IBRANI 7:3 - KITTA' MATANGKASA'

³ Ri sesena anne Melkisedek tena kasingaranna nipau angkanaya nia' manggena, yareka amma'na, yareka boe-boena; tena todong kasingarang ri passala' kalassukanna, yareka ri kamateanna. Ia sangkammai Ana'Na Allata'ala; iami imang satunggu-tunggua.

IBRANI 7:3 Referans Kwoze

IBRANI 7:17

Nasaba' nia' lalang ri Kittaka angkana, “Ikaumi imang sa'genna satunggu-tungguna, sangkamma Imang Melkisedek.”

IBRANI 7:6

Melkisedek teai sossoranna Lewi, mingka annarima tongi bage sampulona battu ri barang-barang nagappaya Abraham, siagang nabarakkaki tongi Abraham, ia le'baka anggappa janji-janji battu ri Allata'ala.

MATIUS 4:3

Battumi billisika na nakana, “Sai Ana'Nako Allata'ala? Punna kamma, suromi anjo batu-batua a'jari roti.”

KALAPPASSANG 6:18

Merari nia' rua ana'na bura'ne, iamintu: Mahli siagang Musi. Iaminjo ke'nanga sikamma golongang niaka lalang ri suku Lewi siagang massing jari-jarina ke'nanga.

PAMMILANGNGANG 1:18

na nasuro Musa siagang Harun sikontu ummaka asse're ri tanggala' se're bulang rua, nampa nisusung pattottoranna ke'nanga situru' golongang passibijanna lalang ri tunggala' sukuna ke'nanga. Nicata'mi sikontu tu bura'ne umuru' ruampulo taunga na rateanganna nampa nibilang,

IBRANI 4:14

Iaminjo saba'na kimusti anna'gala' jarre' mae ri pangakuang katappakkanta. Nasaba' nia' Imang Malompota, le'bakamo antama' sa'genna ri dallekanNa Allata'ala – iamintu Isa, Ana'Na Allata'ala.

IBRANI 7:1

Anne Melkisedek karaeng battu ri Salem, siagang imang Kaminang Tinggina Allata'ala. Ri wattunna ammotere' Abraham battu ri pa'bundukanga nanabeta karak-karaeng balinnaya, battumi Imang Melkisedek anruppai siagang ambarakkaki.

IBRANI 7:2

Jari napassareammi Abraham mae ri Melkisedek bage sampulona battu ri sikontu barang-barang naallea battu ri balinna. (Battuanna anne areng Melkisedek uru-uruna iamintu, “Karaeng Kaadelang”; siagang pole lanri ia karaeng battui ri Salem, jari battuanna pole anne arenna iamintu “Karaeng Kasalewangang”.)