu! Se'reang takkang ampauangko apa eroka nuasseng! Rapangko sitau baine niaka bura'nenna na'jari pasundala'; nubokoiA' nampa nupassareang kalennu mae ri rewata-rewata maraenga.

YESAYA 28:7

Kammayatompa sikamma na'bia siagang imang-imanga nasa'ring tongi, lanri jai duduna anggoro' siagang inungang terasa' nainung ke'nanga. Ta'royong-royongi jappana ke'nanga siagang tatto'ro-to'roi lanri tenana nasilolongang pikkiranna. Na'bi-na'bia takkulleai napahang sikamma pangngunju' Nipappicinikanga mae ri ke'nanga battu ri Allata'ala. Sikamma imanga tena tommo nakkulle natappuki sikamma parkara nieranga mae ri dallekanna ke'nanga.

YESAYA 9:16

Anjo bansaya a'bokomi siagang panra'mi; yangasenna ke'nanga a'bicara sala mami. Lanri kammana anjo tena manna sitau tau rungka Nipata'lappasa' ri Batara. Tena Nakamaseangi sikamma jandaya siagang ana'-ana' kukanga. Mingka tuli larroNa ija siagang tuli Nahukkunna ija Batara ke'nanga.

YESAYA 3:12

UmmakKu lanijallakkangi ri tau nangaia a'gau' riba, siagang lanipaccoki ri tau nangaia ammacco' paranna tau. Lanipasala oloangi ummakKu ri sikamma pamimpinna sa'genna tanaassengamo ke'nanga oloang siratanga naolo.”

IBRANI 10:3

Mingka ma'nassami angkanaya anjo koro'bang nipassareanga taung-taung ampakaingaki ke'nanga ri dosa-dosana.

AMOS 2:14

Manna tau gassinga lari tena todong nakkulle lata'lappasa'; tau gassinga latappelaki kagassinganna, siagang tau porea takkulleai napasalama' kalenna.

YESAYA 29:14

Lanri kammana anjo laKupata'bangkai ke'nanga siagang pattunrung a'mole-molea. Tau cara'deka la'jari toloi, siagang sikontu kacara'dekanna ke'nanga latena ngaseng matu-matunna.”

PAMMUJI 95:10

Patampulo taungA' ero' ta'langnge anciniki ke'nanga; Kukana: Tamaka tamattantuna nyawana anjo bansaya! Tanajampangiai ke'nanga parenta-parentaKu.

PAMMUJI 19:12

Yangasenna anjo mappakainga' ri atanTa; sadiai pahala lompoa mange ri tau anturukiai.

2 PATTOTTORANG 33:9

Naerangi Manasye ra'ya' Yehuda mange ri panggaukang dosaya, la'bi ja'dallangnganga nadosa nagaukanga bansa-bansa le'baka Nabongka assulu' Batara battu ri Kanaan ri wattunna napantamakki umma'Na Batara anjo pa'rasanganga.

2 SAMUEL 6:7

Anjo memang wattua Nalarromo Karaeng Allata'ala mae ri Uza, lanri nahinana Batara battu ri anjo panggaukanna. Nibunomi Uza ri anjo tampaka, ri ampi'na Patti Parjanjianga.

PAMMILANGNGANG 15:25

Nampa musti nagaukang imanga upacara pammopporang dosaya untu' ummaka. Lanipammopporangi ke'nanga lanri tenana nakunjungi anggaukangi anjo dosaya, siagang lanri angngerannamo ke'nanga koro'bang pammopporang dosa kammayatompa koro'bang nitunu mae ri Batara.

EFESUS 4:18

Sassangi pikkiranna ke'nanga. Tanaassengai ke'nanga katallassang Napassareanga Allata'ala, nasaba' tena sikali apa-apa naasseng ke'nanga ri passala'na Allata'ala. Kammami anjo ke'nanga, lanri sanna' kapala batuna ke'nanga.

IBRANI 6:19

Anjo panrannuanta a'jari panna'galang majarre' siagang amang mae ri katallassanta, nasaba', lanri sanna' lantanna nipatto' naung. Pappokokanna niaki lalang Kamara' Kaminang Matangkasaka lalang ri Balla'Na Batara ri suruga.

IBRANI 9:3

Bageang lalanganna, iamintu ri bokona gordeng makaruaya, nia' kamara' niarenga Kamara' Kaminang Matangkasaka.