IBRANI 3:5 - KITTA' MATANGKASA'

⁵ Tamalanreai Musa a'jari palayang lalang ri Balla'Na Allata'ala siagang ampabattui apa-apa laNapa'nyataya Allata'ala sallang ri allo labattua.

IBRANI 3:5 Referans Kwoze

PAMMILANGNGANG 12:7

Mingka tena nakamma anjo mae ri atangKu Musa. Iami tau majarre' pa'maika ri alla'na ummakKu.

IBRANI 3:2

Tamalanreai mae ri Allata'ala, le'baka ampilei untu' anggaukangi anjo jama-jamanga; sangkamma todong Musa riolo, tamalanreai anggaukangi jama-jamanna ri Balla'Na Allata'ala.

KALAPPASSANG 14:31

Nacini'na tu Israel antekamma lompona kakoasanNa Batara ambetai tu Mesir, lannasa' sikalimi ke'nanga, siagang tappa'mi ke'nanga ri Batara siagang ri Musa atanNa.

PAMMUJI 105:26

Nampa Nasuro Musa atanNa siagang Harun tunipileNa.

LAMPA-LAMPANA 28:23

Jari appattantumi ke'nanga siagang Paulus se're allo untu' a'rappungang pole. Anjo alloa jai tau battu mange ri pammantanganna Paulus. Battu ri bari'basa' sa'genna karueng napakasingara'mi siagang napabattumi Paulus anjo biritta battua ri Allata'ala siagang Pamarentahanna. Napakemi Paulus apa-apa niaka tattulisi' lalang ri Kitta'na Musa siagang Kitta'na Na'bi-na'bia, ampakasingariangi ke'nanga sollanna a'jari tappa' ke'nanga mae ri Isa.

IBRANI 8:5

Anjo jama-jamang imang nagaukanga ke'nanga, sikontutojenna poro pangngebaranji siagang bayang-bayanji bawang mae ri apa niaka ri suruga. Anjo le'ba'mi Napau Allata'ala mae ri Musa riolo, iamintu ri wattunna lappaenteng KemaNa Batara Musa. Kammami anne kananNa Allata'ala mae ri Musa, “U'rangi! Yangasenna anjo musti nupareki situru' panrala' le'baka nipaccinikangko rate ri monconga.”

1 TIMOTIUS 1:12

Appala' sukkurukka' mae ri Batarata Isa Almasi. Iami le'ba' assarea' kagassingang untu' allayani mae ri Ia, siagang ampa'jaria' tau siratang anggaukangi anjo jama-jamanga.

YOSUA 1:2

Nakana Batara, “Matemi atangKu Musa. Jari baji'mi punna apparuru mako siagang sikontu umma' Israel kamma-kamma anne, untu' a'limbang ri Binanga Yordan, siagang ampantamakki pa'rasangang Kupassareanga mae ri ke'nanga.

PAOLE 34:5

Nampa matemo Musa, anjo atanNa Batara, ri butta Moab, sangkamma le'baka Napau riolo Batara.

IBRANI 9:24

Nasaba' teai Kamara' Matangkasa' bate pare'na rupataua Napantamakki Almasi. Anjo Tampaka poro pangngebaranji bawang ri Kamara' Matangkasa' sitojennaya. Ma'nassa suruga tojeng Napantamakki Almasi; anjoremmi kamma-kamma anne andallekang ri Allata'ala untu' kasalamakkanta ngaseng.

ROMA 3:21

Mingka kamma-kamma anne Nasaremi Allata'ala oloang rupataua sollanna akkulle assibajiki siagang Allata'ala; na anjo carana, tena sikali passisambunganna siagang hukkung-hukkung agamana tu Yahudia. Kitta'-kitta'nami Musa siagang na'bi-na'bia ampa'nyatai anjo passalaka;

YOHANES 5:39

Nupilajari Kittaka lanri nupikkiriki angkanaya kammaminjo carana nanugappa katallassang mannannunganga. Na iaminjo Kittaka a'jari sa'bi ri KalengKu.

LUKAS 24:44

Le'baki anjo Nakanamo ri ke'nanga, “Iaminne sikamma passala' le'baka Kupau ri kau ngaseng, ri wattungKu nia'ija assiagang ikau ngaseng. Iamintu angkanaya: sikamma niaka tattulisi' lalang Kitta'-kitta' Musa, Na'bi-na'bia, siagang Pammujia, iamintu ansero kanayai KalengKu, musti kajariang ngasengi.”

LUKAS 24:27

Le'baki anjo nipakasingariammi ri Isa ke'nanga, sikamma apa le'baka tattulisi' lalang ri Kittaka, ansero kanayai KalenNa. Napakasingara'mi appakkaramula battu ri kitta'-kitta'na Musa sa'genna kitta'na na'bi-na'bia.

YOSUA 8:31

Napareki anjo tampa' pakkoro'bangnganga situru' pitunju'-pitunju' niaka lalang ri Kitta'na Musa, anjo atanNa Batara, mae ri tu Israel. Kammaminne anjo pitunjuka: “Se're tampa' pakkoro'bangngang nipareka battu ri batu-batu tenayapa nale'ba' nijama siagang pakkakasa'-pakkakasa' bassi.” Irate ri anjo tampa' pakkoro'bangnganga assare koro'bang tu Israel mae ri Batara, iamintu: koro'bang nitunu siagang koro'bang passiamakkanna ke'nanga.

1 KORINTUS 4:2

Uru-uruna nituntu' ri anjo palayang kammaya iamintu tamalanrea mae ri karaenna.

LAMPA-LAMPANA 7:37

Ia tomminjo Musa angkanaya ri bansa Israel, ‘LaNasareko Allata'ala sitau na'bi nipilea battu ri tangnga-tangnganu, sangkammaya bateku Napilei.’

LUKAS 12:42

Appialimi Isa Nakana, “Inai palayang tuli baji' siagang cara'de' sa'genna niangka' ri karaenna a'jari kapala mae ri palayang-palayang maraenga, sollanna nasare kanre ke'nanga punna narapi' wattunna?

MATIUS 25:21

Nakanamo anjo karaenga, ‘Baji' sikalimi! Ikau palayang bajikko siagang tutuko. Lanri akkulleko nipatappa' ri apa-apa sike'deka, lakupirannuangiko pole apa-apa jaianganga. Antama' mako nakisiagang assannang-sannang!’

MATIUS 24:45

Nakanamo pole Isa, “Punna kamma, maka kereanga palayang tuli bajika siagang cara'deka? Iami niangka' ri karaenna a'jari kapala mae ri palayang-palayang maraenga, sollanna nasare ke'nanga kanre punna narapi' wattunna.

YOSUA 8:33

Sikontu tu Israel, siagang sikamma pamimpinga, komandang-komandang tantaraya, haking-hakinga, kammayatompa bansa maraeng niaka ammantang ri alla'na ke'nanga, massing ammenteng ngasengi ke'nanga ri ba'leang kairi kananna anjo Patti ParjanjianNa Batara, a'dalle mae ri sikamma Imang Lewi ambulekai anjo Patti Parjanjianga. Bage ruana anjo taua a'dalle mangei ri Moncong Gerizim, nampa bage ruana maraenga a'dalle' mangei ri Moncong Ebal. Le'ba'mi naparentakang Musa, anjo atanNa Batara, sollanna nagaukang ke'nanga anjo kammaya punna narapi'mo wattunna ke'nanga untu' antarimai barakka' Napa'janjianga Batara.

YOSUA 1:15

Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 1:7

Iaji bawang, paralluko tappa' tojeng-tojeng siagang barani. Musti nujagai sollanna tuli nuturuki sikontu hukkung napassareanga anjo atangKu Musa mae ri kau; teako kaluppai manna sike'de', sollanna a'jari usahanu.

PAOLE 3:24

O, Batara Kaminang Tinggia, kuassengi Batara, angkanaya anne sikamma apa Kipappicinikanga mae ri nakke, nampami pakaramulanna sikamma gau' malompoTa siagang gau' mappakalannasatTa. Tena ruanTa Allata'ala ri langika kammayatompa ri buttaya, akkullea anggaukangi sikamma gau' hebaka.

NEHEMIA 9:14

Allo Pammari-mariang matangkasaka musti napakalompoi ke'nanga, na tete ri Musa Kipassareang hukkunTa.

KALAPPASSANG 40:16

Nagaukammi Musa sikontu anjo apa Naparentakanga Batara.

IBRANI 1:1

Ri jammang riolo, a'mole-molemi a'bicara Allata'ala mae ri boe-boeta. A'bicarami tete ri na'bi-na'bia, siagang a'rupa-rupami cara Napake a'bicara.

IBRANI 3:4

Memang, tasse're-se'rea balla' tantu nia' ambangungi; mingka anjo ambangungai sikontu-kontua, iamintu KalenNa Allata'ala.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!