IBRANI 7:22 - KITTA' MATANGKASA'

²² Lanri iatommi anne na'jarimo Isa panjarreki ri janji la'bi bajikanganga.

IBRANI 7:22 Referans Kwoze

1 KORINTUS 11:25

Kammatommi anjo ri le'ba'na angnganre, angngalle tommi pangnginungang anggoro', nampa Nakana, “Anne anggoroka, iami a'jari pammatei Parjanjiang BeruNa Allata'ala, nipa'jari assaya lanri cerakKu. Kere-kere wattu nanuinungi, gaukammi anne kammaya untu' a'jari pangngu'rangi mae ri Nakke.”

PA'JARIANG 44:32

Nampa pole le'ba'mi anne atanta a'janji mae ri manggena ikambe, angkanaya anne atanta antanggongi anjo anaka. Nakana anne atanta ri ia, punna tena naerangi atanta ammotere' anjo anaka mae ri ia, inakkeminne atanta lantanggongi hukkunganna lalang sikontu tallasa'na anne atanta.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

PA'JARIANG 43:9

Inakke antanggongi siagang akkullei kituntu' ri nakke. Punna tena kuerangi ammotere' siagang salama', inakke antanggongi hukkunganna lalang sikontu tallasakku.

LUKAS 22:20

Kamma tomminjo, ri le'ba'na nakanre ke'nanga anjo rotia, Napassareammi anjo piala anggoroka mae ri ana'-ana' gurunNa, na Nakana, “Anne pialaya iami a'jari pammatei parjanjiang beruNa Allata'ala, nipa'jari assaya siagang cerakKu, iamintu cera' nipasolonga untu' ikau ngaseng.”]

MATIUS 26:28

Nasaba' iaminne cerakKu, ampakajarrekai janjinNa Allata'ala – cera' nipasolonga, sollanna akkulle nipammopporang sikontu dosana tau jaia.

MARKUS 14:24

Le'baki anjo Nakanamo Isa, “Iaminne pangngebarranna cerakKu, iamintu cera' nipasolonga untu' tau jaia, ampa'assayai parjanjianNa Allata'ala.

DANIEL 9:27

Anjo karaenga lappareki parjanjiang majarre' siagang tau jaia lalang tuju taung. Ri attangngana anjo jammanga lanasuro pamarimi nikanaya assare koro'bang siagang passare. Nampa nia' apa appakamalla' iamintu niarenga Kaja'dallang angngancuruka, laniboli' ri Balla'Na Batara siagang latuli nia'na anjoreng sa'genna anjo tau ambolikai anjoreng nitujumi kapanrakang le'baka Napattantu Allata'ala untu' anjo taua.”

PANGNGEBARANG 20:16

Inai antanggongi inranna tau maraenga, siratangi nialle barang-baranna untu' a'jarri panynyikko' janjinna.

PANGNGEBARANG 6:1

Ana', le'bakko kapang a'janji untu' antanggongi inranna se'rea tau.

PAMMUJI 119:122

A'janji maKi' angkana laKitulunga', teaKi' balang parekangia' nijallakkang ri tau tampoa.

YESAYA 38:14

Sa'rangku pila' ca'dimi na pila' lamma, rapang jangang-jangang bodobangkeng akkunrareng. Mangngammi matangku acconga nai' ri langi', Batara, Kilappassanga' battu ri anne kasusaanga.

IBRANI 7:23

Nia' ija se're passala': anjo imang-imang maraenga jai, lanri massing mate ngasengi ke'nanga, sa'genna takkulleai napannarrusu' jama-jamanna.

IBRANI 8:13

Lanri appare'namo Allata'ala passijanjiang beru, a'jari toami siagang rotto'mi anjo passijanjiang rioloa; na anjo apa toayamo, tasalloami nalanynya'.