IBRANI 4:14 - KITTA' MATANGKASA'

¹⁴ Iaminjo saba'na kimusti anna'gala' jarre' mae ri pangakuang katappakkanta. Nasaba' nia' Imang Malompota, le'bakamo antama' sa'genna ri dallekanNa Allata'ala – iamintu Isa, Ana'Na Allata'ala.

IBRANI 4:14 Referans Kwoze

IBRANI 9:24

Nasaba' teai Kamara' Matangkasa' bate pare'na rupataua Napantamakki Almasi. Anjo Tampaka poro pangngebaranji bawang ri Kamara' Matangkasa' sitojennaya. Ma'nassa suruga tojeng Napantamakki Almasi; anjoremmi kamma-kamma anne andallekang ri Allata'ala untu' kasalamakkanta ngaseng.

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

IBRANI 10:23

Paralluko anna'gala' jarre' mae ri panrannuang le'baka nimangakui, nasaba' tappakki' angkanaya laNarupai janjinNa Allata'ala.

IBRANI 9:12

Sikaliji Almasi antama' ri anjo Kamara' Kaminang Matangkasaka ilalang ri anjo kemaya sa'genna satunggu-tungguna. Anjo wattua tena Nangngerang cera' bembe laki, yareka cera' sapi rungka untu' lanipangngadakkang; passangalinna cera' KalenNa Naerang, na lanri kammanami anjo naNalappassang maki' battu ri dosa-dosaya sa'genna satunggu-tungguna.

IBRANI 6:20

Le'ba'mi Nasungke Isa oloang mangea anjoreng ri tampaka untu' ikatte; siagang le'ba'mi antama' anjoreng a'jari Imang Malompota satunggu-tungguna lalang ri golonganna Imang Melkisedek.

EFESUS 4:10

Na Ia minjo le'baka naung, Ia tommi nai' sa'genna ri tampa' la'bi bellaya tinggina na sikontu langika, sa'genna rassimo sikontu linoa ri kahaderanNa.

ROMA 8:34

Maka lania' tau ampasalaki'? KalenNa Isa Almasi sallang angngalle-ngalleangki'. KalenNami le'ba' mate, kammayatompa KalenNami le'ba' nipattallasa' poleang ammotere' battu ri kamateanga siagang nia'mi ri sa'rinNa Allata'ala iamintu ri tampa' makoasaya.

IBRANI 3:14

Ikatte anne bela sipanjama-jamanna ngasengki' Almasi, assala' tuli nita'gala' jarreki katappakkang niaka ri katte battu ri uru-uruna sa'genna kala'busang.

IBRANI 2:17

Jari battuanna, angkanaya Iami musti a'jari sangkamma sari'battanNa ngaseng lalang ri sikontu-kontuna. Siagang lanri kammanami anjo nakkullemo a'jari Imang Malompo, Ia tamalanrea siagang lompo pangngamaseanga. Battu ri iaminjo palayananNa nakkullemo nipammopporang dosana rupataua.

IBRANI 10:12

Na Almasi, poro se'reji bawang koro'bang Napassareang untu' ampammopporangi dosa-dosata; anjo koro'banga a'matu-matumi sa'genna satunggu-tungguna. Le'baki Napassareang Almasi anjo koro'banga ammempomi ri sa'ri kananNa Allata'ala, ammarenta siagang Allata'ala.

IBRANI 8:1

Poko'na anne sikamma nibicaraya iamintu: Nia' Imang Malompota sangkammaya anjo; niaka ammempo ammarenta siagang Allata'ala Kaminang Lompoa ri suruga.

LAMPA-LAMPANA 1:11

Nakanamo anjo tau ruaya, “E, ikau ngaseng tu battua ri Galilea, angngapa nummantang bawang antureng acconga nai' ri langika? Anjo Isa, nucinika ta'angka' nai' ri suruga, labattu poleangi sallang lalang kala'biranNa, sangkamma la'biri'Na ri wattunna nucini' nai' ri suruga sumpadeng.”

IBRANI 1:8

Mingka mae ri anjo Anaka, Nakana Allata'ala, “Empoang kala'biranNu, o Allata'ala, lasa'genna satunggu-tungguna! PamarentahanNu, iamintu pamarentahang adele'.

LAMPA-LAMPANA 3:21

Musti ammantangi ri suruga sa'genna le'ba' ngaseng Napa'jari beru linoa Allata'ala, situru' apa le'baka Napattantu Allata'ala lalang ri na'bi-na'biNa ri jammang riolo.

LUKAS 24:51

Lalang Nabarakkakina ke'nanga, ta'angka'mi Isa nai' ri suruga, nampa tassa'la' battu ri ke'nanga.

MARKUS 16:19

Le'baki a'bicara Isa siagang ke'nanga, ta'angka'mi Isa nai' ri suruga. Anjorengi ammarenta siagang Allata'ala.

IBRANI 2:1

Iaminjo saba'na kimusti la'bi attojeng-tojeng anna'gala' jarre' mae ri sikontu pangngajarang le'baka nilangngere' battu ri Allata'ala, sollanna tena nanibokoi katappakkanta.

MARKUS 1:1

Iaminne Kabara' Baji' ri passala'na Isa Almasi, Ana'Na Allata'ala.

MATIUS 4:3

Battumi billisika na nakana, “Sai Ana'Nako Allata'ala? Punna kamma, suromi anjo batu-batua a'jari roti.”

2 KORINTUS 9:13

Na battu ri iami anjo kabajikang nupappicinikanga, najaimo tu Karisteng ri Yudea lamammuji mae ri Allata'ala. Lanri nacini'na ke'nanga antekamma jarre'nu mae ri Kabara' Baji' nupinawanga, iamintu ri sesena Almasi. Kammayatompa mammujimi ke'nanga ri Allata'ala lanri lammoro'na pa'mai'nu ambage-bagei ke'nanga siagang tau maraenga, apa-apa niaka ri kau.

2 KORINTUS 12:2

Nia' kuasseng se're tu Karisteng sampulo angngappa' taung allaloa, niangkaka nai' ri lonjo' kaminang tinggina surugaya. (Takuassengai angkanaya maka tubuna tojeng-tojeng niangka' nai' ri suruga yareka paccinikkuji bawang. Allata'alaji bawang angngassengi.)

IBRANI 3:1

Sikamma sari'battangku, parangku tu Karisteng, nikioka tommo ri Allata'ala! Alle sai pikkiri' baji'-baji' anne ri sesena Isa! Nisuromi ri Allata'ala untu' a'jari Imang Malompo lalang ri agamata.

IBRANI 6:6

Mingka le'baki anjo, ammono'bokomi ke'nanga! Antekamma batena laniulu toba' poleang ke'nanga battu ri dosa-dosana? Nasaba' nasalli' poleammi ke'nanga Ana'Na Allata'ala nanihina-hina ri dallekanna tau jaia.

IBRANI 7:3

Ri sesena anne Melkisedek tena kasingaranna nipau angkanaya nia' manggena, yareka amma'na, yareka boe-boena; tena todong kasingarang ri passala' kalassukanna, yareka ri kamateanna. Ia sangkammai Ana'Na Allata'ala; iami imang satunggu-tunggua.

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

1 PETRUS 3:22

siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.

YEHEZKIEL 46:10

Patugasa' pamarentaya musti antamaki ri Balla'Na Batara assiagang ngaseng ra'yaka, siagang punna ammotereki musti siagang ngaseng tongi.