IBRANI 11:7 - KITTA' MATANGKASA'

⁷ Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

IBRANI 11:7 Referans Kwoze

PA'JARIANG 6:13

Nakanamo Allata'ala ri Nuh, “Le'ba'mi Kupattantu angkana laKubuno ngasengi sikontu apa-apa attallasaka. LaKuancuru' ngasengi ke'nanga siagang apa niaka lalang lino, nasaba' anne linoa rassimi panggaukang palla' nagaukanga ke'nanga.

1 PETRUS 3:20

iamintu rohna sikamma tau tenaya namappilangngeri mae ri Allata'ala ri jammang tallasa'na Nuh. Anjo wattua sa'baraki attayang Allata'ala lalang appare'na kappala' Nuh. Iaji bawang anjo tau niaka lalang ri kappalaka – nia' sagantuju tau – nipasalama' battu ri anjo a'ba lompoa.

YEHEZKIEL 14:14

Manna pole nania' Nuh, Danel siagang Ayub ammantang anjoreng ri tampaka, anjo kabajikanna tau tallua poro nyawa kalenna tonji ke'nanga lasalama'. INakke, Batara Kaminang Tinggia anne akkana.

ROMA 4:13

A'janjimi Allata'ala mae ri Abraham siagang sossoranna, angkanaya anne linoa la'jari warisi'nai Abraham. Na'janji kamma anjo Allata'ala teai lanri naturukinna Abraham hukkung-hukkung agama Yahudia, passangalinna lanri tappa'na mae ri Allata'ala sa'genna nitarimamo a'jari tau nikarannuang ri atinNa Allata'ala.

LUKAS 17:26

Mingka ri allo nipa'nyatana Ana' Ma'rupataua sallang, lakammai lampa-lampana ri wattu jammanna Na'bi Nuh.

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

GALATIA 5:5

Mingka untu' ikambe, manrannuang maki' mae ri pannulunNa RohNa Allata'ala; na lanri tappatta mae ri Almasi, Nasare maki' oloang assibajiki ammotere' siagang KalenNa.

YEHEZKIEL 14:20

Siagang manna pole nania' anjoreng ammantang Nuh, Danel siagang Ayub, mingka lanri iNakke, Allata'ala mattallasaka, Batara Kaminang Tinggia, takkulleai ke'nanga ampasalamaki manna pole inai battu ri ke'nanga, ba'lalo manna ana' kalenna ke'nanga takkulle napasalama'. Poro kalennaji bawang ke'nanga salama', lanri kabajikanna ke'nanga.”

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

ROMA 3:22

angkanaya, iaji naNasare Allata'ala oloang rupataua assibajiki siagang Allata'ala, punna tappa' taua mae ri Isa Almasi. Anne Nagaukangi Allata'ala untu' sikontu tau tappaka mae ri Almasi; nasaba' tena simmaraenna rupataua:

ROMA 1:17

Nasaba' iaminjo Kabara' Bajika ampa'nassai angkana antekamma batena a'jari baji' ammotere' passisambunganna rupataua siagang Allata'ala. Carana, iamintu tappaki taua ri Allata'ala battu ri pakaramulanna sa'genna kala'busang. Kammaminjo niaka tattulisi' lalang ri Kittaka angkanaya, “Inai-nai tappa' ri Allata'ala sa'genna a'jari baji'mo ammotere' passisambunganna siagang Allata'ala, iami lattallasa'!”

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

PANGNGEBARANG 27:12

Tau cara'deka a'lili punna nia' nacini' bahaya; tau toloa a'jappa tulusuki nampa nituju ri bala.

2 PETRUS 3:6

kammayatompa je'ne' todong, iamintu je'ne' a'ba nipake ampanraki anjo lino jammang rioloa.

2 PETRUS 2:5

Kammayatompa lino jammang rioloa, tena todong nalata'lappasa' battu ri hukkunganNa Allata'ala. Appabattui a'ba lompo Allata'ala antama' ri linona tau ja'dalaka anjo wattua. Nuh bawang siagang tuju tau maraengannaya nipasalama', lanri napa'la'banna Nuh biritta katallassang nipangngellaia ri atinNa Allata'ala.

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

IBRANI 11:1

Tappa' battuanna matappa' tojeng-tojeng mae ri apa-apa nirannuanga; battuanna mattantumi panrannuanta ri apa-apa tanicinika.

ROMA 10:6

Mingka ri passala' antekamma carana taua assibajiki siagang Allata'ala situru' katappakkang mae ri Allata'ala, kammaminne nakana lalang ri Kittaka, “Tea' mako angkanai lalang ri atinnu, ‘Inaika lanai' ri suruga?’ (battuanna angngerangi naung Almasi),

ROMA 4:11

Ri bokopi nampa nisunnaki Abraham. Na anjo sunnaka poro a'jari pammateiji bawang angkanaya nitarimami a'jari tau nikarannuang ri atinNa Allata'ala, lanri tappa'na mae ri Allata'ala. Natarimami ri Allata'ala ri wattu tenanapa naturuki atorang sunnaka. Na'jarimo Abraham bapa' rohanina sikontu tau tappaka mae ri Allata'ala; na lanri kammana minjo nanitarimamo taua a'jari tau nikarannuang ri atinNa Allata'ala, manna natanaturukia atorang sunnaka.

MATIUS 24:38

Ri allo-allo tenanapa nabattu a'ba lompoa, angnganre-nganrei, angnginung-nginungi, siagang a'bunting-buntingi taua. Kammaminjo tuli nagaukanga taua, sa'genna antama' Na'bi Nuh ri biseang lompo napareka.

MATIUS 24:25

Jari, u'rangi memangi! Kupauang mako anne la'bi riolo ri tenanapa nakajariang.

PA'JARIANG 19:14

A'lampami Lot mange ri ruaya parekang mintunna nampa nakana ri ke'nanga, “Karo-karoko assulu' battu ri anne kotaya, nasaba' lanipanraki ri Batara.” Mingka nakapangi ke'nanga angkanaya a'bonga-bonganaji Lot.

PA'JARIANG 7:5

Nampa nagaukang ngasemmo Nuh anjo sikontu apa Napassuroanga Batara mae ri ia.

PA'JARIANG 6:9

Iaminne riwaya'na Nuh. Nia' ana'na tallu bura'ne, iamintu Sem, Yafet siagang Ham. Tena nagaukangi Nuh panggaukang salaya, siagang kale-kalenna bawang tau baji' ri anjo jammanga. Sibajiki sikali siagang Allata'ala lalang tallasa'na.

ROMA 9:30

Jari bodona kana kammaminne: Anjo bansa-bansa maraenga tena nausaha sollanna a'jari baji' ammotere' passisambunganna siagang Allata'ala. Mingka lanri tappa'na ke'nanga, Napa'jari baji'mi ammotere' Allata'ala passisambunganNa siagang ke'nanga.

PANGNGEBARANG 22:3

Tau cara'deka a'lili punna accini' bahaya; tau toloa a'jappa tulusuki nampa nituju ri bala.

MATIUS 24:15

“Lanuciniki sallang ammenteng ri tampa' matangkasaka, ‘Kaja'dallang langngancuruka’, sangkamma le'baka napau Na'bi Daniel.

PA'JARIANG 8:16

“Assulu' mako battu ri kappalaka siagang bainennu, ana'-ana'nu kammayatompa massing bainenna ke'nanga.

PA'JARIANG 6:22

Nagaukang ngasemmi Nuh anjo sikontu apa Napassuroanga Allata'ala mae ri ia.

MATIUS 2:12

Ri lammotere'na ke'nanga, nipauammi ri Allata'ala lalang so'na, sollanna tea ammoteri ke'nanga mange ri Herodes. Jari oloang maraemmi naolo ke'nanga ammotere' mange ri pa'rasanganna.

IBRANI 8:5

Anjo jama-jamang imang nagaukanga ke'nanga, sikontutojenna poro pangngebaranji siagang bayang-bayanji bawang mae ri apa niaka ri suruga. Anjo le'ba'mi Napau Allata'ala mae ri Musa riolo, iamintu ri wattunna lappaenteng KemaNa Batara Musa. Kammami anne kananNa Allata'ala mae ri Musa, “U'rangi! Yangasenna anjo musti nupareki situru' panrala' le'baka nipaccinikangko rate ri monconga.”

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

2 KARAENG-KARAENG 4:5

Jari ammotere'mi anjo bainea mange ri balla'na. Le'ba'namo antama siagang ana'-ana'na ri balla'na na natongko' pakke'bu'na, naallemi anjo botolo' ca'di niaka minynya'-minynya'na, nampa napatiri' antama' ri botolo'-botolo' napassareanga ana'na mae ri ia.

AYUB 35:8

Parannuji bawang tau nipakarugi ri dosa-dosanu. Iatommi upa' lanri kabajikannu.