IBRANI 11:11 - KITTA' MATANGKASA'

¹¹ Lanri tappa'na Abraham, nakkullemo angappa ana' battu ri Sara, manna pole natoa dudumo Abraham, siagang natamanang pole Sara. Tappaki Abraham angkanaya ma'nassa laNarupai janjinNa Allata'ala.

IBRANI 11:11 Referans Kwoze

IBRANI 10:23

Paralluko anna'gala' jarre' mae ri panrannuang le'baka nimangakui, nasaba' tappakki' angkanaya laNarupai janjinNa Allata'ala.

LUKAS 1:36

U'rangi: anjo bijannu Elisabet tianang annang bulammi, manna natoamo, siagang nakana taua tamanangi.

ROMA 9:8

Battuang kana, sossoranna Abraham a'jaria ana'-ana'Na Allata'ala, iaji bawang sossorang nilassukanga lanri janjinNa Allata'ala; jari tena nasossoranna ngaseng.

GALATIA 4:23

Ana'na anjo baine ataya, biasaji bawang kalassukanna, lanri battu ri ero'na rupataua nalassu'. Mingka ana'na anjo baine bebasaka, lanri janjinNa Allata'ala nanilassukangi.

2 KARAENG-KARAENG 4:17

Mingka kammatojengi anjo apa napakkanaya Elisa. Taung ri boko, kira-kira ri wattu sangkammaya anjo, ammana'mi anjo bainea sitau ana' bura'ne.