IBRANI 13:12 - KITTA' MATANGKASA'

¹² Iaminjo saba'na napantaranganna todong pakke'bu' lompona kotaya mate Isa, sollanna nakkulle Natangkasi dosana sikontu umma'Na, lanri anjo cera' KalenNa.

IBRANI 13:12 Referans Kwoze

1 KORINTUS 6:11

Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

LAMPA-LAMPANA 7:58

Nare'resammi ke'nanga Stefanus assulu' battu ri kotaya nampa namanang-manangngi nasambila batu. Naboli'mi pakeanna anjo tau ancinikai anjo apa kajarianga mae ri se'rea tu rungka niarenga Saulus.

EFESUS 5:26

NaNagaukang Almasi anjo kammaya, sollanna akkulle Natangkasi jama'aka lalang ri pangngajaranNa kammayatompa lalang ri je'ne' pa'je'ne', nampa akkulle Napassareang anjo jama'aka mae ri Allata'ala.

PAMMILANGNGANG 15:36

Jari nierammi anjo taua ri sikontu ummaka assulukang ri pantaranganna pakkemaanga nampa nisambilai batu sa'genna mate, sangkamma Naparentakanga Batara.

KAIMANGNGANG 24:23

Le'baki napabattu Musa sikamma anjo kana-kanaya mae ri bansa Israel, naerammi ke'nanga anjo tau le'baka antunrai Allata'ala assulukang ri pantaranganna pakkemaanga nampa nisambila siagang batu sa'genna mate. Kammaminjo carana tu Israel anggaukangi apa le'baka Naparentakang Batara mae ri Musa.

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

YOHANES 17:19

Kupassareammi KalengKu, iamintu tu nikatutuinTa, untu' kaparalluanna ke'nanga, sollanna akkulle todong ke'nanga a'jari ummatTa Kikatutuia, lanri katojenganga.

YOSUA 7:24

Nampa nijakkala'mo anjo Akhan ri Yosua siagang ri sikontu tu Israel, siagang nierangi mange ri Ka'bung Kasusaang nipasierang siagang sikontu ana'na, olo'-olo' sapi, keledai, gimbala', kema, siagang sikontu apa-apa napatanga, kammayatompa anjo peraka, jubaya siagang bulaeng nalukkaka.

IBRANI 2:11

Isa antangkasi rupataua battu ri dosa-dosana ke'nanga; na Ia annangkasia, kammayatompa anjo ke'nanga nitangkasia, se'reji Mangge napa'jului. Iaminjo natasiri'-sirika Isa angngakui ke'nanga a'jari sari'battanNa.

YOHANES 19:34

Mingka nia'mo kalase'renna anjo surudadua anto'doki poke sa'rinNa Isa, sa'genna assulu'mi ceraka accampuru' je'ne'.

LUKAS 4:29

Ammentemmi ke'nanga nampa nabongka Isa assulu' ri pantaranganna anjo kotaya. Naerammi ke'nanga Isa mange ri tubiri'na buluka ero' nasorongang naung.

IBRANI 10:10

Le'ba'mi Nagaukang Isa Almasi apa Nakaerokia Allata'ala, na Napassareang KalenNa a'jari koro'bang. Poro sikaliji bawang Nagaukang untu' satunggu-tungguna, na nitangkasimo dosa-dosata ngaseng.

PAPPICINI' 14:20

Nipacco'mi anjo anggoroka pantarang kota; nassolommo ceraka battu ri anjo pammaccokang anggoroka sangkamma je'ne' binanga a'lo'loroka sa'genna tallum bilangngang kilometere' bellana, siagang la'biringi rua metere' lantanna.