HOSEA 4:7 - KITTA' MATANGKASA'

⁷ Pila' katambangko jainu, pila' doraka tommako mae ri Nakke, he ikau sikamma imanga! Lanri kammana anjo laKupinrai pattallassannu: Tenamo nulanipakalompo, passangalinna lanihina mako.

HOSEA 4:7 Referans Kwoze

HOSEA 13:6

Mingka ri nia'numo ri pa'rasangang bajika, siagang bassoro' mako kammayatompa sukku'mi nusa'ring, a'jari tampo mako siagang takkaluppa mako mae ri Nakke.

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.

MALEAKHI 2:9

Na iNakke lampa'jari natunaiko umma' Israel lanri tenana numannuruki ri erokKu, kammayatompa lanri nupasimmara'-maraenna taua ri wattunna nuajara' ummakKu.”

HOSEA 10:1

Israel rapangi poko' anggoro' roasaka rapponna. Pila' katambangi kalumanynyanna, pila' jai tongi tampa' pakkoro'bangnganga napareka. Pila' kalumanynyangi, pila' baji' tongi patung-patunna barhala nasombaya.

HOSEA 4:10

Langnganreko battu ri koro'bang-koro'bang nipassareanga, mingka tuli lacipuru'na nusa'ring. Lanynyombako mae ri rewata-rewata kacopponganga, mingka tuli tenana nakatambang pandudu'nu, nasaba' nubokoiMa' untu' mange anynyomba ri rewata-rewata maraenga.”

HABAKUK 2:16

Kamma-kamma anne narapi'mi wattunnu untu' nipakasiri', siagang tena nanipakalompoko. Kalompoannu lanipinrai a'jari katunang. LaNapassako Batara angnginung battu ri cangkiri' niboneia ri hukkungang untu' kalennu. Lanuinungi nampa ta'royong-royongko.

HOSEA 6:9

Imang-imanga ri anjo kotaya rapangi pa'gompoang paella' eroka angngadangi tau ammaloa. Manna ri oloang mangea ri tampa' matangkasaka ri Sikhem nagaukang tonji ke'nanga pammunoanga! Sikontu anjo kaja'dallanna ke'nanga napakkunjungiangi nagaukang.

HOSEA 5:1

Nakanana Batara, “Pilangngeri, he sikamma imanga! Parhatikangi, he tu Israel! Pilangngeri, he jari-jarina karaenga! Le'ba'mi nipattantu hukkunganga mae ri kau. Nasaba', mustina adelekko angngadeli, mingka kabalekanna a'jari mako rapang tado' ri Mizpa, rapang sikko' nitannanga ri Bulu' Tabor,

EZRA 9:7

Battu ri boe-boena ikambe sa'genna kamma-kamma anne, ikambe ummatTa dorakai ri Katte. Lanri kammana anjo, nasikamma karaenna siagang imanna ikambe nibetami ri karaenna bansa-bansa maraenga. Nibunoi ikambe, niellaki, siagang nierangi mange nipela'. Nihina tojeng-tojemmi ikambe, sangkamma kaadaanga anne alloa.

HOSEA 13:14

Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

HOSEA 9:11

Lanri'baki natappela' kalompoanna Israel rapang jangang-jangang lanynyaka anri'ba'; tenamo tubaine latianang siagang tenamo ana'-ana' lanilassukang.

HOSEA 10:6

Anjo barhalaya laniengkaki mange ri Asyur untu' nihadiakang mae ri karaeng lompoa. Naturuki Israel rancana angngerangai ke'nanga mae ri nipakasirika siagang nipakatunaya.

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.