IBRANI 2:15 - KITTA' MATANGKASA'

¹⁵ Kammami anjo caraNa ampakabebasaki sikontu tau nipa'jari ataya lalang sikontu tallasa'na, lanri malla'na mae ri kamateanga.

IBRANI 2:15 Referans Kwoze

ROMA 8:15

Nasaba' anjo Roh Napassareanga Allata'ala mae ri kau ngaseng, tena Napa'jari atako sa'gennu a'jari malla' lalang ri katallassannu. Passangalinna anjo RohNa Allata'ala ampa'jariko ana'-ana'Na Allata'ala. Siagang lanri koasaNa anjo RohNa Allata'ala akkulle maki' angkana ri Ia, “Manggeku, Manggeku!”

2 TIMOTIUS 1:7

Nasaba' anjo Roh Napassareanga Allata'ala mae ri katte teai Roh ampa'jariki' ballorang. Mingka anjo RohNa Allata'ala Napa'jari majarrekki', sukkukki' lalang pangngamaseang siagang akkullei nipakalewa kalenta.

2 KORINTUS 1:10

Iami le'baka ampasalamaki ikambe battu ri bahaya lompona anjo kamateanga. Kammayatompa Ia tommi sallang lampasalamaki ikambe ri allo-allo labattua. Nasaba' Iami panrannuanna ikambe.

ROMA 8:21

angkanaya nia' se're wattu nanilappassang sikontu linoa battu ri kakoasang ammanrakia siagang lamminawang tongi lanipamaradeka kammayatompa lanipakala'biri' siagang ana'-ana'Na Allata'ala.

PAMMUJI 55:4

Lussaki pa'maikku lanri pa'garatta'na musua siagang panjallakkanna tau ja'dalaka. Saba' nasusai ke'nanga tallasakku, siagang larroi ke'nanga ammusua'.

PAMMUJI 89:48

Kiu'rangi laloi antekamma bodona anne tallasakku, Kipa'jari rupataua a'jari tau lamate.

PAMMUJI 56:13

Lakurupai janjingku mae ri Katte, o, Allata'ala, na kuassare koro'bang sukkuru' mae ri Katte.

PAMMUJI 33:19

Napasalamaki ke'nanga battu ri kamateanga, na Natallassi ke'nanga ri wattu kacipuranga.

AYUB 24:17

Sanna' malla'na ke'nanga mae ri bari'basaka, mingka sassang dudua, nakasannangngi.”

AYUB 18:11

Nipabangkai tau ja'dalaka ri apa appakamalla' niaka battu ri kere-keremae; sangnging malla' ampinawangi dakka-dakkana.

GALATIA 4:21

Inai-nai ero' attallasa' irawangang kakoasanna hukkung-hukkung agamaya, pilangngerimi anne kanangku! Erokko kupauang apa sitojenna tattulisika lalang ri Kitta' Hukkung napassareanga Musa.

PAMMUJI 73:19

Lalang sipakkida mataji bawang naancuru'mo ke'nanga, tamaka heba'na kapanrakang kale'bakkanna ke'nanga.

AYUB 18:14

Nibesoki assulu' battu ri kemana, tampa' amanna, nampa nire'resang untu' mange andallekang ri kamateang.

IBRANI 2:16

Ma'nassami angkanaya teai malaekaka Natulung, passangalinna sossoranna Abraham.