HOSEA 7:15 - KITTA' MATANGKASA'

¹⁵ Manna pole naiNakke ampakalompoi siagang ampakagassingi ke'nanga, mingka assikongkoloki ke'nanga angngewa ri Nakke.

HOSEA 7:15 Referans Kwoze

NAHUM 1:9

Manna pole rancana apa nupare' angngewai Batara, ma'nassa lasalasako. Tena Nalapinruang a'balasa' mae ri musu-musunNa lanri larro boli'-boli'Na.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

IBRANI 12:5

Siagang teako kaluppai pappakainga'Na Allata'ala, ia Napassareanga mae ri kau sangkamma mae ri ana'-ana'Na! Nakana Allata'ala, “AnakKu, parhatikangi baji'-baji' pangngajara'Na Batara, nutea la'ba' pa'maiki punna Nakalarroiko.

2 KORINTUS 10:5

kammayatompa anruntungi pa'ballakang katampoanna ke'nanga, eroka angngewai katojenganNa Allata'ala. Iami nipake ampadundui pikkiranna sikamma rupataua, sa'genna amminawang turu' mae ri Almasi.

ROMA 1:21

Naassengi rupataua Allata'ala, mingka taerokai rupataua ampakala'biriki salaku Allata'ala, siagang tena todong nappala' sukkuru' ri Ia. Ba'lalo apa-apa tenayaji matu-matunna nanawa-nawa rupataua; a'jari sassammi nawa-nawanna ke'nanga.

LAMPA-LAMPANA 4:25

Lalang RohTa le'bakKi' a'bicara lalang atanTa Daud iamintu boena ikambe; anjo wattua angkanaKi', ‘Angngapa nalarro tu tenaya naassengi Batara; angngapa nappanggaukang tenaya matu-matunna bansa-bansaya?

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

PANGNGEBARANG 3:11

Punna Naajarakko Batara na', tarimai anjo kammaya a'jari pappakainga'; teako lussakki pa'mai'nu mae ri pangngajara'Na.

PAMMUJI 94:12

Mate'nei tau Kiajaraka, o, Batara, tau Kiajaraka hukkung-hukkunTa.

PAMMUJI 62:3

Iaji bawang anjagaia' siagang ampasalamaka', Ia angngagangnganga', tena kulata'lengga.

PAMMUJI 2:1

Angngapa nappare' ricu bansa-bansaya na'rancana suku bansaya apa tama'matu-matua?

AYUB 5:17

Upakko punna Napasaileko Allata'ala! Teako la'ba pa'mai'nu punna Nacallako.

2 KARAENG-KARAENG 13:23

Mingka Nakamaseangi Batara umma'Na siagang Napammopporangi ke'nanga. Tena Nabalang parekangi ke'nanga niancuru' passangalinna Natulungi ke'nanga, lanri parjanjianNa siagang Abraham, Ishak siagang Yakub. Sa'genna kamma-kamma anne tale'bakai Nakaluppai umma'Na.

2 KARAENG-KARAENG 13:5

Napassareammi Batara mae ri tu Israel sitau pamimping untu' allappassangi ke'nanga battu ri kakoasanna Siria sa'genna a'jari sannammo ammotere' katallassanna ke'nanga sangkamma riolo.

PAMMUJI 140:2

Kilappassanga' battu ri tau ja'dalaka, o, Batara, Kijagaia' battu ri tau anggaukangai katerassanga.

HOSEA 13:9

LaKuancuru' kabusukko, he bansa Israel! Nampa inai kutadeng akkulle antulungko?