IBRANI 2:12 - KITTA' MATANGKASA'

¹² Nakana Isa mae ri Allata'ala, “LaKubirittakangi mae ri sikamma sari'battangKu ri sesena iKatte. LamammujiA' mae ri Katte ri tangnga-tangngana passe're-se'reanna ke'nanga.”

IBRANI 2:12 Referans Kwoze

PAMMUJI 22:22

Tena pakkulleku, Kilappassanga' battu ri tanru'na tedong romanga siagang muncenna singaya.

PAMMUJI 40:10

Lalang pa'rappunganna ummatTa kupabattui kabara' bajika angkanaya iKatte le'ba' ampasalamaki ikambe. Tena ammarina kupabattu anjo passalaka, Kiasseng ngasengi anjo sikammaya, o, Batara.

PAMMUJI 111:1

Pujimi Batara! Lalang sikontu pa'maikku appala' sukkurukka' mae ri Batara ri tangngana pa'rappunganna umma'Na.

YOHANES 18:20

Appialimi Isa Nakana, “Tuli silambusu'na bateKu a'bicara ri dallekanna tau jaia. Tuli angngajarakKa' ri sikamma balla' sambayanga siagang Balla'Na Allata'ala, tampa' biasaya napa'rappungi tu Yahudia. Tena le'bakai nia' apa-apa Kupau cokko-cokko.

PAMMUJI 22:25

Saba' tena Nacini' tunai tau nijallakkanga, natena Nabawang-bawangngangi kasessanna. Tena Nala'boko battu ri anjo taua, mingka napilangngeri punna appala' tulungi mae ri Ia.

IBRANI 12:23

Pa'rappungang sannaka suara'na nuhaderi – iamintu passibuntulanna ana'-ana' bungasa'Na Allata'ala, ia niaka areng-arenna tattulisi' lalang ri suruga. Allata'ala nudallekang, Hakinna sikontu rupataua. Roh-rohna tau bajika siagang tau le'bakamo nipasukku' tallasa'na nudallekang.