IBRANI 9:19 - KITTA' MATANGKASA'

¹⁹ Uru-urua napabattui Musa sikontu anjo hukkung Napassuroanga Allata'ala mae ri bansa Israelka. Le'baki anjo, angngallemi Musa cera' sapi rungka siagang cera' bembe laki. Nampa nacampuru' siagang je'ne', nampa napaba'basa' mange ri Kitta' Hukkung-hukkung battua ri Allata'ala siagang mange ri sikontu bansa Israelka. Ruku'-ruku' siagang bulu gimbala' eja toaya tanja'na napaba'basa'.

IBRANI 9:19 Referans Kwoze

IBRANI 9:12

Sikaliji Almasi antama' ri anjo Kamara' Kaminang Matangkasaka ilalang ri anjo kemaya sa'genna satunggu-tungguna. Anjo wattua tena Nangngerang cera' bembe laki, yareka cera' sapi rungka untu' lanipangngadakkang; passangalinna cera' KalenNa Naerang, na lanri kammanami anjo naNalappassang maki' battu ri dosa-dosaya sa'genna satunggu-tungguna.

PAMMILANGNGANG 19:18

Lalang ri anjo passala' makase'rea, iamintu punna nia' tau mate lalang ri kemaya, tau tenaya nara'masa' musti angngallei sitangke hisop, nampa najallakkang antama' ri anjo je'neka, nampa napiracciki anjo kemaya siagang sikontu apa-apa niaka lalang, kammayatompa sikamma tau niaka anjoreng. Lalang ri passala' makaruaya, iamintu punna nia' tau nisero ri maya', jera' yareka buku tumate, tau tenaya nara'masa' musti napiracciki anjo tau ra'masaka kamma sumpaeng.

PAMMILANGNGANG 19:6

Nampa imanga musti angngallei sike'de' kayu arasa', sitangke hisop siagang otere' eja, nampa napasambila antama' ri pepeka, ia a'rinraya antunui anjo sapi sikolaka.

IBRANI 10:4

Nasaba' tena memang nakkulle anjo cera' sapia siagang cera' bembe lakia ampa'lanynyaki dosaya.

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

YOHANES 19:5

Assulu'mi Isa, ammake songko' akkatinting siagang juba cura' lame butung. Nakanamo Pilatus ri ke'nanga, “Cini'mi anjo Taua.”

YOHANES 19:2

Appare'mi surudadua se're songko' battu ri tangke-tangke kayu akkatintinga, nampa napataba irate ri ulunNa Isa. Le'baki anjo napipakeimi Isa juba cura' lame butung.

MARKUS 15:20

Le'baki nakarek-karenai Isa, napasulu' poleammi ke'nanga anjo juba cura' lame butunga, nampa napipakei ammotere' pakeang KalenNa Isa. Nampa nierang assulu' Isa, lamange nisalli'.

MARKUS 15:17

Nampa nipipakei juba cura' lame butung ri ke'nanga siagang nipapparekang songko' akkatintinga, nampa napataba ke'nanga ri ulunNa Isa.

MATIUS 27:28

Napusumi ke'nanga pakeanNa Isa, nampa napipakei juba cura' lame butung.

YESAYA 52:15

Mingka kamma-kamma anne jai bansa napa'jari lannasa', lannasa'mi siagang takkulleami akkana sikamma karaenga napakamma. Lanaciniki ke'nanga siagang lanapahangi, apa tenaya naassengi riolo.”

KAIMANGNGANG 3:6

Punna anjo nipassareanga iamintu sikayu bembe yareka gimbala' untu' koro'bang passiamakkang, akkullei laki, akkulle tongi gana, mingka takkulleai nia' caca'na.

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KALAPPASSANG 12:22

Angngalle mako sisikko' leko'-leko' nampa nutallangngang naung ri katoang nipammoneia anjo cera'na gimbalaka, nampa nupasapu mae ri ruaya benteng pakke'bu'nu siagang irateanganna pakke'bu' balla'nu. Sa'genna bari'basa' tena manna sitau akkulle ambokoi balla'na.

PAMMUJI 51:7

Sitojenna, ja'dala' memanga' baku' nilassukangku, nataba memamma' dosa baku' lalangku ri battang.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

IBRANI 1:1

Ri jammang riolo, a'mole-molemi a'bicara Allata'ala mae ri boe-boeta. A'bicarami tete ri na'bi-na'bia, siagang a'rupa-rupami cara Napake a'bicara.

IBRANI 9:13

Anjo cera' bembea siagang sapi lakia kammayatompa auna anjo koro'bang sapi rungkaya, nipakei untu' amba'basaki sikamma tau ra'masaka, sollanna a'jari tangkasa' ke'nanga. Jari, punna akkulle ceraka siagang aua antangkasi kara'massanna ke'nanga,

IBRANI 9:18

Iaminjo saba'na namusti nipa'nassa parjanjiang rioloa siagang cera'.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.