IBRANI 12:7 - KITTA' MATANGKASA'

⁷ Parallui nutarima paccambo' battua ri Allata'ala salaku pangngajara' battua ri manggenu. Nasaba' niakka ana' tale'baka nihukkung ri manggena?

IBRANI 12:7 Referans Kwoze

PANGNGEBARANG 19:18

Atoro' bajiki ana'nu lalang nia'na ija panrannuang; punna tena, sanrapang erokko ri kapanrakang.

PAOLE 8:5

U'rangi, angkanaya Karaeng Allata'alanu angngajarakko rapang se're mangge angngajaraki ana'-ana'na.

PANGNGEBARANG 29:15

Pangngajaranga siagang pappasailea napa'jari taua cara'de'. Ana' tuli niturukianga ero'na lanapakasiriki amma'na.

PANGNGEBARANG 13:24

Punna tanitunrunga anaka, battuanna tena nimangngai ri ia; punna ningai, musti barani taua antunrungi.

PANGNGEBARANG 29:17

Ajaraki ana'nu, nanasareko kasannangngang, siagang a'jari panynyaleori ri kau.

2 SAMUEL 7:14

INakke la'jari Manggena, siagang ia la'jari ana' bura'neKu. Punna nia' apa sala nagaukang, laKuhukkungi sangkamma se'rea mangge anghukkungi ana'na.

PANGNGEBARANG 22:15

Siratangi ana'-anaka anggaukangi katoloanga, mingka raukanga akkulle angngajaraki ke'nanga sollanna napinra panggaukanna.

1 SAMUEL 3:13

Le'ba'mi Kupau mae ri ia angkanaya laKuhukkungi kaluargana sa'genna satunggu-tungguna, lanri le'ba'Ma nahina ana'-ana'na. Naassengi Eli dosa-dosana ke'nanga, mingka tena nakalarroi ke'nanga.

1 SAMUEL 2:34

Na la'jaria pammatei angkanaya ma'nassa lakajariang tojengi yangasenna anjo Kupaua, anjo ruaya ana'nu, iamintu Hofni siagang Pinehas lamatei lalang siallo.

1 SAMUEL 2:29

Jari angngapa nungngoa ija anciniki koro'bang-koro'bang napassareanga bansaKu mae ri Nakke situru' Kuparentakanga? Angngapako Eli, nala'bi nupakala'biri' ana'-ana'nu kala iNakke, siagang angngapa nanubalang parekang ke'nanga ampakaco'moki kalenna battu ri bageang kaminang bajika ri sikontu apa napassareanga bansaKu mae ri Nakke?

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

1 KORINTUS 11:32

Mingka punna Nahukkungki' Allata'ala, laNacambokki', sollanna tena nanataba tongki' hukkungang lantujuai anne linoa.