HOSEA 7:12 - KITTA' MATANGKASA'

¹² Mingka sampang allaloi ke'nanga, attannangA' sikko' nampa Kujakkala' ke'nanga rapang tau anjakkalaka jangang-jangang. LaKuhukkungi ke'nanga lanri sikamma kaja'dallanna ke'nanga Kuassengamo.

HOSEA 7:12 Referans Kwoze

YEHEZKIEL 12:13

Mingka laKubuangi jalaKu untu' anjakkalaki. LaKuerangi mange ri Babel, siagang anjorengi lamate natale'baka nacini' anjo kotaya.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

YEHEZKIEL 32:3

Ri wattunna a'rappung bansa-bansaya, laKujakkalakko siagang jalaKu, siagang laKulappassangi anjo bansa-bansaya anre'resangko mae ri bontoa.

YEHEZKIEL 17:20

LammuangA' jala untu' anjakkalaki. LaKuerangi mange ri Babel nampa Kuhukkung anjoreng, lanri tena namajarre' mae ri Nakke.

YEREMIA 44:4

Tulusu' Kusuroi battu ata-atangKu sikamma na'bia mae ri kau, ampisangkaiko anggaukangi anjo kaja'dallang tenaya Kungai.

YEREMIA 16:16

Nakana Batara, “LakkiokKa' jai paboya juku' untu' anjakkalaki anne taua. Nampa lakkiokKa' jai pasoso' untu' assosoki ke'nanga ri sikamma monconga siagang buluka, siagang ri sikamma leang-leang batua.

KATO'BA 9:12

Takkulleai naasseng rupataua ringngapanna nabattu wattunna. Sanrapang jangang-jangang naalle sikko' siagang juku' naalle jala, kamma tomminjo rupataua natuju bala, ri wattu tenaya nasanna-sannai.

AYUB 19:6

Assengi angkanaya inakke Nasessa' Allata'ala, siagang Najakkalaka' lalang ri sikko'Na.

HOSEA 5:9

Lapanraki tu Israel, nasaba' narapi'mi allonna untu' anghukkungi. Pilangngeri, he ra'ya' Israel, anjo passalaka mattantui lakajarianna.