HOSEA 6:8 - KITTA' MATANGKASA'

⁸ Anjo kota Gilead rassi tau ja'dala' siagang pabuno tau.

HOSEA 6:8 Referans Kwoze

HOSEA 12:11

Le'ba'Ma' a'bicara mae ri na'bi-na'bia, siagang jaimi pappiso'na le'ba' Kupicinikiangi ke'nanga. Tete ri ke'nanga Kupaumi sikamma rancanaKu untu' ikau ngaseng, ummakKu,

LAMPA-LAMPANA 25:3

siagang napala'mi ke'nanga pa'mai' baji'na, sollanna ero' assuro erangi Paulus mange ri Yerusalem; nasaba' le'ba'mi assikongkolo' ke'nanga ero' ambunoi Paulus ri tangngana aganga.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

HOSEA 5:1

Nakanana Batara, “Pilangngeri, he sikamma imanga! Parhatikangi, he tu Israel! Pilangngeri, he jari-jarina karaenga! Le'ba'mi nipattantu hukkunganga mae ri kau. Nasaba', mustina adelekko angngadeli, mingka kabalekanna a'jari mako rapang tado' ri Mizpa, rapang sikko' nitannanga ri Bulu' Tabor,

HOSEA 4:2

Assumpai ke'nanga mingka tena narupai; paballe-ballei ke'nanga, ammunoi, a'lukkaki siagang a'gau' bawangi. Katambangi ka'ja'dallanga, siagang sitampe-tampei kajariang pammunoanga.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

PAMMUJI 59:2

O, Allata'alaku, Kipasalama' laloa' battu ri musu-musungku, Kijagaia' battu ri tau eroka ambakkaia'.

PAMMUJI 10:8

Acokkoi ri desa-desaya ero' ambunoi tau tenaya salana. Sanrapangi singa attayanga ri bokona rompo'-rompoka ammata-matai tau tenaya pakkullena. Naadangi tu kasi-asia ri tampa' sinoa, nabakkai nampa nare'resang a'lampa.

1 KARAENG-KARAENG 2:5

Nia' pole se're passala'! Tantu nuu'rangi apa le'baka nagaukang Yoab mae ri nakke nabunona rua perwira tantarana Israel, iamintu Abner ana'na Ner siagang Amasa ana'na Yeter. Nabunoi ke'nanga ri wattu amanna taua untu' ambalasaki pammunoang le'baka nagaukang ke'nanga ri wattu a'bundu'na taua. Nabunoi tau tenaya salanna, mingka kamma-kamma anne inakkemi antanggongi panggaukanna siagang inakkemi sessa.

2 SAMUEL 20:8

Ri wattunna battu ke'nanga ri batu lompoa ri Gibeon, battumi Amasa ambuntuli ke'nanga. Anjo wattua Yoab ammakeang tau a'bunduki siagang asseleki pa'dang ri aya'na. Ri wattunna a'jappa mae ri dallekang, ta'lappasaki banoa pa'danna sa'genna ta'lesso' pa'danna mae ri lima kairinna.

2 SAMUEL 3:27

Tena nasallo battuna Abner mange ri Hebron, nikio'mi ri Yoab mae ri sa'ri, mae ri ampi'na pakke'bu' lompoa, sangkamma angkanaya nia' rahasia lanabicara. Ti'ring natobo'mi Yoab parru'na Abner sa'genna mate. Kammaminjo namatemo Abner nibuno ri Yoab untu' ambalasaki pammunoanna Abner ri andi'na Yoab iamintu Asael.

PAMMUJI 141:4

Pakabella' battu ri ero' a'gau' ja'dalaka. TeaKi' lappassangngia' a'rappungang siagang tau doraka siagang amminawang angnganre lalang ri passuarranna ke'nanga.

HOSEA 12:12

mingka manna nakamma tuli nia'na ija anynyomba barhala ri Gilead, kammayatompa assare koro'bang sapi irate ri tampa' pakkoro'bangnganga ri Gilgal. Mingka anjo ke'nanga anynyombaya ri anjo barhalaya lamatei, siagang anjo tampa'-tampa' pakkoro'bangnganga ri Gilgal la'jari tambungang batui ri koko-kokoa.”