IBRANI 2:13 - KITTA' MATANGKASA'

¹³ Nakana pole Isa, “LaKupadongkoki panrannuangKu mae ri Allata'ala.” Na Nakana pole, “INakkemi anne, siagang sikamma ana'-ana' le'baka Napassareang Allata'ala mae ri Nakke.”

IBRANI 2:13 Referans Kwoze

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

1 KORINTUS 4:15

Nasaba' inakkemi a'jari manggenu ngaseng, manna pole ebara' angkana nia'mo sampulo sa'bu gurunnu. Lalang attallasa'numo a'jari se're siagang Almasi inakkeji bawang a'jari manggenu, nasaba' inakke ampabattui anjo Kabara' Baji' battua ri Isa Almasi mae ri kau.

YOHANES 10:29

ManggeKu, ampassareangai ri Nakke, Iami la'bi koasa battu ri sikontu apa niaka. Na tena sitau akkulle angngalle passai ke'nanga battu ri limanNa ManggeKu.

PAMMUJI 91:2

akkullei angkana ri Batara, “IKattemi Tumappatojengku siagang pa'la'langangku, Allata'alaku, iKattemi kupatappa'.”

PA'JARIANG 48:9

Appialimi Yusuf angkana, “Iaminne ana'-anakku, Napassareanga Allata'ala ri nakke anrinni ri Mesir.” Nakanamo Yakub, “Pa'reppeseki ke'nanga mae ri nakke sollanna kubarakkaki.”

PAMMUJI 18:2

Mangngaia' ri Katte, o, Batara, iKattemi kagassingangku.

2 SAMUEL 22:3

Batara rapang pattahangngang makassa' a'jari tampa' pa'la'langangku. Allata'alaku rapang moncong batu, tampa' pa'la'langangku. Rapang pa'lapa' barambang antongkoka', siagang anjagaia' sollangku tuli amang.

PA'JARIANG 33:5

Ri wattunna nacini' Esau sikamma anjo bainea siagang ana'-ana'na, akkuta'nammi angkana, “Inai anjo ke'nanga niaka nuagang?” Appialimi Yakub angkana, “Anakku ngaseng ke'nanga. Nasarema' ana' Allata'ala.”

PAMMUJI 127:3

Ana'-anaka passareNa Allata'ala, sikontutojenna, anjo ke'nanga passare.

PAMMUJI 16:1

Pammujina Daud. Jagaia', o, Allata'ala, saba' iKattemi kupa'la'langi.

MATIUS 27:43

Na patappaki Allata'ala, siagang Nakanai KalenNa Ana'Na Allata'ala. Jari umbamo niciniki kamma-kamma anne, maka ero' tojenji Allata'ala ampasalamaki.”

YESAYA 53:10

Batara angkaerokangi sollanna nakasiaki passessaya, siagang napassareang kalenna untu' a'jari koro'bang pa'lu'lu'na dosaya. Na lala'bu umuru'na siagang naciniki turunganna tete ri kalenna na Napa'jari Batara apa Nakaerokia.