HOSEA 9:1 - KITTA' MATANGKASA'

¹ He bansa Israel, tea' mako pakalompoi pole allo-allo lomponu sangkamma bansa-bansa maraenga. Nubokoimi Allata'alanu siagang tenamo namajarre' pa'mai'nu mae ri Ia. Ri tampa'-tampa' panggilingang gandunga nubalukangi kalennu a'jari rapang pasundala' mae ri Rewata Baal, siagang sannangi nyawanu antarimai gandung nukanaya sawala' nugappa battu ri anjo rewataya!

HOSEA 9:1 Referans Kwoze

HOSEA 10:5

Pandudu'na Samaria lamallaki; ke'nanga siagang imang-imanna ke'nanga allayania ri anjo sapi bulaenga ri Betel lasi'nai siagang langngarruki lanri lanynya'mi sikontu kalompoanna anjo barhalana ke'nanga.

HOSEA 4:12

Appalakko pangngunju' battu ri sipolonga kayu! Se'reang takkang ampauangko apa eroka nuasseng! Rapangko sitau baine niaka bura'nenna na'jari pasundala'; nubokoiA' nampa nupassareang kalennu mae ri rewata-rewata maraenga.

YEREMIA 44:17

Sikontu apa napa'janjianga ikambe, tena tanagaukanna ikambe. Tuli lassarena koro'bang ikambe mae ri Ratu Suruga, siagang appatiri' je'ne' anggoro' salaku passare mae ri ia sangkamma biasaya nigaukang ri kota-kota Yehuda siagang ri agang-aganga ri Yerusalem, iamintu nigaukanga ri boe-boena ikambe, ri sikamma karaenga siagang pagawe-pagawe pamarentana ikambe, kammayatompa nagaukanga kalenna ikambe. Anjo wattua anggannaki kanre-kanreanna ikambe, akkalumanynyangi ikambe, siagang tena sikali kasukkaranna ikambe.

YAKOBUS 5:1

Sikamma sari'battangku, akkalumanynyanga! Pilangngeri anne pappakaingakku. Paralluko angngarru' siagang appiraung lanri lanukasia'na kasessanga!

YAKOBUS 4:16

Mingka kamma-kamma anne a'jari tampo mako siagang lompomi bicarannu. Anjo bicara lompo kammaya sala ngasengi.

AMOS 6:13

A'bicara kosongko angkanaya le'ba'mi nubeta Lodebar. A'bicara tongko angkana, “Nia' kagassinganna ikambe untu' angngallei Karnaim.”

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

HOSEA 5:7

Tena namajarre' ke'nanga mae ri Batara; ana'-ana'na ke'nanga teaimi ana'-ana'na. Lanri kammana anjo, tenamo nasallo nalanipanraki ke'nanga siagang koko-kokonna ke'nanga.

HOSEA 5:4

Lanri anjo kaja'dallang nagaukanga tu Israel natakkulleamo ke'nanga ammotere' mae ri Allata'alana ke'nanga. Tassikko'mi ke'nanga ri panynyombanga mae ri barhalaya, sa'genna tenamo najampangi ke'nanga Batara.

HOSEA 2:12

LaKuputtai poko'-poko' anggoroka siagang poko'-poko' ara nakanaya passawallang nagappaya battu ri palayananna mae ri sikamma tanrinna. LaKupinrai koko-koko anggoroka siagang koko-koko araya a'jari romang; labattui olo'-olo' sekkeka ampanraki.

YEHEZKIEL 21:10

Nipakatarangi sollanna akkulle ammuno, nilaccuki sollanna akkulle accilla'-cilla'. Mae ri ummakKu tenamo karannuang lanri sikontu pappakainga' siagang hukkungang nabalang parekangi ke'nanga.

YEHEZKIEL 20:32

Erokko ampasangkammai bansa-bansa maraenga siagang pandudu'na pa'rasangang-pa'rasangang maraenga anynyomba poko' kayu siagang batu. Mingka anjo ero'nu tena nala'rupa.’ ”

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.

YESAYA 17:11

Mingka manna pole naccu'la' memang siagang a'bunga memang ri allo nulamunna, mingka tena nalanugappa wassele'na. Ia lanugappaya iamintu poro kasusaang siagang kapa'risang bawang, tenaya nakkulle tappela'.

AMOS 8:10

Sikamma passua'-suarrannu laKupinrai a'jari kasusaang, siagang kelong-kelonnu a'jari karru'. LaKupa'jariko ikau ancukkuruki kalennu siagang ammakeko kaeng karung tanra si'na. Rapangko anrong mangge angkarruki kamateanna ana' sitau-tauna. Anjo alloa lakala'busangi a'jari allo sanna' appakasi'nana pa'mai'.”

PAMMUJI 73:27

Lacilakai tau ambokoiaKi' Kiballassi tau tenaya majarre' mae ri Katte.

AMOS 4:5

Assare mako roti salaku sukkuru'nu mae ri Nakke, siagang a'bicara kosong mako angkanaya le'ba' mako angngerang tambana passarenu! Tantu iaminjo nungai ngaseng nugaukang!

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

YEREMIA 2:20

Nakana Batara, “Sallo mako taeroka anynyomba ri Nakke; taeroka mannuruki yareka mappilangngeri ri Nakke Irate ri tunggala' bulu' tinggia nai', siagang irawanganna poko' kayu lompoa anjorengko anynyomba ri rewata-rewata kacopponganga.

YEHEZKIEL 16:15

Mingka ikau nupake salai kaga'gannu kammayatompa kabaukang arennu. Attinroko siagang bura'ne sambarang niaka allalo.

YEHEZKIEL 16:30

Nakana Batara Kaminang Tinggia, “Kabusu'na anjo nugaukangi salaku pasundala' tenaya siri'na.