IBRANI 10:20 - KITTA' MATANGKASA'20 Le'ba' maki' Nasungkeang Isa se're oloang beru, iamintu oloang assarea katallassang. Anjo oloanga iamintu battu ri gordenga, iamintu BatangkalenNa Isa. Gade chapit la |
Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.
Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.
“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.
Le'baki anjo musti nasamballei Harun anjo bembea untu' koro'bang pammopporang dosana umma' Israel. Cera'na anjo bembea musti nierangi mange ri Kamara' Kaminang Matangkasaka, nampa niparacci' ri bageang dallekanna pa'rangka'na Patti Parjanjianga siagang ri dallekanna Pattia, sangkamma le'baka nigaukang siagang cera'na sapi lakia.