IBRANI 11:13 - KITTA' MATANGKASA'

¹³ Sikamma anjo ke'nanga tappa' ngasengi sa'genna mate. Tenapa natarimai ke'nanga anjo apa-apa Napa'janjianga Allata'ala, mingka poro nacini' bellaji ri pa'mai'na ke'nanga siagang panrannuang. Nalalang kammana anjo napappicinikammi ke'nanga angkanaya poro tau battu-battuji ke'nanga ri anne linoa.

IBRANI 11:13 Referans Kwoze

IBRANI 11:27

Lanri tappa'na, natamallakamo Musa ri pangngalarroinna karaenga nanabokoi butta Mesir. A'lampami Musa mange ri tampa' lanatujua sangkamma le'ba' angkanaya le'ba'mi nacini' anjo Allata'ala tenaya nakacinikang.

PAMMUJI 39:12

Lanri kasalanna rupataua, Kihukkungi siagang Kiajaraki sanrapang bu'bu' Kiancuruki apa lompoa anggaranna mae ri ke'nanga. Tojeng, rupataua sanrapanji sipa'maikang nappasa' bawang.

PA'JARIANG 23:4

“Inakke anne tubattu-battuja' ammantang ri tangnga-tangngata ngaseng; kisarea' pangngellai untu' ammalli siapa are luara'na butta sollanna akkulle kutarawang bainengku.”

YOHANES 8:56

Sannang sikali nyawana manggenu Abraham lanri lanaciniki allongKu. Ba'lalo nacini'mi siagang sannammi nyawana!”

IBRANI 11:39

Teai sipato' lompona pammetang nagappaya ngaseng anjo taua lanri tappa'na ke'nanga! Mingka tenapa natarimai anjo apa Napa'janjianga Allata'ala;

EFESUS 2:19

Lanri kammana, teai mako tau maraeng yareka tau pantarang. Kamma-kamma anne para umma'Na ngaseng mako Allata'ala. Anggota-anggota ngaseng mako lalang ri balla'Na Allata'ala.

ROMA 8:24

Nasaba' lanri pa'minasata, nakinipasalama'. Mingka punna nigappa memammi anjo apa niminasaia, anjo teaimi pa'minasa arenna. Nasaba' inaika amminasai apa nagappayamo?

1 PETRUS 2:11

Sikamma sari'battangku, sannaka kukarimangnginna! Ikau teaiko tuma'buttana anne linoa; ikau tau battu-battu jako. Lanri kammana, kupala' tojeng-tojengi mae ri kau sollanna tena nanuturuki hawa napasu rupataua, tuli ambundukiai nyawaya.

1 PETRUS 1:17

Ri wattunnu appala' doang, akkio' Manggeko mae ri Allata'ala. Jari, Iami anjo Allata'ala langngadeli rupataua situru' massing panggaukanna; na tena nalammile tau. Lanri kammana, genteng ri nia'nu ija ri anne linoa, parallui nupakala'biri' Allata'ala lalang ri katallassannu.

ROMA 4:21

Sanna' napatappa'na angkanaya laNarupai janjinNa Allata'ala.

AYUB 19:25

Kuassengi angkana nia' Mappatojengku ri suruga; kale'bakkanna labattui antulunga'.

PA'JARIANG 49:18

O Batara, kasalamakkang Kipassareanga, iaminjo sarro kutayanga.

PA'JARIANG 47:9

Appialimi Yakub angkana, “Sibilangngammi antallumpulo taung attallasa' atanta, a'jari tupalampa mange-mange. Punna nipasinrapangi siagang umuru'na boe-boena atanta a'jaria tupalampa mange-mange, anne katallassanna atanta jai kasukkarranna siagang bodoji umuru'na.”

1 YOHANES 3:19

Iaminne carata angngassengi angkanaya ma'nassa antamakki' ri golonganna tau battua ri Allata'ala, sollanna akkulle sannang atinta ri dallekanNa Allata'ala.

MATIUS 13:17

U'rangi, angkanaya jai na'bi siagang umma'Na Allata'ala ero' anciniki anne apa nucinika ri kamma-kammaya anne, mingka takkulleai nacini' ke'nanga. Eroki ke'nanga allangngereki anne apa nulangngereka ri kamma-kammaya anne mingka takkulleai nalangngere' ke'nanga.”

PA'JARIANG 49:33

Le'baki Yakub appasang ri ana'-ana'na, anra'bami naung nampa mate.

PAMMUJI 119:19

Poro sinampe'ja' bawang lammantang ri lino, teaKi' cokkoi hukkunTa mae ri nakke.

PAMMILANGNGANG 24:17

Kuciniki, mingka teai ri kamma-kammana anne; kuparhatikangi, mingka battu bellai. Sitau karaeng battu ri Israel assala'na, labattu sanrapang bintoeng accaya. Lanalissaraki sikamma pamimpinna Moab lanaancuruki bansa Set.

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

YOHANES 12:41

Na'bicara kamma Na'bi Yesaya, lanri nacini'mi kala'biranNa Isa. Iaminjo nanasero kana anjo passalaka.

PA'JARIANG 50:24

Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

PA'JARIANG 49:28

Iaminjo sampuloa anrua suku Israel, siagang kana-kana kala'busang napaua manggena ke'nanga ri wattunna nasare barakka' passibokoi massing-massing ke'nanga.

PA'JARIANG 48:21

Nampa nakanamo Yakub mae ri Yusuf, “Sangkamma nucinika, a'birimmi a'jalakku. Mingka laNatulung ngasengko Allata'ala siagang laNaerang ngasengko ammotere' mange ri pa'rasanganna boe-boenu.

KALAPPASSANG 2:22

Ammana'mi Zipora sitau ana' bura'ne. Naaremmi Gerson anjo anaka, lanri napikkiriki Musa angkanaya, “Inakke anne tubattu-battua' mae anrinni.”

KAIMANGNGANG 25:23

Takkulleai nubalukang tampa'nu untu' situlina, nasaba' anjo tampaka teai ikau pata, passangalinna Allata'ala pata. Ikau poro sanrapang jako tau battu-battu, nisarea ising untu' ampakei anjo tampaka.

2 KORINTUS 4:18

Nasaba' teai apa-apa kacinikanga napacciniki ikambe, passangalinna apa-apa tenaya nakacinikang. Anjo apa-apa kacinikanga poro sinampe'ji akkulle attahang; mingka anjo apa-apa tenaya nakacinikang attahangi sa'genna satunggu-tungguna.

2 KORINTUS 5:6

Lanri kammanami anjo natuli jarre' pa'mai'na ikambe. Naassengi ikambe angkanaya lalang ammantanna ija ikambe ilalang ri anne tubuna ikambe, bella iji ikambe battu ri anjo balla' lanipammantangia siagang Batara.

IBRANI 11:14

Sikamma tau akkana kammaya napakasingara' baji'mi angkanaya a'boyai ke'nanga pa'rasangang lanapa'jaria butta pa'rasanganna ke'nanga.

IBRANI 11:17

Lanri tappa'na todong, nanapassareammo Abraham ana'na, iamintu Ishak, a'jari koro'bang, ri wattunna niso'ri tappa'na ri Allata'ala. Le'ba'mi nijanji Abraham ri Allata'ala mingka narellakang tonji Abraham anjo ana' sitau-taua.

1 PETRUS 1:1

Natarimai sikamma sari'battangku, umma' Napilea Allata'ala, niaka tassiara' ri bori' bellaya, iamintu ri daera-daera Pontus, Galatia, Kapadokia, Asia, siagang Bitinia. Anne suraka battu ri nakke, Petrus, tunisuroNa Isa Almasi; kuminasai ri Allata'ala sollannu Nasare ngaseng alla'bi-la'bi barakka' siagang kasalewangang. Nipileiko a'jari Umma'Na Allata'ala situru' ero' laNagaukanga Allata'ala Manggea. Siagang nipa'jari mako matangkasa' ri RohNa Allata'ala sollannu a'jari Umma' KalenNa Allata'ala, siagang sollannu mappilangngeri ri Isa Almasi siagang nitangkasi ri cera'Na.

PA'JARIANG 21:34

Le'baki anjo ammantammi sallo-sallo sike'de' Abraham ri pa'rasanganna tu Filistin.

PAMMILANGNGANG 10:30

Appialimi Hobab angkana, “Tarima kasi, mingka kaerokka' ammotere' mange ri kampongku.”