HOSEA 5:6 - KITTA' MATANGKASA'

⁶ A'lampai ke'nanga a'boya Batara angngerang gimbala' siagang sapi untu' koro'bang, mingka yangasenna anjo tena matu-matunna. Nasaba' Nibokoimi ke'nanga ri Batara, na tenamo nakkulle ke'nanga ambuntuluki.

HOSEA 5:6 Referans Kwoze

YOHANES 7:34

LanuboyA' sallang mingka tenamo nukkulle ambuntulukKa'; nasaba' takkulleako battu mange anjoreng ri tampa' Kupammantangia.”

PANGNGEBARANG 1:28

Anjo wattua lakkio' ngasengko mae ri nakke, mingka talappialia'. Lanuboya' ri kere-keremae, mingka talanubuntula'.

YEHEZKIEL 8:6

Nakana Allata'ala ri nakke, “He tau, apa nucini' kajariang? Parhatikangi sikamma panggaukang appakaringi' nagaukanga tu Israel, ampakabellaiA' battu ri BallakKu! Maeko, laKupicinikiangko apa-apa la'bi kodiangnganga pole.”

PIRAUNG 3:44

Anjo larroTa rapangi rammang kapalaka sa'genna takkullea nitarrusu' ri pappala' doanna ikambe.

YEREMIA 7:4

Teako patappakki patipua, angkanaya, ‘Amangki', lanri anne Balla'Na Batara. Tojeng-tojeng anne Balla'Na Batara!’

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

LUKAS 5:16

Le'baki anjo, a'lampami Isa mange appala' doang ri tampa' sino-sinoa.

YEREMIA 11:11

Lanri kammana anjo, iNakke, Batara, Kupappakaingakkangi angkanaya lappaturungA' bala mae ri ke'nanga, siagang takkulleai ke'nanga alliliangi. Punna akkio' ke'nanga appala' tulung ri Nakke, teA' ampilangngeri.

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

KELONG MALA'BIRI' 5:6

Kusungkei pakke'bu' tanringku, mingka a'bokomi lampana. Sanna' nakkukku ri sa'ranna; kuboyai, mingka sia-siaji bawang. Kukioki arenna, mingka tena nappiali.

PANGNGEBARANG 21:27

Tasannangngai Batara ri passarena tau dorakaya, la'biangampa punna napassareang lanri nia'na pattujuang nicallana.

KALAPPASSANG 10:9

Appialimi Musa angkana, “Yangasenna ikambe, baji' tu rungkaya kammayatompa tau toaya. Lanaerang ngasengi kambe ana'na ikambe, sikontu sapia, gimbalaka, siagang sikontu bembena ikambe, nasaba' musti appareki ikambe passua'-suarrang lompo untu' ampakalompoi Batara.”

MIKHA 3:4

Lanarapiki wattunna nulappala' tulung ngaseng mae ri Batara, mingka taerokai appiali. Tena nalaNapilangngeri sikamma pappala' doannu, lanri le'ba'na nugaukang kaja'dallanga.

YEHEZKIEL 8:18

Lanapisa'ringi ke'nanga pangngalarroi lompoKu! Tena nalaKumaapakkang siagang laKupammopporang ke'nanga. Manna pole na'gora-gora lompo tojeng ke'nanga appala' doang ri Nakke, tena nalaKupilangngeri ke'nanga!”

YEREMIA 11:14

Lanri kammana anjo Yeremia, teako appala' doangngi untu' ke'nanga yareka teako appala' tulungi mae ri Nakke untu' ke'nanga. Punna lalang kasukkarang ke'nanga nappala' tulung mae ri Nakke, tena Kuero' ampilangngeri ke'nanga.”

YEREMIA 14:12

Manna pole appuasa ke'nanga, tena Kuero' amparhatikangi pakkio'na ke'nanga appala' tulung; siagang manna pole assare ke'nanga mae ri Nakke koro'bang nitunu siagang gandung, mingka tena nalasannang nyawaKu mae ri ke'nanga. Kabalekanna, laKutumpasaki ke'nanga lanri pa'bundukang, kacipurang, siagang garring.”

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

MALEAKHI 1:10

Nakana Batara Kaminang Koasaya, “Bajikangngangi nitongko' pakke'bu' BallakKu, nasaba' tena matu-matunnu apparinra pepe' irate ri tampa' pakkoro'bangngangKu. Tena nakungaiKo, siagang tena nalaKutarima passarenu.

AMOS 8:12

La'lampai taua timboro' wara' anrai' kalau' untu' amboyai pasangKu, mingka tanagappayai ke'nanga.