IBRANI 11:19 - KITTA' MATANGKASA'

¹⁹ Tappaki Abraham angkanaya koasai Allata'ala ampattallasa' poleangi Ishak battu ri kamateanga – jari akkulle nikana natarimami Abraham ammotere' Ishak battu ri kamateanga.

IBRANI 11:19 Referans Kwoze

MATIUS 9:28

Ri wattunna antama' Isa ri se'reang balla', battumi anjo ruaya tau buta mae ri Isa. Akkuta'nammi Isa ri ke'nanga Nakana, “Maka nupatappaki angkanaya akkulleko Kubajiki sa'gennu accini'?” Appialimi ke'nanga angkana, “Iye' tappaki ikambe!”

EFESUS 3:20

Lanri pappagio'na koasaNa Allata'ala lalang ri kalenta, akkullemi la'bi jaiangang Nagaukang Allata'ala, naia akkullea nipala' yareka ninawa-nawa.

PA'JARIANG 22:13

Assailemi Abraham mae ri tammulilina anjo tampaka, nampa nia'mo nacini' sikayu gimbala' laki ia tassambanga tanru'na ri rompo'-rompoka. Naallemi Abraham anjo gimbalaka nampa napassareang mae ri Batara untu' a'jari koro'bang tunuang sambe ana'na.

IBRANI 9:24

Nasaba' teai Kamara' Matangkasa' bate pare'na rupataua Napantamakki Almasi. Anjo Tampaka poro pangngebaranji bawang ri Kamara' Matangkasa' sitojennaya. Ma'nassa suruga tojeng Napantamakki Almasi; anjoremmi kamma-kamma anne andallekang ri Allata'ala untu' kasalamakkanta ngaseng.

ROMA 5:14

Mingka battu ri wattu jammanna Adam sa'genna jammanna Musa, nikoasai sikontu rupataua ri kamateanga. Ba'lalo, manna tau tenaya nasangkamma panggaukanna Abraham anggaukangi kasalanga, amminawang tommi nikoasai ri kamateanga. Adam a'jari pammatei mae ri Ia labattua sallang ri lino.

MATIUS 12:36

Jari u'rangi laloi anne: ri Allo Kiamaka sallang, massing lanatanggong jawakki rupataua sikontu bicaranna tenaya matu-matunna.

IBRANI 9:9

Iaminne pangngebarranna jammang kamma-kammaya anne; battuanna angkanaya sikamma apa-apa nipassareanga siagang koro'bang olo'-olo' nipassareanga mae ri Allata'ala, takkulleapi napa'jari sukku' baji'na ati mailalanna tau angngeranga passare.