IBRANI 10:33 - KITTA' MATANGKASA'

³³ Nia' wattunna nunihina siagang nigau' takamma-kamma ri dallekanna tau jaia. Nia' todong wattunna numminawang todong ampisa'ringi sessana tau nigau' kammaya.

IBRANI 10:33 Referans Kwoze

1 KORINTUS 4:9

Nasaba' turu' panggappaku, ikambe tunisuroNa Allata'ala, le'ba' maki' Napare' paccini'-cinikang Allata'ala ri dallekanna rupataua siagang malaekaka. Ikambe sangkamma maki' tau tuna le'baka nihukkung mate ri dallekanna tau jaia siagang nigora-gorai ri bonena linoa.

FILIPI 4:14

Mingka le'ba'ma' nutulung ilalang ri kasusaangku; na memang bajiki anjo apa nugaukanga mae ri nakke.

FILIPI 1:7

Tuli nia'nu ngaseng lalang ri atingku. Memang siratangi punna kammai anjo nyawaku mae ri kau ngaseng. Nasaba' le'ba' ngaseng tommako annarima siagang inakke iamintu passare malammoro' Napassareanga Allata'ala mae ri nakke; baji' na ri kamma-kammaya anne, iamintu ri wattungku nia' lalang ri tarungkua, kammayatompa pole ri wattungku nia' pantara' untu' angngalleangangi siagang ampamentengangi anjo Kabara' Bajika.

IBRANI 11:36

Nia' nicau-cau, nicambo', nisikko' rante nampa nipantama' ri tarungkua.

1 TESALONIKA 2:14

Sikamma sari'battangku, apa nukasiaka ri tallasa'nu, le'ba' tommi nakasia' sikamma jama'aNa Allata'ala ri butta Yudea, a'jaria taunNa Isa Almasi. Nukasiaki passessaya battu ri julu bansanu tonji, sangkamma nakasiaka sikamma Jama'aNa Allata'ala ri butta Yudea battu ri tu Yahudia.

YESAYA 51:7

PilangngeriA', he bansaKu, nuassengi apa annabaya; ajarangKu nuboliki lalang ri atinnu. Teako mallakki punna nicau-cauko ri rupataua, teako lussakki punna nahinako ke'nanga.

PAMMUJI 74:22

Ammenteng maKi' o, Allata'ala, Kipattojenga' ri parkaraku! Saba' sila'busu' alloKi' nihina ri tau tenaya natappa' mae ri Katte.

IBRANI 13:13

Lanri kammana, mae mako nakia'lampa mae ri Ia, ri pantaranganna pa'balla'-ballakanga, nakimminawang todong nihina siagang Ia.

IBRANI 11:26

Naassengi Musa angkanaya la'bi lompoangangi anggaranna nipakatunaya lanri Karaeng Mappasalama' Napa'janjianga Allata'ala, naia anggappaya sikamma kakalumanynyangang battu ri butta Mesir; nasaba' pahala untu' allo ri bokoa narannuang Musa.

2 TIMOTIUS 1:8

Lanri kammana, teako siri'-siriki a'jari sa'bi mae ri Batarata, siagang tea tongko kasirikangia', ia nitarungkua lanri Batarata. Mingka, lanri kagassingang nugappaya battu ri Allata'ala, siratangko angkasia' tongi kasessanga untu' anjo Kabara' Bajika.

2 KORINTUS 12:10

Jari kukarannuang tongi anjo sikamma kalammangku. Kukarannuang tongi punna lanri Almasi nakunitudu tarigaukku, punna natujua' susa, punna niondanga' ri kere-keremae, kammayatompa punna natujua' kasukkarang lanri Almasi. Nasaba' punna lamma kukasia', iaminjo wattua nakugassing.

ZAKHARIA 3:8

Pilangngeri, he ikau Imang Malompo Yosua, kammayatompa ikau ngaseng sikamma imang-imang aganna maraenga, ikau ngasemmi a'jari pangngebarang battu ri allo baji' labattua. Anjo wattua laKusuroi atangKu niarenga ‘I Cu'la'’.

NAHUM 3:6

Kupare' kammako apa-apa appakaringi'-ringika, Kusambilako apa-apa ra'masa'; Kuparekko paccini'-cinikang.

PAMMUJI 89:51

Kiu'rangi o, Batara, antekamma batena nicalla anne atanTa, kukasiaki nihinaya ri jai bansa.

PAMMUJI 79:12

O, Batara, Kibalasaki anjo bansa-bansa a'lappi tuju lanri sikontu panghinaanna mae ri Katte.

PAMMUJI 71:7

A'jari contoi tallasakku mae ri tau jaia, saba' iKattemi pa'la'langang majarrekku.

PAMMUJI 69:9

A'jaria' sanrapang bansa maraeng mae ri bija pammanakangku, sanrapang tau battu pantara' mae ri daengku na andikku.

IBRANI 12:4

Nasaba' lalang nuusahaina angngewai dosaya, tenapa nasa'genna musti nia' cera' tassolong.