HOSEA 9:10 - KITTA' MATANGKASA'

¹⁰ Nakana Batara, “Ri wattu uru Kubuntulu'na Israel, rannuA' rapang tau anggappaya rappo anggoro' ri parang lompoa. Ri wattu uru Kucini'na boe-boenu sanna' sannanna nyawaKu, rapang tau uru ancinikai rappo bungasa'na rappo araya. Mingka, ri wattunna a'lampa ke'nanga mange ri Bulu' Peor, appakkaramulami ke'nanga anynyomba ri Baal, sa'genna a'jari ra'masa' ke'nanga sangkamma ra'masa'na anjo rewata nangaia ke'nanga.

HOSEA 9:10 Referans Kwoze

HOSEA 4:14

Mingka tena nalaKuhukkung anjo panggaukanna ke'nanga, nasaba' manna ikau a'lampa tonjako mange ri sikamma pasundala' niaka ri balla' rewataya, siagang assiagang ngasengko ke'nanga assare koro'bang mae ri rewata-rewataya. Annaba tojengi kana-kana angkanaya, ‘Bansa tenaya pammahanna ri passala'na Allata'ala laruntungi.’

YEREMIA 11:13

Jai sikali rewata-rewatana tu Yehuda, sangkamma jaina kota-kotana ke'nanga. Pandudu'na Yerusalem appaentengi tampa'-tampa' pakkorobangngang sangkamma jaina agang-agang ri kota Yerusalem untu' assare koro'bang mae ri Rewata Baal.

MIKHA 7:1

Cilakama' inakke! Rapanga' tau cipuruka a'lampa mange angngattili' rappo anggoro' ri wattunna allalomo wattu rappoa. Tena rapponna poko' rappo-rappoanga. Rappo anggoroka siagang rappo ara bajika la'busu' kabusu'mi nialle.

HOSEA 2:15

Koko-koko anggoro'na laKupoterangi mae ri ia, siagang Ka'bung Kasusaanga laKupinrai a'jari pakke'bu' panrannuang. Anjoreng lanaruppaiA' sangkamma ri wattu lolona, ri wattu beru assulu'na battu ri Mesir.

YEHEZKIEL 20:8

Mingka angngewai ke'nanga ri Nakke siagang taerokai mappilangngeri ri Nakke. Taerokai ke'nanga ampelaki anjo patung-patung appakaringika kammayatompa taerokai ammari anynyomba ri barhala-barhalana Mesir. Ri wattunna anjorengija ke'nanga, sadiaMa' ero' ampabattui larrroKu mae ri ke'nanga.

AMOS 4:5

Assare mako roti salaku sukkuru'nu mae ri Nakke, siagang a'bicara kosong mako angkanaya le'ba' mako angngerang tambana passarenu! Tantu iaminjo nungai ngaseng nugaukang!

HOSEA 11:1

Nakana Batara, “Kukamaseangi Israel battu ri ca'dina, Kukioki anakKu assulu' battu ri Mesir.

YEREMIA 31:2

Ri parang lompoa Kupappicinikang pangngamaseangKu mae ri ke'nanga, ta'lappasaka battu ri kamateanga. Ri wattunna a'boya umma' Israel kasannangngang,

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

YESAYA 28:4

Masahoro'na anjo kota appakaramulayamo toa, lalanynyaki. Sarenna larapangi rappo ara ti'noka ri wattu alla'; kamma nicini'na, kamma niallena na nikanre.

PAMMUJI 81:12

Mingka ummakKu taerokai mappilangngeri ri Nakke, taeroka Israel mannuruki ri Nakke.

1 KARAENG-KARAENG 16:31

Tenapa nasukku' nasa'ring doraka sangkammaya nagaukanga Yerobeam, ia ba'lalo nabuntingi Izebel ana'na Karaeng Etbaal battu ri Sidon, siagang assambayangi mae ri Baal.

HAKING-HAKING 6:32

Lanri akkana Yoas, “Lappassammi na Baal kalenna angngewai Gideon, lanri nabongkara'na tampa' pakkoro'bangnganna.” Jari appakkaramulami anjo wattua nigallara'mi Gideon “Yerubaal”.

PAOLE 32:17

Assarei ke'nanga koro'bang mae ri roh-roh ja'dalaka teai mae ri Allata'ala, mae ri rewata-rewata takontutojeng, taniassenga siagang tanipakala'biri'ka ri boe-boena riolo.

PAOLE 32:10

Narapikangi ke'nanga sitabang alla'bang, ri tampa' sinoa ri parang lompoa. Iami ke'nanga rapang pa'mai'Na, Nala'langia siagang Naparakaia.

PAOLE 4:3

Kalennu anciniki apa Nagaukanga Karaeng Allata'alanu ri Moncong Peor. Sikamma tau anynyombaya ri Baal anjoreng ri tampaka Naancuruki,

PAMMILANGNGANG 15:39

Anjo rombeng-rombenga iami a'jari pappiu'rangi: Tunggala' allo punna nuciniki, lanuu'rangi sikontu parentaKu siagang nuturuki. Na lanri kammana anjo, tena nalanukaluppaiA' untu' anturuki erokKu siagang ero' kalennu.

ROMA 6:21

Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya!

PAMMUJI 115:8

Poro kamma tomminjo sarenna sikamma tau amparekai, siagang sikamma tau tappaka mae ri ia.

YEREMIA 3:24

Lanri anynyombana ikambe ri rewata appakasiri'-sirika anjo natappela'mo ana'-ana'na ikambe kammayatompa olo'-olo' sapi siagang gimbala'na ikambe, iamintu sikontu apa le'baka nausahai boe-boena ikambe battu riolo dudu.

YEREMIA 24:2

Anjo baku' makase'rea rassi rappo ara baji'-bajika ngaseng, sangkamma rappo ara bungasaka; nampa anjo baku' makaruaya rassi rappo ara bottoka ngaseng, sa'genna takkullea nikanre.

HOSEA 4:18

Punna nasa'rimmo ke'nanga lanri angnginung anggoro', sannammi nyawana ke'nanga assundala'. La'bi nangaiangngangi ke'nanga nihinaya kala nipakalompoa.

PAMMILANGNGANG 18:13

Yangasenna anjo kammaya untu' ikau. Tunggala' anggota kaluarganu tenaya nara'masa' akkullei nakanre.

2 KARAENG-KARAENG 17:11

Attunu tongi ke'nanga dupa ri sikontu tampa' pakkoro'bangnganga untu' rewataya, sangkamma kabiasanna bansa-bansa le'baka Nabongka Batara battu ri butta Kanaan. Anynyombai ke'nanga barhala, manna pole nipisangkai ri Batara. Sikontu anjo panggaukang ja'dala'na ke'nanga ampanaiki larroNa Batara.

KELONG MALA'BIRI' 3:6

Apa kutadeng anjo niaka battu ri parang lompoa, sangkamma umbu a'rumbua? Bau'na sangkammai muru' siagang kamanynyang, siagang ba'ra' battua ri padangganga.

YEREMIA 3:25

Jari, boli'mi kamma siri'-siri' ikambe, siagang boli'mi kamma a'jari tuna ikambe. Nasaba', ikambe siagang boe-boena ikambe doraka ngasemmaki' ri Karaeng Allata'ala, kammayatompa tenale'bakaki' mannuruki ri parenta-parentaNa.”

HOSEA 13:5

Ri butta kalotoroka ri parang lompoa, iNakke anjagaiko.