IBRANI 8:8 - KITTA' MATANGKASA'

⁸ Mingka nia'mo kasalang Nagappa Allata'ala ri Umma'Na, sa'genna Nakanamo Allata'ala, “U'rangi, angkanaya lanarapiki sallang wattunna, naKulappare' passijanjiang beru siagang bansa Israel, siagang bansa Yehuda.

IBRANI 8:8 Referans Kwoze

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

YEREMIA 32:40

LapparekKa' parjanjiang mannannungang siagang ke'nanga. Tena Kulammari a'gau' baji' mae ri ke'nanga. LaKupa'jari mallaki ke'nanga siagang mappakalompoi ri Nakke lalang sikontu nyawana sollanna tena nabella ke'nanga ri Nakke.

IBRANI 9:15

Lanri kammanami anjo, na'jarimo tete Almasi untu' passijanjiang beru, sollanna akkulle natarima sikamma tau le'baka Nakio' Allata'ala untu' annarima barakka'-barakka' mannannungang le'baka Napa'janjiang Allata'ala. Yangasenna anjo kammaya akkullei kajariang lanri nia'na le'ba' mate, iamintu Almasi; na battu ri iaminjo kamateanNa Nakkullemo Nalappassang rupataua battu ri sikamma kasalang le'baka nagaukang ke'nanga, ri wattu tappakena ija passijanjiang uru-urua.

2 KORINTUS 3:6

Iami assarei pakkulle ikambe a'jari palayang untu' parjanjiang berua; iamintu parjanjiang tatta'galaka ri RohNa Allata'ala, jari teai ri hukkung tattulisika. Nasaba' anjo tattulisika angngerangi kamateang, mingka anjo RohNa Allata'ala angngerangi katallassang.

1 KORINTUS 11:25

Kammatommi anjo ri le'ba'na angnganre, angngalle tommi pangnginungang anggoro', nampa Nakana, “Anne anggoroka, iami a'jari pammatei Parjanjiang BeruNa Allata'ala, nipa'jari assaya lanri cerakKu. Kere-kere wattu nanuinungi, gaukammi anne kammaya untu' a'jari pangngu'rangi mae ri Nakke.”

LUKAS 22:20

Kamma tomminjo, ri le'ba'na nakanre ke'nanga anjo rotia, Napassareammi anjo piala anggoroka mae ri ana'-ana' gurunNa, na Nakana, “Anne pialaya iami a'jari pammatei parjanjiang beruNa Allata'ala, nipa'jari assaya siagang cerakKu, iamintu cera' nipasolonga untu' ikau ngaseng.”]

YEHEZKIEL 37:26

LapparekKa' parjanjiang siagang ke'nanga untu' ampattantui kaamangnganna ke'nanga sa'genna satunggu-tungguna. LaKubarakkaki ke'nanga siagang laKutambai jaina ke'nanga. LaKubangungi ri pa'rasanganna ke'nanga BallakKu, lammentenga anjoreng satunggu-tungguna.

YEREMIA 31:38

Nakana Batara, “Lanarapiki sallang wattunna sikontu Yerusalem lanibangungi ammotere' a'jari kotaKu, battu ri Menara Hananeel sa'genna Pakke'bu' Lompo Panyingkuluka.

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

MARKUS 14:24

Le'baki anjo Nakanamo Isa, “Iaminne pangngebarranna cerakKu, iamintu cera' nipasolonga untu' tau jaia, ampa'assayai parjanjianNa Allata'ala.

YEREMIA 31:27

INakke, Batara, angkana labattui wattunna pa'rasangang Israel siagang Yehuda laKupirassi tau siagang olo'-olo'.

YEREMIA 30:3

Nasaba' lanarapiki sallang wattunna nalaKupa'jari baji' ammotere' katallassanna ummakKu Israel siagang Yehuda. LaKuerangi ammotere' ke'nanga mange ri pa'rasangang le'baka Kupassareang mae ri boe-boena ke'nanga. Anjo pa'rasanganga lanapatangi ammotere' ke'nanga. INakke, Batara, anne akkana.”

YEREMIA 23:7

Lanarapiki sallang wattunna, natenamo nalassumpa taua lalang arengKu, Allata'ala mattallasaka, angngerangai umma' Israel assulu' battu ri Mesir,

YEREMIA 23:5

Nakana Batara, “Lanarapiki sallang wattunna, naKuangka' sitau karaeng adeleka battu ri jari-jarina Daud. Anjo karaenga lacara'deki batena ammarenta, siagang nagaukangi apa adeleka siagang annabaya ri sikontu pa'rasanganga.

LUKAS 17:22

Le'baki anjo Nakanamo Isa ri ana'-ana' gurunNa, “Lanarapiki sallang wattunna nanuero' anciniki se'rea allo ri allo kabattuanNa Ana' Ma'rupataua, mingka takkulleako anciniki.

MATIUS 26:28

Nasaba' iaminne cerakKu, ampakajarrekai janjinNa Allata'ala – cera' nipasolonga, sollanna akkulle nipammopporang sikontu dosana tau jaia.

PAOLE 29:14

Anjo parjanjianga siagang sikamma kawajibang niaka lalanganna, Napareki Batara teai siagang ikau bawang,

IBRANI 7:22

Lanri iatommi anne na'jarimo Isa panjarreki ri janji la'bi bajikanganga.

IBRANI 8:6

Mingka kamma-kamma anne la'bi lompoangangi jama-jamang imang Nagappaya Isa, naanjo jama-jamang imang nagaukanga ke'nanga. Nasaba' anjo passijanjiang Napareka Allata'ala siagang rupataua la'bi bajikangangi lanri situruki ri janji apa-apa la'bi bajikanganga.

IBRANI 8:13

Lanri appare'namo Allata'ala passijanjiang beru, a'jari toami siagang rotto'mi anjo passijanjiang rioloa; na anjo apa toayamo, tasalloami nalanynya'.

LUKAS 5:38

Anggoro' berua musti anjoreng tongi ri pammoneang berua niboli'.