HOSEA 9:12 - KITTA' MATANGKASA'

¹² Mingka manna pole nania' ana'-ana' nilassukang siagang nipakalompo, laKuallei ke'nanga; tena manna sitau laKulappassang attallasa'. Cilaka ngaseng mako ikau, he bansa Israel, punna Kubokoi ngaseng mako!”

HOSEA 9:12 Referans Kwoze

HOSEA 7:13

Cilakai ke'nanga, lanri nabokoiMa' ke'nanga. Laancuruki ke'nanga lanri angngewana mae ri Nakke. ErokKa' ampasalamaki ke'nanga, mingka ibadana ke'nanga mae ri Nakke anu tena nakontutojeng.

HOSEA 9:16

LaKuhukkungi tu Israel. La'jari ke'nanga sanrapang lamung-lamung tenaya na'rappo, siagang kalotorokamo aka'-aka'na. Takkulleai ke'nanga nia' ana'na; mingka manna pole nania' ana'na ke'nanga, laKubunoi anjo ana'-ana' nakamaseanga.”

PAOLE 32:25

Bundu' angngeranga kamateang niaki ri sikamma oloanga, manna ammantanga ri balla' nabattui todong malla'. Turungkana bansaya lamatei, ana' lolo na tau toa dudu tena passangalinna.

PAOLE 31:17

Punna kajariang anjo kammaya, la'bettese'mi larroKu mae ri ke'nanga. LaKubokoi ke'nanga siagang laKupanraki. Jai bala lompo lantujui ke'nanga; nampami sadara' ke'nanga angkanaya nakajariang ngaseng anjo kammaya lanri iNakke, Allata'alana ke'nanga, tenamo naKururungangi ke'nanga.

HOSEA 9:13

O Batara, kuciniki ana'-ana'na ke'nanga niondang-ondang siagang nibuno.

PIRAUNG 2:20

O Batara, ciniki na Kiparhatikang anjo ke'nanga tau Kisessaya! Maka nia' kammaya anjo le'ba' Kigaukang? Anrong angkanrei ana' kalenna nangaia, imanga siagang na'bia nibunoi lalang ri BallatTa matangkasaka.

YEREMIA 15:7

Ri tunggala' kotaya ri anne pa'rasanganga lanipelakko rapang rarame. Manna pole ikau ummakKuko mingka laKupanrakiko siagang ana'-ana'nu lanri teanu ampinrai batenu attallasa'.

AYUB 27:14

Punna jai ana'na, lamatei ke'nanga lalang bundu' siagang ana' cucunna lakakurangangi lalang tallasa'na.

2 KARAENG-KARAENG 17:23

sa'genna kale'bakkanna tenamo naniparhatikang ke'nanga ri Batara, passangalinna nipela'mi ke'nanga battu ri butta nipassareanga mae ri ke'nanga. A'rupami anjo kajariang kammaya situru' pappakainga' le'baka Napassareang Batara mae ri ke'nanga tete ri ata-atanNa iamintu na'bi-na'bia. Kammami anjo nanierammo tu Israel mange ri butta pammelakkanga ri Asyur, siagang anjoremmi ammantang ke'nanga sa'genna anne alloa.

2 KARAENG-KARAENG 17:18

sa'genna larro sikalimo mae ri ke'nanga siagang tenamo Naparhatikangi ke'nanga. Napelaki ke'nanga battu ri butta le'baka Napassareang mae ri ke'nanga. Ia ammantanga tassesa iamintu kakaraengang Yehuda mami.

1 SAMUEL 16:14

Anjo lapung Saul nibokoimi ri RohNa Batara, siagang nisessami ri roh ja'dala' Nasuroa Batara.

HAKING-HAKING 4:16

Naondammi Barak anjo kareta-kareta bunduka siagang tantara musua sa'genna mange ri Haroset-Hagoyim. Nampa nabuno ngaseng sikontu tantarana Sisera. Tena manna sitau nalappasang attallasa'.

PAOLE 28:32

Lanipassareangi ri dallekanna matannu sikamma ana'nu salaku ata mae ri bansa maraenga. Allo-allona pacce matannu amboyai anjo ana'-ana'nu, mingka tena matu-matunna usahanu, nasaba' tenamo nalammotere' ke'nanga.

PAMMILANGNGANG 26:65

Le'ba'mi Nakanang Batara angkanaya lamate ngasengi ke'nanga ri parang lompoa. Na memang mate ngasengi ke'nanga, pantaranganna Kaleb ana'na Yefune siagang Yosua ana'na Nun.

YEREMIA 6:8

He pandudu' Yerusalem, poro anjo sikontu kasukkaranga a'jari pappaingaki ri kau! Gassingka Kubokoiko siagang Kupinrai kotanu a'jari parang lompo tenaya nipammantangngi ri tau.”

MALEAKHI 2:12

Poro sikamma anjo tau a'gau' kammaya Nipakabellai ri Batara battu ri umma' Israel. Poro tena lalomo namminawang ri bansata assare koro'bang-koro'bang mae ri Batara Kaminang Koasaya.

PAMMILANGNGANG 14:34

Lanukasiaki kale'bakkang kodina dosanu lalang patampulo taung sallona; sitaunga nirekengi untu' siallo battu ri patampulo alloa nupake untu' ansalidiki anjo pa'rasanganga. Lanuassengi angkanaya antekamma kasia'na punna angngewako ri Nakke!

PAOLE 28:18

Nitunraiko, sa'genna a'jari sike'de'ji ana'nu, wassele' kattoannu, sapinnu siagang gimbala'nu.

PIRAUNG 2:22

Kikioki musu-musu nakamallakkanga ikambe untu' assua'-suara' ja'dala' ri tammulilina ikambe. Nabuno kabusuki ke'nanga sikontu le'baka naparakai siagang nasayanga ikambe. Ri wattu larroTa, tena manna sitau akkulle lari.