IBRANI 12:9 - KITTA' MATANGKASA'

⁹ Nia' manggeta ri lino. Naajarakki' siagang nipakala'biriki. Jari, la'biangampa mae ri Mangge rohanita, niaka ri suruga, tantu musti la'bi tundukki' mae ri Ia sollanta attallasa'.

IBRANI 12:9 Referans Kwoze

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

PAMMILANGNGANG 27:16

nakana, “O, Karaeng Allata'ala, assarea' katallassang mae ri sikontu apa attallasaka, kupalaki, Ki'jo'joki sitau akkullea ampimpingi anne bansaya;

YESAYA 42:5

Karaeng Allata'ala ampa'jari siagang angka'rangi langika; Ia ampareki buttaya siagang sikamma attimboa rateanna. Nasarei rupataua nappasa' katallassang siagang nyawa. Napabattui pasang kammaya anne mae ri atanNa,

YOHANES 3:6

Battu ri lahere'na rupataua, tau toana allassukangi, mingka battu ri rohna rupataua, RohNa Allata'ala allassukangi.

AYUB 12:10

Ia angngatoroki tallasa'na sikontu niaka attallasa'; Ia Makoasa mae ri nyawana tunggala' rupataua.

ZAKHARIA 12:1

Iaminne pasanNa Batara ri sesena Israel. LaNaka'rangi Batara langika, Napa'jari buttaya kammayatompa Nasarei katallassang rupataua, Nakana,

KALAPPASSANG 20:12

Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.

YESAYA 38:16

O, Batara, Kisarea' katallassang lanri kananTa siagang panggaukanTa boli'ma' kamma attallasa' untu' iKatte bawang.

1 PETRUS 5:6

Lanri kammana, pakatunai kalennu irawangang lino magassinNa Allata'ala. Sollanna Napakatinggiko sallang punna narapi' wattunna.

YAKOBUS 4:7

Lanri kammana, tundu' mako mae ri Allata'ala, siagang ewai Billisika, sollanna lari Billisika battu ri kau.

YESAYA 57:16

Tena natuli laKusalakang ummakKu; tena nauntu' situlusukKu lalarro, sollanna tena natappu' sumanga' ke'nanga, nasaba' iNakke ampattallasaki ke'nanga.

KAIMANGNGANG 19:3

Sikontu taua musti napakala'biriki anrong manggena, siagang napakalompo Allo Pammari-marianga sangkamma Kuparentakanga. INakke Karaeng Allata'alanu.

ROMA 9:5

Iami ke'nanga sossoranna boe-boeta. Battu ri bansanami ke'nanga assala' kabattuanNa Almasi, ri wattu battuNa a'jari ma'rupatau ri lino. Iami kaminang mala'biri' ri sikontuna taua. Nipujimi Allata'ala satunggu-tungguna! Aming.

PANGNGEBARANG 30:17

Tau ancau-cauwai manggena yareka amma'na toayamo, siratangi nipasambila assulu' sollanna nitotto' matanna ri jangang-jangang kalaa' siagang nikanre maya'na ri balangkoa'.

PAOLE 27:16

‘Nitunrai tau tenaya napakala'biriki tau toana siagang nabalang parekangi ke'nanga ta'ronang-ronang tallasa'na.’ ‘Aming!’

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

YAKOBUS 4:10

Paralluko ampakatunai kalennu ri dallekanNa Batara, sollannu Napakatinggi sallang Batara.

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’

YEHEZKIEL 22:7

Tena manna sitau battu ri pandudu'nu ampakalompoi tau toana. Nutipui bansa maraeng niaka annompang siagang angngalleko passawallang battu ri kasusaanna jandaya siagang ana' kukanga.

ROMA 9:3

passabakkang julu bansaku. Nasaba' untu' ike'nammi nakurella todong anggappa pangngalarroi battu ri Allata'ala siagang nisa'la' battu ri Isa Almasi.

ROMA 1:3

Naia bonena anjo Kabara' Bajika iamintu ri passala'na Ana'Na Allata'ala, Batara Isa Almasi. Lalang rupatauna, Iami sossorang battu ri Daud;

LAMPA-LAMPANA 2:30

Le'ba'mi a'janji siagang assumpa Allata'ala mae ri Daud, angkanaya nia' sallang kalase'renna sossoranna Daud laniangka' ri Allata'ala a'jari karaeng. Lanri naassenna Daud anjo janjia, siagang ia na'bi tongi,

LUKAS 18:2

Nakana Isa, “Ri se'reang kota, nia' sitau haking, tenaya namalla' ri Allata'ala, siagang manna inai tena todong najampangi.

LUKAS 18:4

Salloi taeroka anjo hakinga antulungi anjo jandaya. Mingka kala'busanna appikkiri'mi anjo hakinga nakana, ‘Manna tena kumalla' ri Allata'ala, siagang tena ngaseng kujampangi taua,

PAPPICINI' 22:6

Nampa nakana anjo malaekaka mae ri nakke, “Sikamma anne bicaraya sangnging bicara kontutojeng siagang akkullei nipatappa'. Karaeng Allata'ala iamintu le'baka ampassareangi RohNa mae ri na'bi-na'bia, iami assuroi malaeka'Na untu' ampappiassengangi mae ri ata-atanNa apa-apa tenayamo nasallo namusti kajariang.”

YESAYA 45:10

Cilakai tau akkuta'nanga mae ri tau toana angkana, “Angngapa nakunilassukang kamma anne?”