IBRANI 12:3 - KITTA' MATANGKASA'

³ Alle sai pikkiri' antekamma sessaNa Isa andallekangi sikamma tu dorakaya sannaka batena angngewa mae ri Ia! Lanri kammana, teako la'ba pa'maiki siagang teako tappu' panrannuangi.

IBRANI 12:3 Referans Kwoze

GALATIA 6:9

Lanri kammana, takkulleaki' lanre anggaukangi apa-apa bajika; nasaba' punna tena nilanre anggaukangi anjo apa-apa bajika, nia' se're wattu sallang nalanigappa wassele'na.

2 KORINTUS 4:16

Lanri kammanami anjo natena natappu' panrannuang ikambe. Manna pole pila' panra' katallassang lahere'na ikambe, mingka tuli beruna allo-allo katallassang lalanga ri atinna ikambe.

PAPPICINI' 2:3

Sa'bara' ngasengko, siagang nukasia'mi pa'risika passabakkang iNakke, na tena nutappu' panrannuang.

1 KORINTUS 15:58

Lanri kammana, sari'battangku ngaseng sannaka kukamaseanna, pakkassakangi siagang pakajarreki kalennu. Attojeng-tojeng mako tuli anjama untu' Batarata, lanri nuassemmi angkanaya tena nala'jari sia-sia sikamma apa nugaukanga untu' Batarata.

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

IBRANI 3:1

Sikamma sari'battangku, parangku tu Karisteng, nikioka tommo ri Allata'ala! Alle sai pikkiri' baji'-baji' anne ri sesena Isa! Nisuromi ri Allata'ala untu' a'jari Imang Malompo lalang ri agamata.

2 KORINTUS 4:1

Lanri pangngamaseanNa Allata'ala nakkulle nagaukang ikambe anne jama-jamanga. Iaminjo saba'na natena natappu' panrannuang ikambe.

YOHANES 5:16

Jari ero'mi ke'nanga ansessai Isa, lanri Naballeina taua ri wattunna allo Pammari-marianga.

1 SAMUEL 12:24

Pakala'biriki Batara, siagang anynyombako mae ri Ia siagang teako amminrai lalang sikontu atinnu. U'rangi sikamma panggaukang malompoNa, ia le'baka Nagaukang mae ri kau.

IBRANI 12:5

Siagang teako kaluppai pappakainga'Na Allata'ala, ia Napassareanga mae ri kau sangkamma mae ri ana'-ana'Na! Nakana Allata'ala, “AnakKu, parhatikangi baji'-baji' pangngajara'Na Batara, nutea la'ba' pa'maiki punna Nakalarroiko.

LUKAS 14:1

Ri se'reang allo Pammari-mariang, a'lampai Isa angnganre ri balla'na se'reang tu Farisi. BattuNa Isa mange anjoreng, nicini'-ciniki tojemmi ri taua.

PAOLE 20:3

‘Sikamma sari'battangku, pilangngeri anne! Anne alloa erokko maju a'bundu'. Teako mallakki yareka teako ca'di pa'maikki, yareka teako lingui.

2 TESALONIKA 3:13

Mingka manna nakamma sari'battangku ngaseng, teako lanrei a'gau' baji'.

YOHANES 18:22

Ri wattunna akkana kamma anjo Isa, nia'mo sitau pangawala' antempaka'rangi siagang nakana, “Nubarani kamma akkana kammanjo mae ri imang lompoa!”

YOHANES 8:52

Nakanamo anjo tu Yahudia ri Isa, “Kamma-kamma anne niassemmi angkanaya ma'nassa nasosokKo setang! Kalenna Abraham matemi, kammayatompa na'bi-na'bia mate ngaseng tommi. Mingka iKau Nukana, ‘Inai-nai anturuki kanangKu, tena nalamate sa'genna satunggu-tungguna.’

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

PANGNGEBARANG 24:10

Punna tappu' pa'minasako lalang ri kasukkarang, ikau tau lammako.

YOHANES 8:59

Massing angngallemi batu anjo tu Yahudia ero' nasambilai Isa; mingka a'lengu'mi Isa, nampa a'lampa ambokoi anjo Balla'Na Batara.

YOHANES 8:13

Nakanamo tu Farisia ri Ia, “Anne iKau tonji ansa'bi KalenNu. Tena natojeng anne kasa'bianNu.”

YOHANES 7:12

Jaimi tau ampa'bici'-bicikangi Isa. Nia'mo angkana, “Tau baji' anjo taua.” Nia' tommo angkana, “Tena! Napasala oloangi tau jaia.”

LUKAS 16:14

Nalangngere' ngasengi tu Farisia sikamma Napaua Isa. Nikakkalimi Isa ri ke'nanga, lanri nangaina ke'nanga doeka.

LUKAS 15:2

A'moro-moromi tu Farisia siagang guru-guru agamaya. Nakanamo ke'nanga, “Pui', anne taua natarimai siagang naagangi sipangnganreang tau kodi sipaka!”

LUKAS 5:21

Sipa'bicarami guru-guru agamaya siagang tu Farisia nakana, “Inai anne taua nabarani kamma anghinai Allata'ala? Inai akkulle ampammopporangi dosaya, pantaranganna Allata'ala?”

LUKAS 2:34

Nabarakkakimi Simeon ke'nanga; siagang nakana ri Maria, “Le'ba'mi nipile ri Allata'ala anne anaka untu' anghukkungi siagang untu' appasalama' jai tu Israel. La'jari pannanrai battu ri Allata'ala, lanibaliangi ri tau jaia,

MATIUS 22:15

Le'baki anjo a'lampami tu Farisia sipa'bicara; eroki ke'nanga a'boya pakkuta'nang sollanna akkulle nakuta'nang Isa nasala pappialinNa.

MATIUS 21:46

Jari a'boyami cara ke'nanga ero' anjakkalaki Isa. Mingka mallaki ke'nanga ri tau jaia. Kaanjo tau jaia tappaki angkanaya na'bi anjo Isa.

MATIUS 21:23

Le'baki anjo ammotere'mi Isa mange ri Balla'Na Batara. Antama'mi angngajara' lalang. Sitabanna angngajara', battumi mae ri Ia imang-imang kapalaya siagang pamimping-pamimpinna tu Yahudia. Akkuta'nammi ke'nanga angkana, “Apa passabakkanna nakkulle Nugaukang ngaseng anne? Inai assareKo koasa?”

MATIUS 15:2

“Apa saba'na nanadakkai ana'-ana' gurunNu ada'-ada'na tu riolota? Kapunna langnganre ke'nanga tena na'bissa lima situru' atoranga!”

MATIUS 12:24

Nalangngere'na tu Farisia anjo pakkuta'nanga, appialimi ke'nanga angkana, “Nakkulle Nabongka setanga anne taua, lanri le'ba'naji nisare koasa ri pinggawana setanga.”

MATIUS 11:19

Battuiseng Ana' Ma'rupataua – Nangnganre siagang angnginung; nanipakkanaimo ri taua, ‘Cinissai anjo taua, balalana siagang painunna! Manna pasingara' simaya siagang tau kodi sipaka Naagang ngaseng sipa'rappungang.’ Mingka manna nakamma mamo, lanipa'butti tonjia ero'Na Allata'ala lanri a'nyatana wassele'na.”

YOHANES 9:40

Nia' siapa are tu Farisi anjoreng allangngereki akkana kamma anjo Isa; jari akkuta'nammi ke'nanga ri Ia angkana, “Jari Nukana buta ngaseng tongki' anne mae?”

YOHANES 10:20

Jai ke'nanga angkana, “Nasosoki setang anne taua. Pongoroki! Apa matu-matunna nupilangngeri ngaseng?”

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.