IBRANI 10:5 - KITTA' MATANGKASA'

⁵ Iaminjo saba'na na ri wattunna antama' Almasi ri linoa, Nakana mae ri Allata'ala, “TaerokaKi' ri koro'banga siagang passarea; mingka appasadia maKi' tubu untu' iNakke.

IBRANI 10:5 Referans Kwoze

YESAYA 1:11

Nakana Batara, “Nukapangi angkana Kungai sikontu anjo passare tulusu' nupassareanga mae ri Nakke? LanreA' mae ri sikamma gimbala' koro'bang nitununu siagang ri jannana sikamma ana' sapinu. Tena Kungai cera' sapi lakia, gimbalaka siagang bembea.

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

IBRANI 1:6

Mingka ri wattunna Nasuro Ana' bungasa'Na antama' ri anne linoa, akkana kammai anne Allata'ala, “Sikontu malaeka'Na Allata'ala musti anynyombai mae ri anjo Anaka.”

IBRANI 10:7

Nampa Kukana, ‘INakkemi anne, O, Allata'ala BattuMa' untu' anggaukangi erotTa, situru' apa tattulisika lalang ri Kittaka ri sesena BatangkalengKu.’ ”

IBRANI 2:14

Nasaba' anjo sikamma tau Nakanaya ana', iamintu tau akkullea mate, napa'jarimi KalenNa Isa sangkamma kalenna ke'nanga, siagang attallasa'mi sangkamma rupataua. Kammami anjo Nagaukanga, sollanna lanri kamateanNa nakkullemo Nabeta sa'genna posso' Billisika, iamintu makoasaya ri kamateanga.

IBRANI 10:10

Le'ba'mi Nagaukang Isa Almasi apa Nakaerokia Allata'ala, na Napassareang KalenNa a'jari koro'bang. Poro sikaliji bawang Nagaukang untu' satunggu-tungguna, na nitangkasimo dosa-dosata ngaseng.

GALATIA 4:4

Mingka ri wattunna narapi' baji'mo wattunna, Nasuromi Ana'Na Allata'ala antama' ri anne linoa. Nilassukammi anjo ana'Na ri se'reang baine, nattallasa'mo irawangang kakoasanna hukkung agamaya.

2 YOHANES 1:7

Jaimi patipu a'lampa mange-mange ri sikontu linoa. Ia ke'nanga, iamintu sikamma tau tenaya namangakui angkanaya antama'mi Isa Almasi ri lino ma'rupatau. Anjo tau kammaya, iami patipu, siagang musunNa Almasi.

IBRANI 8:3

Sikontu imang lompoa niangkaki untu' angngerang koro'bang yareka passare mae ri Allata'ala. Kammatommi anjo Imang Lompota; musti nia' apa-apa ri Ia untu' laNapassareang.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

LUKAS 1:35

Appialimi malaekaka nakana, “Labattui RohNa Allata'ala mae ri kau, siagang laniaki koasaNa Allata'ala anrurungangko. Lanri kammana, anjo ana' lalassuka lanigallaraki Matangkasa', Ana'Na Allata'ala.

YEREMIA 6:20

Apa matu-matunna ke'nanga ampangngerangngangA' kamanynyang battu ri Syeba, yareka rampa-rampa battu ri pa'rasangang bellaya? Tena naKuero' antarimai passarena ke'nanga. Tena Kungai koro'bang-koro'bang nitununa ke'nanga.

MATIUS 11:3

“Maka iKatte mintu le'baka Napa'janjiang Allata'ala? Yareka musti lanitayanginji maraenganga?”

YEREMIA 31:22

Siapapi sallonu tuli ranggasela, he bansa tenaya namajarre' ri Nakke? Appa'jariMa' apa beru ri lino, apa appakalannasaka – rapang baine nila'langngi ri bura'ne.”

PA'JARIANG 3:15

Lasikabirisiko siagang anne bainea. Sossorannu siagang sossoranna latuli simusui. Laniancuruki ulunnu ri sossoranna, nalanukokko' kacunu'na ke'nanga.”

LUKAS 7:19

nampa nasuro ke'nanga mange akkuta'nang ri Isa angkana, “Maka iKatte mintu tu labattua situru' Napa'janjianga Allata'ala? Yareka musti lattayangki' maraengannaya?”

YESAYA 40:16

Sikontu olo'-olo' ri romanna Libanon tagannakai lanipa'jari koro'bang nitunu; sike'de' duduji poko'-poko' kayuna lanipa'jari kayu tunuang.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

IBRANI 10:8

Uru-uruna Nakana Almasi, “TaerokaKi' ri koro'banga siagang passarea; taKingaiai koro'bang olo'-olo' nitunua siagang koro'bang untu' ampammopporangai dosaya.” Akkana kammami anjo Almasi, manna pole nanipassareang anjo sikontu koro'banga situru' hukkung-hukkung agama Yahudia.