IBRANI 11:22 - KITTA' MATANGKASA'

²² Lanri tappa'na, na ri wattunna la'birimmo mate Yusuf, nanapau riolomo angkanaya lassulu'mi ammotere' umma' Israel battu ri butta Mesir; kammayatompa ammoli'mi pasang angkanaya lanipaanteikamma sallang maya'na punna matei.

IBRANI 11:22 Referans Kwoze

KALAPPASSANG 13:19

Naerammi Musa buku-bukunna tumate Yusuf, lanri lalang tallasa'na Yusuf nasuroi assumpa tu Israel angkana lanagaukangi anjo kammaya. Kammaminne pasanna Yusuf, “Punna Nalappassangko sallang Allata'ala, mayakku musti nuerangi a'lampa battu ri anne tampaka.”

YOSUA 24:32

Maya'na Yusuf, naeranga umma' Israel battu ri Mesir, nitarawangi ri Sikhem, iamintu butta naballia Yakub sibilangngang doe' pera' battu ri ana'-ana'na Hemor, manggena Sikhem. Anjo buttaya niwarisiki mae ri jari-jarina Yusuf.

LAMPA-LAMPANA 7:16

Nampa ri bokoang allo nipalette'mi jera'na ammotere' mange ri Sikhem, iamintu jera' le'baka naballi riolo Abraham battu ri bansa Hemor ri Sikhem.