IBRANI 11:4 - KITTA' MATANGKASA'

⁴ Lanri tappa'na, nanapassareang Habel koro'banga mae ri Allata'ala, iamintu koro'bang bajikanganga na koro'bang napassareanga Kain. Lanri ia anjo tappa'na, nanitarimamo Habel ri Allata'ala a'jari tau baji'; nasaba' ma'nassami angkana nitarimai ri Allata'ala koro'banna. Matemi Habel, mingka lanri anjo tappa'na, tuli a'bicarana ija sa'genna kamma-kamma anne.

IBRANI 11:4 Referans Kwoze

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

PA'JARIANG 4:10

Nakanamo Batara, “Angngapa nugaukangi anjo panggaukang palla' kammaya? Akkio'-kioki cera'na andi'nu battu rawa ri buttaya, sanrapang sa'ra annuntuka pa'balasa'.

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.

MATIUS 23:35

Jari lanihukkung ngasengko sallang, lanri nubunona tau tenaya salana: Appakkaramula ri nibunona Habel tenaya salana, sa'genna nubunona Zakharia ana'na Berekia lalang ri alla'na Balla'Na Batara siagang tampa' pakkoro'bangnganga.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

IBRANI 9:22

Kammami anjo pangngatorang agamana tu Yahudia, angkanaya yangaseng-ngasenna parallui nitangkasi siagang cera'; kammayatompa iapa nakkulle nipammopporang dosaya punna nia' cera' tassolong.

PA'JARIANG 4:15

Mingka Nakanamo Batara, “Tena. Punna nibunoko, lanibalasaki anjo tau ambunoako, iamintu tuju tau siagang anjo tau ambunoako lanibuno tongi.” Nampa Nasareimi Batara pammatei anjo Kain, sollanna punna nia' tau ambuntuluki tena nalanibuno.

PA'JARIANG 4:8

Nampa nakana Kain mae ri Habel, andi'na, “Umba nakia'lampa mange ri kokoa.” Battui ke'nanga mange anjoreng, nabakkaimi na nabuno anjo andi'na Habel.

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

LUKAS 11:51

Iamintu pammunoang appakkaramulaya battu ri Habel sa'genna Zakharia, le'baka kajariang ri ampi'na pakkoro'bangnganga siagang Balla'Na Batara. Patappa'mi angkanaya: Passabakkang yangaseng minjo namattantumo lanihukkunna ngaseng anne taua ri anne jammanga.

PANGNGEBARANG 21:27

Tasannangngai Batara ri passarena tau dorakaya, la'biangampa punna napassareang lanri nia'na pattujuang nicallana.

1 KARAENG-KARAENG 18:38

Nampa appabattumo Batara pepe' battu ri langika siagang nakanre anjo kayua siagang anjo koro'banga sa'genna ammutung, batu-batunna, buttana, kammayatompa nalepa' ngaseng tommi je'ne' niaka ri kaloroka.

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

PA'JARIANG 4:25

Anggappami pole Adam siagang bainenna sitau ana' bura'ne. Nakanamo Hawa, “Nasarema' Allata'ala ana' bura'ne a'jari sambenna Habel, le'baka nabuno Kain.” Lanri kammana minjo nanaaremmo Hawa anjo anaka Set.

TITUS 1:16

Nakana kalenna ke'nanga Naassengi Allata'ala, mingka ma'nassa nasassali lalang ri panggaukanna ke'nanga. Sanna' appakaringi'-ringi'na ke'nanga siagang taerokai mappilangngeri; tau tena sikali naero' ke'nanga anggaukangi apa-apa bajika.

IBRANI 5:1

Massing-massing imang lompoa nipilei battu ri tangnga-tangngana ummaka, na niangka' a'jari wakkele'na ke'nanga untu' allayani mae ri Allata'ala. Jama-jamanna iamintu angngerangangi Allata'ala sikamma passare lanipabattua siagang sikamma koro'banga sollanna nipammopporang dosa-dosaya.

IBRANI 11:2

Nasaba' lanri tappa'na, naningaimo ri Allata'ala tau ri jammang rioloa.

2 PETRUS 2:8

Ri tangnga-tangnganami anjo tau kammaya attallasa' anjo Lot tau bajika, angkasiaki pa'risi' pa'maika, lanri allo-allona nacini' siagang nalangngere' panggaukang ja'dala'na ke'nanga.

AYUB 8:10

Pilangngeri kana-kananna tau cara'deka riolo, nasareko anne pappilajaranga, angkanaya,