IBRANI 3:14 - KITTA' MATANGKASA'

¹⁴ Ikatte anne bela sipanjama-jamanna ngasengki' Almasi, assala' tuli nita'gala' jarreki katappakkang niaka ri katte battu ri uru-uruna sa'genna kala'busang.

IBRANI 3:14 Referans Kwoze

IBRANI 3:6

Mingka tamalanreai Isa salaku Ana' antanggongiai amparakai Balla'Na Allata'ala. Na ikattemi anne sanrapang Balla'Na Allata'ala, punna tuli lompona sumangatta siagang tuli tappatta angkanaya tena tanigappana anjo apa niminasaia.

IBRANI 6:11

Kikellai sollanna tuli massing lompo sumanga'nu sa'genna kala'busang, sa'genna akkulle nutarima anjo apa-apa numinasaia.

1 PETRUS 4:13

Ba'lalo, parallui a'jari sannang pakkasia'nu lanri amminawannu todong angkasiaki sessaya siagang Almasi. Jari sallang, punna nipa'nyatamo kala'biranNa Almasi, larannu mako.

IBRANI 12:10

Punna naajarakki' tau toata ri anne linoa nia' batasa'na, situru' apa nakanaya baji' ke'nanga. Mingka punna Naajarakki' Allata'ala, anjo untu' kabajikang kalenta tonji, sollanta akkulle turu' siagang Ia a'jari matangkasa'.

IBRANI 6:4

Nasaba' tenamo olona lanirurungang ammotere' tau ammono'bokoa. Riolo nia'mi ke'nanga lalang ri kasingaranNa Allata'ala, siagang nakasia'mi passareNa. Kammayatompa amminawang tommi ke'nanga nikoasai ri RohNa Allata'ala.

EFESUS 3:6

Iaminne anjo rahasiaya: Passabakkang anjo Kabara' Bajika, para anggappami barakka'-barakka'Na Allata'ala bansa maraenga, siagang bansa Yahudia, iamintu barakka'-barakka' le'baka Napasadia Allata'ala; para a'jarimi ke'nanga anggota battu lalang ri tubu sangkammaya, siagang para natarima tommi ke'nanga apa Napa'janjianga Allata'ala tete ri Isa Almasi.

IBRANI 3:1

Sikamma sari'battangku, parangku tu Karisteng, nikioka tommo ri Allata'ala! Alle sai pikkiri' baji'-baji' anne ri sesena Isa! Nisuromi ri Allata'ala untu' a'jari Imang Malompo lalang ri agamata.

ROMA 11:17

Anjo tangke-tangkenna poko' zaitunga – iamintu pangngebaranna tu Yahudia – le'ba'mi nitoto sipa'rua. Nampa anjoreng ri bate le'baka nitoto nipaccangkokimi tangke poko' zaitun tenaya niparakai, iamintu pangngebaranna ikau bansa maraenga. Nipacangko' mako mae anjoreng sollanna nukasia' sikamma kabajikang battua ri katallassang rohanina tu Yahudia.

1 KORINTUS 10:17

Lanri se'reji bawang roti, na iami anjo roti se'rea nikanre nipassama-samai, ma'nassami angkanaya ikatte anne tu jaia a'jari se're maki' batangkale.

1 YOHANES 1:3

Apa le'baka nacini' siagang nalangngere' ikambe, ia tomminjo nabirittakang ikambe mae ri kau ngaseng; sollannu amminawang todong siagang ikambe ampa'nyatai katallassang assiamaka, asse'rea siagang Manggea, kammayatompa asse're siagang Ana'Na iamintu Isa Almasi.

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

1 PETRUS 5:1

Kupalaki mae ri pamimping jama'ah niaka ri tangnga-tangnganu, sollanna naparhatikang anne. Inakke, parannu pamimping jama'ah, antulisiki anne suraka; kalengku le'ba' anciniki kasessanNa Almasi. Na punna nipa'nyatamo kala'biranNa mae ri rupataua, lamminawang tonga' nipakala'biri'. Kupala' tojeng-tojengi mae ri kau ngaseng,

1 TIMOTIUS 6:2

Sikamma ata tu Karistenga pinggawana, takkulleai tanajampangia pinggawana lanri sangkammaji ke'nanga para tu Karisteng. Ba'lalo musti nalayani la'bi bajiki pole pinggawana ke'nanga, nasaba' anjo pinggawa nalayani bajika julu tappa'na tonji nikamaseanga. Yangasenna anne musti nupangngajarrangi siagang nupappakaingakkangi.

1 KORINTUS 9:23

Iaji nakugaukang ngaseng sikammaya anjo, sollanna akkulle kupa'la'bang Kabara' Baji' battua ri Allata'ala, kammayatompa sollanna kunibarakkaki todong.

PAOLE 1:35

‘Tena manna sitau battu ri anne tau ja'dala' kammaya lakkulle antama' ri pa'rasangang coppong Kupa'janjianga mae ri boe-boenu.

ROMA 11:22

Jari anrinni akkullei nicini' antekamma baji'Na Allata'ala, mingka akkulle tongi nicini' antekamma terasa'Na. Sanna' terasa'Na mae ri tau dorakaya, mingka sanna' baji'Na mae ri kau ngaseng – assala' tuli tutuko attallasa' battu ri kabajikanNa. Nasaba' punna tena, ma'nassa lanipela' tongko.

IBRANI 11:1

Tappa' battuanna matappa' tojeng-tojeng mae ri apa-apa nirannuanga; battuanna mattantumi panrannuanta ri apa-apa tanicinika.