IBRANI 4:16 - KITTA' MATANGKASA'

¹⁶ Lanri kammana, mae mako nakipa'baraniang kalenta andallekang ri Allata'ala, baji' pa'maika ammarenta. LaNakamaseangki' siagang laNabarakkakiki' Allata'ala sollanta akkulle anggappa pannulung ri sitabanna le'ba' wattunna.

IBRANI 4:16 Referans Kwoze

EFESUS 3:12

Lanri tappatta mae ri Almasi, siagang lanri asse'retamo siagang Ia, Nasaremaki' kabebasang untu' a'reppese' mae ri Allata'ala siagang tappa' majarre'.

IBRANI 7:25

Lanri kammanami anjo nakkulle Isa sa'genna satunggu-tungguna ampasalamaki sikontu tau battua mae ri Allata'ala tete ri KalenNa; nasaba' attallasaki satunggu-tungguna sollanna akkulle Napappala'-palakkang sikamma anjo taua mae ri Allata'ala.

IBRANI 13:6

Lanri kammana kibaranimo angkana, “Batara Pannulungku, tenamo nakumalla'. Apa lakkulle nagaukang taua mae ri nakke?”

1 PETRUS 2:10

Riolo teaiko umma'Na Allata'ala, mingka kamma-kamma anne umma'Na mako Allata'ala. Riolo tanikamaseangako ri Allata'ala; mingka kamma-kamma anne nutarimami pangngamaseanNa.

EFESUS 2:18

Tete ri Almasi, siagang lanri RohNa Allata'ala se'rea, akkulle maki' a'reppese' mae ri Manggea, baji' na tu Yahudi yareka bansa maraenga.

IBRANI 7:19

Takkulleai hukkung agama Yahudia ampa'jari sukkuki baji'na se'rea apa-apa. Lanri kammanami anjo nakinisaremo kamma-kamma anne panrannuang la'bi bajikanganga; iaminjo patteteang nakiakkulle a'reppese' mae ri Allata'ala.

KAIMANGNGANG 16:2

“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.

IBRANI 9:5

Irateanganna anjo Pattia nia' rua patong malaeka' akka'nyika, a'jaria pangngebarang ri kahaderanNa Allata'ala. Anjo ruaya ka'nyi'na patung malaekaka tassungkei irateanganna anjo pattongko' Pattia, iamintu tampa' pammopporanna dosa-dosaya. Mingka takkullea ngasengi anjo sikammaya nipakasingara' apa battuanna sa'genna a'jari singara' tojeng-tojeng.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

1 PATTOTTORANG 28:11

Le'baki anjo napassareammi Daud mae ri Salomo rancana bangunanna anjo Balla'Na Batara, gudang-gudanna, sikontu kamara'na, siagang Kamara' Kaminang Matangkasa'na, iamintu tampa' nipammopporanna dosaya.

IBRANI 3:6

Mingka tamalanreai Isa salaku Ana' antanggongiai amparakai Balla'Na Allata'ala. Na ikattemi anne sanrapang Balla'Na Allata'ala, punna tuli lompona sumangatta siagang tuli tappatta angkanaya tena tanigappana anjo apa niminasaia.