IBRANI 9:10 - KITTA' MATANGKASA'

¹⁰ Nasaba' anjo upacara-upacaraya poro mange bawang ri passala' kanre-kanreang, inung-inungang, siagang a'rupa-rupa upacara pannangkasi. Yangasenna anjo poro paratorang-paratorang nacinikaji bawang mata, akkullea tappake sa'genna bawang ri wattunna Naberui ngaseng Allata'ala sikontu apa-apa niaka.

IBRANI 9:10 Referans Kwoze

KOLOSE 2:16

Lanri kammana, teako pa'biangi taua ampasalako ri passala' apa-apa nikanrea yareka apa-apa niinunga, yareka ri passala' allo-allo lompona agamaya, yareka passua'-suarrang bulang berua, yareka ri passala'na allo Pammari-marianga.

EFESUS 2:15

Le'ba'mi Napa'lanynya' hukkung-hukkung agama Yahudia siagang parenta-parenta kammayatompa paratorang-paratoranna; sollanna anjo bansa-bansaya a'jari se'rei bansa tau beru, asse'rea lalang ri Almasi. Kammaminjo bateNa Almasi mappasiama'.

IBRANI 7:16

Niangkaki a'jari imang, teai lanri paratorang-paratoranna rupataua, passangalinna lanri makoasana ri tallasa'na siagang lanri tenana kala'busanna katallassanna.

YEHEZKIEL 4:14

Mingka appialia' angkana, “Aduh, Batara Kaminang Tinggia! Battu ri ca'diku sa'genna kamma-kamma anne, tale'bakai kura'massi kalengku siagang kanre battua ri olo'-olo' matea yareka sesanna olo'-olo' sekkeka. Tale'baka' angnganre kanre nikanaya harang.”

PAOLE 23:11

Punna lakaruemmo, musti a'je'neki siagang punna labumo alloa akkullemi ammotere' mange ri kemaya.

KAIMANGNGANG 16:24

Nampa musti a'je'ne' ri se'reang tampa' le'baka nipattantu nampa napake ammotere' pakeang kalenna. Le'baki anjo musti assuluki nampa napassareang koro'bang nitunua untu' pammopporanna dosa kalenna siagang dosana bansa Israel.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

IBRANI 9:1

Anjo passijanjiang uru-urua, nia' paratorang-paratorang panynyombanna, siagang nia' todong tampa' panynyombanna napareka rupataua.

IBRANI 6:5

Naassemmi battu ri pangalamanna ke'nanga angkanaya bajiki anjo kananNa Allata'ala, siagang natarimami ke'nanga passare malammoro' makoasa untu' jammang labattua.

IBRANI 2:5

Tena nanggappa koasa malaeka'-malaekaka battu ri Allata'ala untu' ammarenta ri lino beru labattua, iamintu lino nibicaraya ri kamma-kammaya anne.

PAOLE 21:6

Nampa sikontu tau-tau toana anjo kota kaminang ambania, musti nabissai limanna irateanna anjo sapia

KAIMANGNGANG 16:4

Nampa pole musti naparhatikangi Harun anne paratorang-paratoranga. Ri wattu tenanapa nantama' ri Kamara' Kaminang Matangkasaka musti a'je'neki, nampa napake pakeang imanga, iamintu baju, saluara' bodo, passikko' aya' siagang soro'bang, yangasenna battu ri lenang.

KALAPPASSANG 40:12

Le'baki anjo, suroi Harun siagang ana'-ana'na battu ri pakke'bu' Kemaya na nabissai kalenna.

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.

IBRANI 6:2

yareka pappilajarang uru-urua ri passala'na pa'je'nekanga yareka appatompanga lima irateanganna taua untu' ambarakkaki; yareka ri passala'na attallasa' poleanga ammotere' battu ri kamateanga siagang hukkungang satunggu-tunggua.

EFESUS 1:10

Anjo eroka Nagaukang, iamintu, sollanna sikontu linoa, baji' na niaka ri suruga yareka na niaka ri buttaya, a'jari se're ngasengi lalang ri Almasi, a'jaria kapala. Na punna narapi'mi wattunna, laNapa'le'ba'mi Allata'ala anjo jama-jamanga.

GALATIA 4:9

Mingka kamma-kamma anne nuassemmi Allata'ala; yareka bajikangangi punna nikana, Naasseng mako Allata'ala. Angngapa nanuero' ammotere' poleang mae ri roh-roh niaka lalang lino, lammaya siagang kasi-asia? Angngapa nuero' poleang nipare' ata ri roh-roh kammaya anjo?

MARKUS 7:4

Apa-apa niballia ri pasaraka tena nakkulle nikanre punna tena nibissai rolong. Siagang jai pole atorang-atorang maraeng, battua ri tu riolona ke'nanga, nata'gala' jarre' dudui ke'nanga; kammaya ebara'na: a'bissaya kaca pangnginungang, mangko', siagang pakkakasa' tambagaya.

KAIMANGNGANG 22:6

Se'rea imang, manna pole apa passabakkanna na'jari ra'masa', tuli ra'masa'na sa'genna labu alloa. Siagang punna labumo alloa tenapa nakkulle angnganre kanre nipassareang ri Batara punna tenapa nale'ba' a'je'ne'.

KALAPPASSANG 29:4

Suroi Harun siagang ana'-ana'na battu ri pakke'bu' KemaKu siagang natangkasi kalenna.

PAMMILANGNGANG 6:3

takkulleai angnginung je'ne' anggoro' siagang inungang terasa'. Manna inungang terasa' antekammaya iamintu nipareka battu ri anggoro' yareka rappo-rappoang maraengannaya, takkulleai nainung. Takkulleai angnganre rappo anggoro' beru yareka kalotoroka, yareka manna pole apa-apa mamo battua ri poko' anggoroka; lisere'na yareka pucu'na takkulleai nakanre.

IBRANI 7:12

Jari, punna amminramo empoanna imang-imanga, musti amminra tommi hukkung-hukkung agama Yahudia.

KAIMANGNGANG 13:58

Na punna le'baki nibissai nampa tappela' tanja'na anjo jappoka ri anjo baranga, anjo baranga musti nibissai pole, na nampamo akkulle nikana tangkasa' anjo baranga.