IBRANI 10:29 - KITTA' MATANGKASA'

²⁹ Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

IBRANI 10:29 Referans Kwoze

IBRANI 6:6

Mingka le'baki anjo, ammono'bokomi ke'nanga! Antekamma batena laniulu toba' poleang ke'nanga battu ri dosa-dosana? Nasaba' nasalli' poleammi ke'nanga Ana'Na Allata'ala nanihina-hina ri dallekanna tau jaia.

EFESUS 4:30

Teako pa'jari si'nai atinNa RohNa Allata'ala. Le'ba' mako nisare pammatei mattantu ri RohNa Allata'ala, ma'nassanu a'jarimo taunNa Allata'ala. Ia tommi anjo RohNa Allata'ala a'jari pammatei janji majarre' angkanaya labattui mae ri kau Allo Kalappassanga.

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.

1 KORINTUS 11:27

Lanri kammana, inai-nai sala carana angkanrei rotiNa Batara siagang sala carana angnginungi anggoro'Na Batara, dorakami anjo taua mae ri Batara, le'baka angkoro'bangkangi batangkalenNa siagang cera'Na.

LUKAS 12:10

Punna nia' tau antumpaki kananNa Ana' Ma'rupataua akkulleji nipammopporang; mingka punna nahina RohNa Allata'ala, takkulleami nipammopporang.

IBRANI 2:3

La'biangampa pole anjo kasalamakkang hebakkanganga na anjo sikamma pappasanga. Punna tena nanijampangi anjo kasalamakkanga, mattantu takkulleaki' lata'lappasa' battu ri hukkunganga. Nasaba' KalenNa Batara uru-uru ampa'la'bangi anjo kasalamakkanga; na sikamma tau uru-uru allangngerekai le'ba'mi napa'butti katojenganna mae ri katte.

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

IBRANI 9:13

Anjo cera' bembea siagang sapi lakia kammayatompa auna anjo koro'bang sapi rungkaya, nipakei untu' amba'basaki sikamma tau ra'masaka, sollanna a'jari tangkasa' ke'nanga. Jari, punna akkulle ceraka siagang aua antangkasi kara'massanna ke'nanga,

1 KORINTUS 11:29

Nasaba' inai-nai angkanrei anjo rotia siagang angnginungi anjo anggoroka natena najampangi angkanaya anjo parjamuanga nia' passisambunganna siagang batangkalenNa Batara, anjo taua angnganremi siagang angnginummi hukkungang battu ri Allata'ala mae ri kalenna.

IBRANI 6:4

Nasaba' tenamo olona lanirurungang ammotere' tau ammono'bokoa. Riolo nia'mi ke'nanga lalang ri kasingaranNa Allata'ala, siagang nakasia'mi passareNa. Kammayatompa amminawang tommi ke'nanga nikoasai ri RohNa Allata'ala.

IBRANI 2:11

Isa antangkasi rupataua battu ri dosa-dosana ke'nanga; na Ia annangkasia, kammayatompa anjo ke'nanga nitangkasia, se'reji Mangge napa'jului. Iaminjo natasiri'-sirika Isa angngakui ke'nanga a'jari sari'battanNa.

YOHANES 17:19

Kupassareammi KalengKu, iamintu tu nikatutuinTa, untu' kaparalluanna ke'nanga, sollanna akkulle todong ke'nanga a'jari ummatTa Kikatutuia, lanri katojenganga.

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

YOHANES 10:36

apa saba'na nanukana Kuhinai Allata'ala lanri Kukananaja KalengKu iNakke Ana'Na Allata'ala? Padahala' iNakkemi Napile Manggea na NasuroA' battu antama' ri linoa.

MIKHA 7:10

Riolo nahinaki' musua nakana, “Kemaeji anjo Batara, Allata'alanu?” Mingka kamma-kamma anne lanaciniki ke'nanga apa Nagaukanga Batara untu' ikatte, siagang la'jari siri'-siri'mi ke'nanga. Laniciniki anjo musu-musunta nibeta siagang nionjo'-onjokang rapang peo' ri aganga.

YESAYA 14:19

mingka ikau tena jera'nu; maya'nu nipelaki sangkamma cu'la' nipelaka, nitambungi ri sikamma maya'na pejuang matea lalang bundu', siagang nipasambilaya siagang ke'nanga antama' ri kali'bong batua, rapang maya' nionjo'-onjokanga.

2 KARAENG-KARAENG 9:33

Nakanamo Yehu mae ri ke'nanga, “Pasambilai naung mae antu bainea!” Na nipasambilamo Izebel ri ke'nanga naung battu ri tontonganga, nampa nilissarrang ri kareta sa'genna ta'racci' cera'na mae ri temboka siagang mae ri sikamma jaranna anjo karetaya.

IBRANI 9:20

Lalang napaba'basa'na nakanamo Musa, “Iaminne cera' ampa'nassayai parjanjiang battua ri Allata'ala. Musti nuturuki anne parjanjianga.”

1 KORINTUS 15:25

Musti ammarenta tuli Almasi sa'genna nipasomba ngaseng ri Allata'ala sikontu musunNa Almasi ri dallekanNa Almasi.

ROMA 16:20

Allata'ala assarei salewangang rupataua; tasalloami naancuru' Billisika nampa naboli' irawangang kakoasannu. Poro tuli nibarakkaki ngasengko ri Batarata Isa Almasi!

MATIUS 26:28

Nasaba' iaminne cerakKu, ampakajarrekai janjinNa Allata'ala – cera' nipasolonga, sollanna akkulle nipammopporang sikontu dosana tau jaia.

PIRAUNG 1:15

Napakatunai Batara sikontu tubaraniku porea. Napagio' kabusuki tantaraya sollanna putta sikontu tau rungkaku. Naonjo'-onjokangi bansaku sa'genna ancuru', rapang tau ammaccoka rappo anggoro'.

YESAYA 28:3

Kalompoang pa'mai'na anjo sikamma pamimping nasa'ringa lanionjo'-onjokangi.

PAMMUJI 143:10

Ajaria' anggaukangi erotTa, saba' iKattemi Allata'alaku. IKatte baji' pa'mai' lanrenrenga' mange ri oloang lapparaka.

1 KORINTUS 15:27

Nia' tattulisi' lalang ri Kittaka angkanaya, “Napasomba ngasemmi Allata'ala sikontu apa niaka mae ri dallekanNa.” Singara'mi angkanaya, anjo nikanaya “sikontu apa niaka” tena nantama' KalenNa Allata'ala, ampasombayai sikontu apa niaka mae ri dallekanNa Almasi.

YEHEZKIEL 16:6

Nampa allaloMa' naKucinikko ammokki' lalang ri pangngammeang cera'nu, mingka tena naKulappassangko mate.

YEREMIA 1:5

“Ri wattu tenanapa Kupa'jariko lalang ri battanna amma'nu, siagang ri wattu tenanapa nanilassukangko, le'ba' memang mako Kupile siagang Kuangka' untu' a'jari na'bi mae ri bansa-bansaya.”

PAMMUJI 91:13

Lanudakkai ularaka siagang singaya, langngonjokko singa rungka siagang ulara' a'racung.

KALAPPASSANG 24:8

Nampa naalle Musa anjo cera' niaka lalang ri sikamma anjo katoanga nampa napasirang nai' irateanna ra'yaka. Nakana Musa, “Anne ceraka a'jari panjarreki ri parjanjiang Napareka Batara siagang ikau ngaseng situru' sikamma parentaNa.”

DANIEL 8:13

Nampa kulangngere' sa'ra malaekaka akkana mae ri malaeka' maraengannaya, “Sa'ge kemae sallona anjo sikontu apa nicinika lalang paccinika lakajariang? Sa'ge siapa sallona anjo dosa lompoa ansambeangi koro'bang allo-alloa? Sa'ge siapa sallona tantara suruga siagang balla' ibadaya lanionjo'-onjokang?”

MARKUS 7:2

Le'baki nacini' ana'-ana' gurunNa Isa angnganre nara'masa' limanna. Tena nabissai rolong limanna, situru' atoranna agamaya.

1 KORINTUS 6:11

Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

EFESUS 5:26

NaNagaukang Almasi anjo kammaya, sollanna akkulle Natangkasi jama'aka lalang ri pangngajaranNa kammayatompa lalang ri je'ne' pa'je'ne', nampa akkulle Napassareang anjo jama'aka mae ri Allata'ala.

IBRANI 4:14

Iaminjo saba'na kimusti anna'gala' jarre' mae ri pangakuang katappakkanta. Nasaba' nia' Imang Malompota, le'bakamo antama' sa'genna ri dallekanNa Allata'ala – iamintu Isa, Ana'Na Allata'ala.

IBRANI 10:10

Le'ba'mi Nagaukang Isa Almasi apa Nakaerokia Allata'ala, na Napassareang KalenNa a'jari koro'bang. Poro sikaliji bawang Nagaukang untu' satunggu-tungguna, na nitangkasimo dosa-dosata ngaseng.

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.