IBRANI 4:8 - KITTA' MATANGKASA'

⁸ Punna ebara' angkana le'ba'mi naerang Yosua anjo taua antama' ri tampa' pammari-mariang Napa'janjianga Allata'ala, tenamo Nala'bicara pole Allata'ala ri passala' se'reang allo maraeng.

IBRANI 4:8 Referans Kwoze

YOSUA 1:15

Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 22:4

Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.

PAOLE 12:9

nasaba' tenapa nuntama' ri pa'rasangang Napassareanga Karaeng Allata'alanu mae ri kau, iamintu tampa' akkullea nupammantangngi siagang amang situlina.

YOSUA 23:1

Salloi ri le'ba'na anjo Nasaremi Batara anjo umma' Israel kaamangngang; tenamo nanisusai ke'nanga ri pa'garatta'na musua. Anjo wattua toa sikalimi Yosua.

LAMPA-LAMPANA 7:45

Nampa naerang boe-boeta siagang Yosua anjo pa'balla'-ballakanNa Allata'ala ri wattunna a'lampa ke'nanga ambunduki nampa naalle ke'nanga anne pa'rasanganga battu ri kakoasanna bansa-bansa nibongkaya ri Allata'ala battu ri dallekanna ke'nanga. Niaki anjoreng anjo pa'balla'-ballakanNa Allata'ala sa'genna jammang pamarentahanna Daud.

PAMMUJI 78:55

Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

PAMMUJI 105:44

Buttana bansa-bansaya Nasareangi ke'nanga, koko-kokonna ke'nanga Napa'jari umma'Na pata,

PAOLE 25:19

Lanri kammana anjo, punna Napassareammo Karaeng Allata'alanu anjo pa'rasanganga mae ri kau, siagang amang mako battu ri sikamma musunnu niaka ri tammulilinu, anjo sikontu tu Amalek musti nubuno ngasengi sa'genna nikaluppaimo ke'nanga. Teako kaluppai!”

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

IBRANI 1:1

Ri jammang riolo, a'mole-molemi a'bicara Allata'ala mae ri boe-boeta. A'bicarami tete ri na'bi-na'bia, siagang a'rupa-rupami cara Napake a'bicara.

IBRANI 4:9

Jari, untu' Umma'Na Allata'ala nia' ija janji untu' lammari-mari sangkamma ammari-mariNa Allata'ala ri anjo allo makatujua.

1 PATTOTTORANG 7:27

Nun, siagang Yosua.