IBRANI 2:3 - KITTA' MATANGKASA'

³ La'biangampa pole anjo kasalamakkang hebakkanganga na anjo sikamma pappasanga. Punna tena nanijampangi anjo kasalamakkanga, mattantu takkulleaki' lata'lappasa' battu ri hukkunganga. Nasaba' KalenNa Batara uru-uru ampa'la'bangi anjo kasalamakkanga; na sikamma tau uru-uru allangngerekai le'ba'mi napa'butti katojenganna mae ri katte.

IBRANI 2:3 Referans Kwoze

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

ROMA 2:3

Mingka ikau ngaseng sikamma sari'battangku, ikau pole anggaukang tongi anjo apa-apa nucallaya nagaukang tau maraenga. Gassingka nukana lakkulleko ta'lappasa' battu ri pangngalarroiNa Allata'ala?

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

LAMPA-LAMPANA 4:12

Lalang bawang ri Isa nakkulle nipasalama' rupataua. Nasaba' ri sikontu anne linoa, tenanniakka se're tau le'ba' nisare koasa ri Allata'ala untu' ampasalamakki', pantaranganna Isa Almasi.”

YEHEZKIEL 17:15

Mingka karaeng Yehuda angngewai siagang akkiringi tau mange ri Mesir untu' appala' jarang siagang tantara jai. Maka lania' wassele'na anjo usahana? Maka lanilappassangi ta'lappasa'? Tena olona lanadakkai parjanjianga natena nanihukkungi!

IBRANI 4:11

Lanri kammana, mae mako nakiattojeng-tojeng usaha untu' antama' ri anjo tampa' pammari-mariang Napa'janjianga Allata'ala. Teako niakki manna sitau tanggappaya sangkamma ke'nanga riolo, lanri tenana natappa' mae ri Allata'ala.

IBRANI 1:2

Mingka anne ri kala'busang jammanga, a'bicarami mae ri katte tete ri Ana'Na. Tete ri Iami anne Ana'Na naNapa'nia' sikontu linoa siagang bonena. Siagang Napattantumi Allata'ala angkanaya Ia tommi anne Ana'Na siratang angkammai sikontu apa-apa niaka.

LUKAS 1:2

Sikamma apa le'baka nicarita mae ri katte, battu ri tau le'baka anciniki anjo kajarianga battu ri pakkaramulanna, yangaseng minjo natulisi' ke'nanga, nampa napa'la'bang kabara'na.

PAPPICINI' 7:10

Nampa akkio' lompo ke'nanga angkana, “Battu anjorengi ri Allata'ala kasalamakkanta, niaka ammempo irate ri empoang kala'biranga, siagang battu anjorengi ri anjo Ana' Gimbalaka!”

TITUS 2:11

Nasaba' Napappicinikammi lammoro' pangngamaseanNa Allata'ala, sollanna Napasalama' sikontu rupataua.

1 TIMOTIUS 1:15

Kontu tojengi anne bicaraya; jari siratangi nitarima siagang nipatappa' tojeng-tojeng, angkanaya: “Battui Isa Almasi antama' ri anne linoa untu' ampasalamaki tau dorakaya.” Na inakkemi anne tau doraka kaminang ja'dalaka.

MATIUS 23:33

E, ikau ngaseng tau ja'dalaka siagang sossorang tau ja'dalaka! Antekamma lakkulle nuliliang hukkunganga ri naraka?

YESAYA 62:11

Napassareangi Batara anne pasanga mae ri sikontu cappa'na buttaya, angkana, “Pabattui mae ri pandudu'na Sion angkana, ‘Ciniki, battumi Batara Mappasalamaka! Nirurungang ri sikamma tau le'baka Nalappassang.’ ”

YESAYA 51:5

A'reppese'mi kasalamakkang laKupassareanga; a'birimmi battu pammetangKu. KalengKu lammarenta mae ri bansa-bansaya. Sikamma pa'rasangang bellaya natayang-tayangA' siagang naminasai gau' malompoKu.

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

IBRANI 4:1

Anjo janjinNa Allata'ala napajappa iji, na laNasareki' tampa' untu' pammari-mariang Napa'janjianga. Jari paralluki' tutu sollanna tena manna sitau battu ri kau ngaseng talanggappayai anjo pammari-mariang nipa'janjianga.

LAMPA-LAMPANA 2:22

Sikamma sari'battangku tu Israelka! Pilangngeri anne apa kupaua: Anjo Isa, battua ri Nazaret, nisarei tugasa' ri Allata'ala untu' ikau ngaseng. A'nassa sikalimi anjo lalang ri gau'-gau' appakalannasa' siagang apa-apa tenaya narapiki akkala'nu, le'baka Nagaukang Allata'ala ri tangnga-tangnganu lalang ri KalenNa anjo Isa. Yangasenna anjo massing nuassemmi.

YOHANES 15:27

Na ikau ngaseng, musti a'jari sa'bi tongko mae ri KalengKu, lanri ikau ngasemmi angngagangA' sipa'rurungang battu ri pakkaramulanna.

LUKAS 24:19

Akkuta'nammi Isa Nakana, “Kajariang apa?” Appialimi ke'nanga angkana, “Anjo apa kajarianga ri KalenNa Isa, battua ri Nazaret. Ia na'bi. Teai sipato' lompona koasaNa, baji' ri kana-kananNa, kammayatompa ri panggaukanNa – baji' ri dallekanNa Allata'ala, kammayatompa ri dallekanna sikamma rupataua.

MARKUS 1:14

Nitarungkunamo Yohanes, a'lampami Isa mange ri Galilea ampabattui Kabara' Baji' battua ri Allata'ala anjoreng.

YEHEZKIEL 17:18

Lanri nadakkaina sumpana siagang parjanjianna, takkulleai napata'lappasa' kalenna.

YESAYA 51:8

Lapanraki ke'nanga siagang lalanynyaki, rapang pakeang nakanre kacoa' siagang kaeng bulu gimbala' nikanre ri taisang. Mingka kasalamakkang Kupassareanga tuli nia'na satunggu-tungguna, a'jari pammetangKu sa'genna sikontu turungang.”

YESAYA 20:6

Anjo wattu sikamma tau niaka ammantang ri biring tamparanga lanakana, ‘Cini'mi apa kajarianga mae ri bansa nipattoanga untu' lalla'langiki' battu ri karaeng Asyur. Antekamma bateta lakkulle salama'?’ ”

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

LUKAS 1:69

Nasaremaki' tu Mappasalama' makoasaya, ikatte atanNa, sossoranna Daud.

MATIUS 4:17

Iaminjo wattua Nappakkaramulamo Isa ampabattui angkanaya, “Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

ROMA 11:14

Kuminasai nakuakkulle ampa'jari akkimburu bansaku mae ri bansa maraenga, sollanna akkulle a'jari saba' nakuakkulle ampasalamaki sipa'rua ke'nanga.

1 KORINTUS 1:21

Nasaba' manna pole antekamma cara'de'na rupataua, mingka takkulleai mangngasseng ri Allata'ala punna lanri kacara'dekanna bawang. Mingka lanri mangngamaseanNa Allata'ala, Naero'mo ampasalamaki sikamma tau tappaka ri Ia, tete ri anjo biritta napabattua ikambe, nicini' a'balle-ballea ri anne linoa.

IBRANI 1:1

Ri jammang riolo, a'mole-molemi a'bicara Allata'ala mae ri boe-boeta. A'bicarami tete ri na'bi-na'bia, siagang a'rupa-rupami cara Napake a'bicara.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

1 YOHANES 1:1

Ia bonena anne kittaka, iamintu passala'na Kana attallasaka, iamintu Kana niaka memammo battu ri pakkaramulanna. Le'ba'mi nalangngere' siagang nacini' mata kalenna ikambe. Le'ba'mi nacini' siagang nata'gala' limanna ikambe.

YUDAS 1:17

Mingka sikamma sari'battangku sannaka kukarimangnginna, u'rangi apa-apa le'baka napau sikamma tunisuroNa Batara Isa Almasi pirangalloang.