IBRANI 13:1 - KITTA' MATANGKASA'

¹ Paralluki' tuli sikamaseang salaku tu Karisteng assari'battanga.

IBRANI 13:1 Referans Kwoze

1 YOHANES 4:20

Punna nia' tau angkana, “Kukamaseangi Allata'ala,” mingka nakabirisi paranna tau, paballe-ballei anjo taua. Nasaba' inai-nai tena nakamaseangi paranna tau, iamintu nacinika matanna, tena olona lakkulle nakamaseang Allata'ala, ia tenaya naciniki.

1 PETRUS 3:8

Bodona kana iaminne: parallu ngasengko ma'julu kana siagang majulu pa'mai'. Paralluko sikarimangngi sangkamma tau assari'battanga. Siagang paralluko sikama'-kamaseang siagang tuna ri pa'mai'.

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

2 PETRUS 1:7

Siagang sipa'rurunganna mannurukia ri ero'Na Allata'ala, musti nigannakki tongko sipa' mangngamaseang mae ri parannu tu Karisteng. Nampa parallu tongi nutambai anjo sipa' mangngamaseanga ri parannu tu Karisteng siagang sipa' mangngamaseang mae ri yangasenna taua.

1 PETRUS 2:17

Anggara' baji' ngasengi taua, siagang kamaseangi sari'battang parannu tu Karisteng. Mallakko mae ri Allata'ala, siagang pakalompoi Kapala pamarentahanga.

IBRANI 10:24

Siagang paralluki' massing sijampangi; sollanta akkulle sipakainga' tojeng-tojeng anggaukangi apa-apa bajika, kammayatompa mangngamaseanga ri paranta tau.

2 TESALONIKA 1:3

Sikamma sari'battangku; tena tappu'na appala' sukkuru' ikambe mae ri Allata'ala lanri ikau ngaseng. Na memang, siratang memang tongi appala' sukkuru' ikambe, lanri pila' tappa' ngasengko mae ri Almasi, siagang pila' massing sikamaseangko.

1 PETRUS 4:8

La'biangampa pole nayangasennaya, paralluko attojeng-tojeng massing sikamaseang; nasaba' punna massing sikamaseangko sadia tommako untu' sipammopporang.

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

GALATIA 5:13

Le'ba' mako nikio' a'jari tau bebasa'. Mingka teako pake salai anjo kabebasannu, untu' anggaukang ero' kalennu. Passangalinna musti sikamaseangko siagang massing siparakaiko.

PAPPICINI' 2:4

Mingka nia' Kukabattallang mae ri kau ngaseng, iamintu: Tenamo nanukamaseangA' sangkamma ri pakaramulanna.

1 YOHANES 3:23

Ia Napassuroanga mae ri katte iamintu: musti tappakki' mae ri Ana'Na, iamintu Isa Almasi; siagang musti massing sikamaseangki', sangkamma le'baka Napassuroang Almasi mae ri katte.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

YOHANES 15:17

Iaminne parentaKu ri kau: Sikama'-kamaseangko.”

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

EFESUS 4:3

Attojeng-tojengko usaha; sollanna akkulle nukatutui anjo kase'reang le'baka Napare' RohNa Allata'ala, lanri assiama'nu lalang katallassannu.

LAMPA-LAMPANA 4:32

A'julu atimi siagang a'julu nyawa ngasemmi anjo sikontu tau tappaka. Punna nia' apa-apanna ke'nanga, tena manna sitau langkana anjo apa-apaya ia bawang pata. Sikontu apa niaka ri ke'nanga, napassama-samaimi napake.

LAMPA-LAMPANA 2:1

Ri wattunna narapi'mo allo Pentakosta, a'rappungang ngasemmi sikamma tau tappaka ri se'reang tampa'.

PAMMUJI 133:1

Kelong siara battu ri Daud. Tamaka baji'na siagang sannanna, punna assiama' tallasa'na umma'Na Allata'ala!