HOSEA 5:9 - KITTA' MATANGKASA'

⁹ Lapanraki tu Israel, nasaba' narapi'mi allonna untu' anghukkungi. Pilangngeri, he ra'ya' Israel, anjo passalaka mattantui lakajarianna.

HOSEA 5:9 Referans Kwoze

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

YOHANES 16:4

Mingka kamma-kamma anne Kupaumi anjo passalaka mae ri kau, sollanna punna kajariammo sallang, akkullei nuu'rangi angkanaya le'ba' memang mako Kupauang.” “Tena naKupauang memangko anne passalaka battu ri uru-uruna, nasaba' nia' ijA' anrurungangko.

AMOS 7:17

Nakana Batara angkanaya la'jari pasundalaki bainennu ri agang-agang kotaya, siagang sikamma ana'nu lanibunoi lalang pa'bundukang. Buttanu lanipa'bage-bageangi mae ri tau maraenga, nampa ikau kalennu lamateko ri pa'rasanganna tau tenaya natappa' ri Batara. Pandudu'na Israel ma'nassa laniengkaki mange ri pammelakkanga, bella battu ri pa'rasangang kalenna.”

AMOS 7:9

Tampa'-tampa' napakea jari-jarina Ishak untu' anynyomba laniancuruki. Tampa'-tampa' matangkasa'na tu Israel laniruntungi. LaKuputtai jari-jarina Yerobeam.”

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.

HOSEA 8:8

Rapang uring reppeka, kammami anjo tu Israel tenamo anggaranna, siagang a'jarimi bansa biasa sangkamma bansa-bansa maraenga.

HOSEA 5:14

Rapang singa a'bakkaya, kammami anjo bateKu lambakkai tu Israel siagang tu Yehuda. KalengKu langkae-kaei ke'nanga, nampa Kubokoi. Punna Kure'resang ke'nanga a'lampa, tena manna sitau akkulle allappassangi ke'nanga.

HOSEA 5:12

Lanri kammana anjo laKuancuruki bansa Israel, siagang laKuputtai tu Yehuda.

YESAYA 48:5

Jari battu riolo iji naKutappu memang; ri tenanapa nakajariang, le'ba' memammi Kupau; sollanna tena nanungkana, angkanaya anjo panggaukanna patung-patung barhalanu.

YESAYA 48:3

Nakana Batara, “Pilangngeri, he Israel! Apa kajarianga riolo, sallomi le'ba'na Kupau riolo; apa Kupaua, ti'ring Kugaukangi siagang Kupa'nyatai.

YESAYA 37:3

Iaminne pasanna Hizkia napabattua ke'nanga mae ri Na'bi Yesaya, “Anne alloa, allo kasusaang; nihukkungki' siagang nihinaki'. Rapangki' baine erokamo ammana', mingka la'busu'mi kagassinganta.

AYUB 12:14

Apa le'baka Narumbang takkulleai nibangung poleang inai Natahang takkulleai bebasa' ammotere'.

YESAYA 7:16

Saba' ri wattu tenanapa narapiki anjo wattua, anjo ruaya pa'rasangang nukamallakkanga karaenna, lanibokoi ri taua sa'genna a'jari kosong.

HOSEA 7:12

Mingka sampang allaloi ke'nanga, attannangA' sikko' nampa Kujakkala' ke'nanga rapang tau anjakkalaka jangang-jangang. LaKuhukkungi ke'nanga lanri sikamma kaja'dallanna ke'nanga Kuassengamo.

HOSEA 9:7

Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.

MIKHA 6:13

Kamma-kamma anne appakkaramulaMa' annunrung siagang angngancuru' lanri dosa-dosanu ngaseng.