IBRANI 13:2 - KITTA' MATANGKASA'

² Teako battala' pa'maiki antarimai ri balla'nu tau tenayapa nuassengi. Nasaba' lanri nugaukanna anjo kammaya, nale'ba' nia' tau antarimai malaekaka ri balla'na, na tanaassenga angkanaya malaeka' anjo natarimaya.

IBRANI 13:2 Referans Kwoze

MATIUS 25:35

Nasaba' ri wattungKu cipuru' nusareA' kanre, ri wattungKu turere nusareA' je'ne inung. Ri wattungKu a'jari tau battu-battu nualleA' nupariballa'.

PA'JARIANG 18:1

Napappicinikangi KalenNa Batara mae ri Abraham ri ampi'na poko'-poko' kayu karama' ri ampi'na tampa' passambayanganga ri Mamre. Anjo alloa teai sipato' bambanna alloa, nasitabangi ammempo-mempo Abraham ri pakke'bu' kemana.

ROMA 12:13

Tulungi parannu tu Karisteng ampa'gannaki kaparalluanna, siagang pakate'nei atinnu antarimai julu tappa'nu tenaya nuassengi ke'nanga antama' ri balla'nu.

1 PETRUS 4:9

Paralluko massing sitoana baji' ri balla'nu, siagang teako akkunrarengi.

MATIUS 25:43

Ri wattungKu a'jari tu battu-battu taerokako ampariballakKa'. Tena Kuccare-care, natanusareA' care-care. GarringA' siagang nitarungkuA', natena nuparakaiA'.’

TITUS 1:8

Musti nangai annarimaya tau ri balla'na, nangai apa-apa kabajikanga, naassengi napakalewa kalenna, lambusuki, tangkasaki siagang ta'atoroki lalang ri katallassanna.

AYUB 31:32

Tassungkei ballakku mae ri tau kabangngianga; tale'bakai kulappassang ke'nanga a'bangngi ri aganga.

KAIMANGNGANG 19:34

Pasangkammai batenu appanggaukang mae ri ke'nanga siagang mae ri julu bansanu siagang kamaseangi ke'nanga sangkamma nukamaseanna batangkalennu. U'rangi angkanaya ikau le'ba' tonjako a'jari bansa tubattu-battu ri Mesir. INakke Karaeng Allata'alanu.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

1 TIMOTIUS 5:10

niassemmi angkanaya nangai a'gau' bajika, kammaya: le'ba'mi napakalompo baji' ana'-ana'na, nangai annarimaya toana a'bangngi ri balla'na, nalayani tau tappaka, siagang natulungi tau susaya; bodona kana, le'ba'mi nagaukang tojeng-tojeng a'rupa-rupaya jama-jamang baji'.

1 TIMOTIUS 3:2

Se'rea pamimping jama'ah, musti tau tena callanna, se'reji bainenna, naassengi napakalewa kalenna, annabai siagang angngassengi atorang; nangai annarimaya tau ri balla'na, akkullei angngajaraki taua;

ROMA 16:23

Gayus, appikatu tongi sallang mae ri kau ngaseng. Anjorenga' ri balla'na ammantang, siagang anjoreng tommaki' ri balla'na assambayang. Erastus, kapala bendaharana kotaya appikatu tongi sallang mae ri kau ngaseng, kammayatompa Kwartus sari'battanta. [

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

LAMPA-LAMPANA 16:15

Nije'ne'mi Lidia siagang sikontu bone balla'na. Le'baki nije'ne', nakio' maki' mange ri balla'na. Nakana Lidia, “Punna kipikkiri' ngasengi angkanaya ma'nassa tappa' tojeng-tojemma' ri Isa, umbamo kimange a'bangngi ri ballakku.” Napala' dudumi sollanna niturukiang pappala'na.

AYUB 31:19

Punna kucini' tau kakuranganga, ta'liwa' kasi-asi untu' ammalli pakeang,

2 KARAENG-KARAENG 4:8

Ri Sunem nia' sitau baine kalumanynyang ammantang. Ri se'reang allo ri wattunna a'lampa Elisa mange ri Sunem, nibuntulimi ri anjo bainea mae angnganre. Baku'na anjo punna assengka Elisa ri Sunem, tuli angnganrei ri balla'na anjo bainea.

PA'JARIANG 19:1

Le'ba'na nitoana ri Abraham, a'lampami anjo ruaya malaeka' mange ri kota Sodom. Bangngimi nampa battu ke'nanga mange anjoreng. Sitabangi ammempo Lot ri pakke'bu' lompona kotaya anjo wattua. Nacini'na ke'nanga, ammentemmi Lot mange anruppai ke'nanga. Su'ju'mi Lot ri dallekanna ke'nanga,

3 YOHANES 1:5

Sari'battangku! Sanna' tamamminranu lalang jama-jamang nugaukanga mae ri paranta tu Karisteng; ba'lalo manna tau tenayapa nuassengi, nulayani tongi.