IBRANI 12:12 - KITTA' MATANGKASA'

¹² Lanri kammana, pakkassakangi anjo limannu lammaya siagang anjo kulantu'nu annekkereka!

IBRANI 12:12 Referans Kwoze

YESAYA 35:3

Pakajarreki limanna tau lammaya, kassaki kulantu' ta'lenggaya.

IBRANI 12:3

Alle sai pikkiri' antekamma sessaNa Isa andallekangi sikamma tu dorakaya sannaka batena angngewa mae ri Ia! Lanri kammana, teako la'ba pa'maiki siagang teako tappu' panrannuangi.

1 TESALONIKA 5:14

Kipala' tongi mae ri kau ngaseng sari'battang, sollanna nupakainga' siagang kana-kana baji' tau tenaya naero' anjama lalang ri katallassanna. Pakalompoi pa'mai'na tau la'ba pa'maika; tulungi tau tenaya pakkullena, siagang sa'barakko mae ri yangasenna taua.

YEHEZKIEL 21:7

Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

IBRANI 12:5

Siagang teako kaluppai pappakainga'Na Allata'ala, ia Napassareanga mae ri kau sangkamma mae ri ana'-ana'Na! Nakana Allata'ala, “AnakKu, parhatikangi baji'-baji' pangngajara'Na Batara, nutea la'ba' pa'maiki punna Nakalarroiko.

YEHEZKIEL 7:17

Tunggala' taua la'jari lamma kabusuki limanna siagang annekkereki kulantu'na.

NAHUM 2:10

Ancuru'mi Niniwe, sinomi na kalotoro'. La'bai pa'maika napakamma malla'. A'jari lammami siagang annekkereki kulantuka. A'jari pi'lasa' kabusuki rupanna taua.

DANIEL 5:6

A'jari pi'lasa'mi rupanna siagang lanri malla'na nannekkere'mo kulantu'na.

PAMMUJI 109:24

Annekkereki kulantukku lanri appuasa, a'jari roso' dudumi kalengku.

ZEFANYA 3:16

Lanarapiki wattunna nalakkana sallang taua, “He Yerusalem, teako mallakki siagang teako la'bai pa'mai'nu.