IBRANI 5:8 - KITTA' MATANGKASA'

⁸ Isa Iami Ana'Na Allata'ala; mingka manna nakamma, appilajara'mi a'jari tu mappilangngeri lalang ri kapa'risanNa.

IBRANI 5:8 Referans Kwoze

FILIPI 2:8

Napa'jari tunai KalenNa namannuruki ri Allata'ala sa'genna mate – iamintu mate ri kayu sallika.

YOHANES 4:34

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

YOHANES 15:10

Punna nugaukang apa-apa Kuparentakanga, ma'nassami angkanaya tuli jarre' mako ri pangngamaseangKu; sangkamma iNakke tuli jarreKa' ri pangngamaseanNa Manggea, lanri Kugaukanna parenta-parentaNa.

YOHANES 6:38

Nasaba' naKunaung battu ri suruga, teai ero' KalengKu laKugaukang, passangalinna ero'Na Ia assuroA' battu, iamintu ManggeKu.

IBRANI 3:6

Mingka tamalanreai Isa salaku Ana' antanggongiai amparakai Balla'Na Allata'ala. Na ikattemi anne sanrapang Balla'Na Allata'ala, punna tuli lompona sumangatta siagang tuli tappatta angkanaya tena tanigappana anjo apa niminasaia.

IBRANI 1:8

Mingka mae ri anjo Anaka, Nakana Allata'ala, “Empoang kala'biranNu, o Allata'ala, lasa'genna satunggu-tungguna! PamarentahanNu, iamintu pamarentahang adele'.

IBRANI 1:5

Tena le'bakai Allata'ala akkana kamma anne mae ri se'reang malaeka', “Ikaumi AnakKu; anne alloa iNakke a'jari ManggeNu.” Tena le'baka tongi Allata'ala akkana kamma anne ri sesena se'reang malaeka', “INakke la'jari ManggeNa, na Ia la'jari AnakKu.”

MATIUS 3:15

Mingka appialimi Isa Nakana, “Boli'mi kamma rolong ri kamma-kammaya anne. Nasaba' lanri kammana minjo nanigaukang ngaseng sikamma Nakaerokia Allata'ala.” Jari nije'ne'mi Isa ri Yohanes.

IBRANI 1:2

Mingka anne ri kala'busang jammanga, a'bicarami mae ri katte tete ri Ana'Na. Tete ri Iami anne Ana'Na naNapa'nia' sikontu linoa siagang bonena. Siagang Napattantumi Allata'ala angkanaya Ia tommi anne Ana'Na siratang angkammai sikontu apa-apa niaka.

YESAYA 53:5

Mingka nilokoki lanri dosa-dosata ngaseng, nisessai passabakkang kaja'dallanta. Ia nihukkung sollanna ikatte nipasalama', lanri bokka' bate cambo' nakasiaka nakinipammolle.

YOHANES 10:18

Mingka tena manna sitau akkulle angngallei nyawaKu battu ri Nakke. Battu ri erokKu tonji naKupassareang. Nia' koasaKu ampassareangi, na nia' todong koasaKu angngallei ammotere'. Iaminjo tugasa' Kutarimaya battu ri ManggeKu.”