IBRANI 5:6 - KITTA' MATANGKASA'

⁶ Ri tampa' maraengannaya Nakana pole Allata'ala, “IKaumi Imang sa'genna satunggu-tungguna, sangkamma Imang Melkisedek.”

IBRANI 5:6 Referans Kwoze

PAMMUJI 110:4

Assumpai Batara a'janji, tena nalaNakaluppai, Nakana, “Ikaumi imang satunggu-tungguna, sanrapang Melkisedek.”

IBRANI 7:17

Nasaba' nia' lalang ri Kittaka angkana, “Ikaumi imang sa'genna satunggu-tungguna, sangkamma Imang Melkisedek.”

IBRANI 7:21

Mingka Isa, ammakei sumpa ri wattunna niangka' a'jari imang, iamintu ri wattunna Nakana Allata'ala mae ri Ia, “Le'ba'mi assumpa Batara, siagang talamamminrayai ri kananNa, ‘IKaumi Imang satunggu-tungguna.’ ”

IBRANI 7:3

Ri sesena anne Melkisedek tena kasingaranna nipau angkanaya nia' manggena, yareka amma'na, yareka boe-boena; tena todong kasingarang ri passala' kalassukanna, yareka ri kamateanna. Ia sangkammai Ana'Na Allata'ala; iami imang satunggu-tunggua.

IBRANI 5:10

kammayatompa nipa'nyatami ri Allata'ala angkana Iami a'jari Imang Malompo, antamaya sangkamma Imang Melkisedek!

IBRANI 6:20

Le'ba'mi Nasungke Isa oloang mangea anjoreng ri tampaka untu' ikatte; siagang le'ba'mi antama' anjoreng a'jari Imang Malompota satunggu-tungguna lalang ri golonganna Imang Melkisedek.

IBRANI 7:15

Anne apa nibicaraya a'jari pila' singara'mi pole, ri wattunna nia'mo battu sitau imang maraeng sangkamma Melkisedek.

IBRANI 7:8

Anjo imang-imang annarimaya pa'bayara' bage sampulo, tau akkulle tonji mate. Mingka turu' ri Kittaka: Anjo Melkisedek annarimaya passare bage sampulo, tau tuli attallasa'na.

IBRANI 7:11

Irawangang pimpinannai imang-imang Lewi nanipassareang hukkung agama Yahudia mae ri umma' Israelka. Lanri riolo, takkulleai nagaukang imang-imang Lewi sa'genna sukku' baji'na anjo jama-jamang musti nagaukanga ke'nanga, jari musti nia' imang maraeng, iamintu sangkammaya Imang Melkisedek; jari teaimi imang battu ri golonganna Harun.