IBRANI 2:17 - KITTA' MATANGKASA'

¹⁷ Jari battuanna, angkanaya Iami musti a'jari sangkamma sari'battanNa ngaseng lalang ri sikontu-kontuna. Siagang lanri kammanami anjo nakkullemo a'jari Imang Malompo, Ia tamalanrea siagang lompo pangngamaseanga. Battu ri iaminjo palayananNa nakkullemo nipammopporang dosana rupataua.

IBRANI 2:17 Referans Kwoze

IBRANI 4:14

Iaminjo saba'na kimusti anna'gala' jarre' mae ri pangakuang katappakkanta. Nasaba' nia' Imang Malompota, le'bakamo antama' sa'genna ri dallekanNa Allata'ala – iamintu Isa, Ana'Na Allata'ala.

IBRANI 2:14

Nasaba' anjo sikamma tau Nakanaya ana', iamintu tau akkullea mate, napa'jarimi KalenNa Isa sangkamma kalenna ke'nanga, siagang attallasa'mi sangkamma rupataua. Kammami anjo Nagaukanga, sollanna lanri kamateanNa nakkullemo Nabeta sa'genna posso' Billisika, iamintu makoasaya ri kamateanga.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

ROMA 5:10

Punna ri wattu assimusuta siagang Allata'ala nanipassiama' maki' siagang Ia tete kamateanNa Ana'Na, la'biangampa ri kamma-kammaya anne, ri wattu a'jari baji'namo ammotere' passisambunganta siagang Allata'ala, mattantu tommi lanipasalamatta tete ri tallasa'Na Isa Almasi.

IBRANI 2:11

Isa antangkasi rupataua battu ri dosa-dosana ke'nanga; na Ia annangkasia, kammayatompa anjo ke'nanga nitangkasia, se'reji Mangge napa'jului. Iaminjo natasiri'-sirika Isa angngakui ke'nanga a'jari sari'battanNa.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

IBRANI 3:5

Tamalanreai Musa a'jari palayang lalang ri Balla'Na Allata'ala siagang ampabattui apa-apa laNapa'nyataya Allata'ala sallang ri allo labattua.

KOLOSE 1:21

Riolo bellako ri Allata'ala. Numusui Allata'ala, lanri ja'dala'na pikkirannu siagang panggaukannu.

IBRANI 7:28

Hukkung agama Yahudia angngangkaki tau tenaya nasukku' baji'na a'jari imang lompo. Mingka ribokoanganna, battu ri ia anjo hukkung-hukkunga appare'mi janji siagang assumpami Allata'ala angkanaya Naangkaki a'jari Imang Malompo, anjo Ana' le'ba'ka nipa'jari Tumappasalama' sukkuka baji'na sa'genna satunggu-tungguna.

EFESUS 2:16

Lanri kamateanNa ri kayu sallika, Napa'jari se'remi anjo ruaya bansa Napassiama' siagang Allata'ala, sa'genna lanynya'mo anjo passimusuanga.

ROMA 15:17

Jari, lanri assileo'mi katallassangku siagang Isa Almasi, akkullemi kukalompoang pa'mai' jama-jamangku untu' Allata'ala.

KAIMANGNGANG 8:15

Nampa nasamballe Musa siagang naalle sipa'gang cera'na anjo olo'-oloka. Anjo ceraka napasapui siagang karemenna mae ri tanru'-tanru' niaka ri sikamma panyingkulu'na tampa' pakkoro'bangnganga, sollanna nitangkasi anjo tampa' pakkoro'bangnganga untu' Allata'ala. La'binna anjo ceraka napatiriki naung ri dapara'na tampa' pakkoro'bangnganga. Kammaminjo carana nitangkasi anjo tampa' pakkoro'bangnganga siagang nisa'la' untu' Batara.

IBRANI 3:2

Tamalanreai mae ri Allata'ala, le'baka ampilei untu' anggaukangi anjo jama-jamanga; sangkamma todong Musa riolo, tamalanreai anggaukangi jama-jamanna ri Balla'Na Allata'ala.

YEHEZKIEL 45:20

Gaukang tongi kammaya anjo ri tanggala' tuju anjo bulanga, untu' sikamma tau le'baka a'gau' dosa mingka tena nakunjungi yareka tena naassengi. Kammami anjo caranu nanujagaimo katangkassanna BallakKu.

YEHEZKIEL 45:17

Iami musti ammalli olo'-olo' untu' koro'bang nitunu siagang bahang-bahang untu' koro'bang gandung siagang koro'bang anggoro' untu' sikontu bansa Israel ri allo-allo lompoa, iamintu allo lompo Bulang Beru, allo Pammari-mariang, siagang allo lompo maraengannaya. Musti appasadiai koro'bang untu' pammopporang dosa, koro'bang gandung, koro'bang nitunu, siagang koro'bang passiamakkang untu' appala' popporo' lanri ri dosana bansa Israel.”

YESAYA 11:5

Adeleki siagang majarreki angngalle tindakang lalang sikamma apa-apaya.

2 PATTOTTORANG 29:24

Le'baki anjo, nisamballe ngasemmi anjo bembea ri imang-imanga, nampa napatiri' cera'na mae ri tampa' pakkoro'bangngang salaku koro'bang pammopporo' dosana sikontu ra'yaka. Nagaukangi ke'nanga anjo gau' kammaya lanri le'baki naparentakang karaenga sollanna assare taua koro'bang nitunu siagang koro'bang pammopporo' dosa untu' sikontu ra'ya' Israel.

KAIMANGNGANG 6:30

Olo'-olo' untu' upacara nipammopporanna dosaya niallei sipa'gang cera'na untu' nierang mange ri Kamara' Matangkasaka, musti nitunui sa'genna cappu', na takkulleai nikanre.

KAIMANGNGANG 14:18

La'binnaya minynyaka musti nipatiriki irate ri ulunna anjo taua. Kammaminjo nanagaukammo imanga upacara pannangkasia mae ri anjo taua ri dallekanNa Batara.

KAIMANGNGANG 16:16

Kammaminjo carana imanga ampakatangkasaki Kamara' Kaminang Matangkasaka battu ri kara'massanna Israel siagang battu ri sikontu dosana ke'nanga. Musti nitangkasi KemaNa Batara, ia niaka ri tangnga-tangnga pakkemaanna bansa Israel siagang nitabaya ri kara'massanna ke'nanga.

PAMMILANGNGANG 15:25

Nampa musti nagaukang imanga upacara pammopporang dosaya untu' ummaka. Lanipammopporangi ke'nanga lanri tenana nakunjungi anggaukangi anjo dosaya, siagang lanri angngerannamo ke'nanga koro'bang pammopporang dosa kammayatompa koro'bang nitunu mae ri Batara.

IBRANI 2:16

Ma'nassami angkanaya teai malaekaka Natulung, passangalinna sossoranna Abraham.

IBRANI 3:1

Sikamma sari'battangku, parangku tu Karisteng, nikioka tommo ri Allata'ala! Alle sai pikkiri' baji'-baji' anne ri sesena Isa! Nisuromi ri Allata'ala untu' a'jari Imang Malompo lalang ri agamata.

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!

IBRANI 5:1

Massing-massing imang lompoa nipilei battu ri tangnga-tangngana ummaka, na niangka' a'jari wakkele'na ke'nanga untu' allayani mae ri Allata'ala. Jama-jamanna iamintu angngerangangi Allata'ala sikamma passare lanipabattua siagang sikamma koro'banga sollanna nipammopporang dosa-dosaya.

IBRANI 5:2

Kalenna anjo imang lompoa jai tongi kakurangnganna; mingka lanri kammanami anjo nakkullemo a'jari tuna pa'mai' mae ri tau tenaya apa-apa naasseng siagang tau sala oloanga ri jappana.

IBRANI 5:5

Kamma tomminjo Almasi. Teai Ia angngangkaki KalenNa a'jari Imang Malompo. Mingka KalenNa Allata'ala angngangkaki. Nakana Allata'ala mae ri Ia, “IKau AnakKu; anne alloa iNakke a'jari Bapa'Nu.”

IBRANI 5:10

kammayatompa nipa'nyatami ri Allata'ala angkana Iami a'jari Imang Malompo, antamaya sangkamma Imang Melkisedek!

IBRANI 6:20

Le'ba'mi Nasungke Isa oloang mangea anjoreng ri tampaka untu' ikatte; siagang le'ba'mi antama' anjoreng a'jari Imang Malompota satunggu-tungguna lalang ri golonganna Imang Melkisedek.

IBRANI 8:1

Poko'na anne sikamma nibicaraya iamintu: Nia' Imang Malompota sangkammaya anjo; niaka ammempo ammarenta siagang Allata'ala Kaminang Lompoa ri suruga.

IBRANI 8:3

Sikontu imang lompoa niangkaki untu' angngerang koro'bang yareka passare mae ri Allata'ala. Kammatommi anjo Imang Lompota; musti nia' apa-apa ri Ia untu' laNapassareang.

IBRANI 9:11

Mingka nia'mi battu Almasi a'jari Imang Lompo ri yangasenna passala' kabajikang niakamo. KemaNa Batara Napammantangia anggaukangi jama-jamanNa salaku Imang Lompo, la'bi lompoangangi siagang la'bi sukkukangangi. Naanjo teai rupataua ampareki; battuanna, teai anne lino nipa'niaka assala'na.

IBRANI 10:21

Na kamma-kamma anne nia'mo imang lompota, anjagayai Balla'Na Allata'ala.