IBRANI 3:16 - KITTA' MATANGKASA'

¹⁶ Jari, inaika anjo tau allangngerekai sa'ranNa Allata'ala nampa nabali Allata'ala? Sai yangasemmi anjo tau le'baka napimping Musa assulu' battu ri butta Mesir?

IBRANI 3:16 Referans Kwoze

PAMMILANGNGANG 14:2

A'moro-moromi ke'nanga mae ri Musa siagang Harun angkana, “Bajikangngangi punna mateki' ri Mesir yareka anrinni ri parang lompoa! Lappassang maki' mate!

PAOLE 1:38

Mingka pakajarreki nyawana pambantunu, iamintu Yosua ana'na Nun. Iami lampimpingi tu Israel langngallei anjo buttaya.’

PAMMUJI 78:17

Mingka tulusu' dorakana ke'nanga mae ri Allata'ala, apparicui ke'nanga ri paranga mae ri Kaminang Tinggia.

PAMMILANGNGANG 26:65

Le'ba'mi Nakanang Batara angkanaya lamate ngasengi ke'nanga ri parang lompoa. Na memang mate ngasengi ke'nanga, pantaranganna Kaleb ana'na Yefune siagang Yosua ana'na Nun.

PAMMILANGNGANG 14:38

Battu ri anjo sampuloa anrua mata-mata, poro Yosua siagang Kaleb bawang ammantang attallasa' ija.

PAMMILANGNGANG 14:24

Mingka tena nakamma anjo mae ri atangKu Kaleb. Ia tena mamminrana mae ri Nakke. Lanri kammana anjo laKuerangi mange anjoreng ri pa'rasangang le'baka napantamakki. Kamma-kamma anne tu Amalek siagang tu Kanaan ammantang ri anjo lapparaka. Mingka anjo daeraya la'jari napatangi jari-jarina Kaleb, anjo atangKu. Ammuko musti ammoterekko siagang a'lampako mange ri parang lompoa mangea ri biring Tamparang Akaba.”

PAMMILANGNGANG 14:4

Nampa massing angkanamo para ia ke'nanga, “Umba kimmile sitau pamimping nampa ammoterekki' mange ri Mesir!”

PAMMILANGNGANG 14:11

Nakanamo Batara mae ri Musa, “Siapapi sallona anne taua langngewA'? Sa'ge kemae ke'nanga taeroka tappa' ri Nakke, manna pole jaimi gau' malompo Kugaukang ri tangnga-tangngana ke'nanga?

PAMMUJI 78:40

Tamaka ma'mole-molena ke'nanga angngewa ri Ia, siagang napa'risi pa'mai'Na ri wattunna ri parang lompoa.

YEREMIA 32:29

siagang lanatunui sa'genna la'busu' siagang ngaseng sikamma balla' napammantangngia tau ampakallarroA', lanri iratemi ri pattongko'na sikamma anjo ballaka attunu ke'nanga dupa untu' Rewata Baal, kammayatompa appatiri' anggoro' untu' napassareang mae ri rewata-rewataya.

YEREMIA 44:3

Nakajariang ngaseng anjo sikammaya lanri dorakai pandudu'na, sa'genna napakallaroA'. Assarei ke'nanga koro'bang siagang anynyombai mae ri rewata-rewata tenaya nale'ba' nasomba ke'nanga, tenaya nale'ba' nusomba yareka nasomba boe-boenu.

YEREMIA 44:8

Apa saba'na nanugaukang apa-apa ampabattuai larroKu? Battuko mae siagang ammantangko ri Mesir, pa'rasangang tenaya nuassengi, nampa anynyombako barhala siagang assareko koro'bang mae ri anjo rewata-rewataya! Apaka erokko angngancuruki kalennu sollannu nihina ri sikontu bansaya ri lino siagang nipake arennu salaku pattunra?

YUDAS 1:5

Yangasenna anjo nuasseng ngasemmi. Mingka, erokko kupakainga' ri passala' antekamma bateNa Batara ampasalamaki umma' Israel battu ri butta Mesir; mingka ribokoanganna Nabunoi sikamma tau tenaya natappa' ri alla'na ke'nanga.