HOSEA 4:5 - KITTA' MATANGKASA'

⁵ Allo bangngiko anggaukangi kasalanga, kammayatompa sikamma na'bia. Lanri kammana anjo laKupanraki Israel, anronnu.

HOSEA 4:5 Referans Kwoze

HOSEA 2:2

Nakana Batara, “He ana'-anakKu, anjo amma'nu teaimi bainengKu, siagang iNakke teaiMa' bura'nenna. Lanri kammana anjo akkara-kara mako siagang ia, sollanna tenamo na'gau' bawang siagang assundala' pole.

YEREMIA 15:8

Larassi pa'rasangannu ri janda, la'biangngang na kassika ri biring tamparang jaina. LaKubunoi sikamma taua ri wattu rungkana sa'genna pa'risi' nasa'ring amma'na ke'nanga. Ri wattu alloa Kupabattui mae ri ke'nanga sitau tulammanraki sa'genna malla' siagang lussa' ke'nanga.

GALATIA 4:26

Mingka anjo Yerusalem, niaka ri suruga iamintu Yerusalem bebasaka, siagang iami anronta ikatte.

ZAKHARIA 13:2

Ri anjo alloa laKupattaenami areng-arenna barhala-barhalaya battu ri anne buttaya, sa'genna tenamo manna sitau angngu'rangi. Sikontu tau nakanaya kalenna na'bi siagang tau a'balle-ballea nakana kalenna napantamakki roh, laKubongka kabusuki.

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

YEREMIA 50:12

Mingka ikau la'jari bansa kaminang tena battuannu ri alla'na sikontu bansaya. Anjo kotanu lompoa lanihinai siagang lanipakasiriki. Pa'rasangannu la'jari parang lompoi na kalotoro' siagang roso'.

YEREMIA 23:9

Iaminne pasangku ri sesena na'bi-na'bia: Ancuruki atingku siagang annekkerekka'. Batara siagang kana matangkasa'Na ampa'jaria' rapang tau nasa'ring lanri jai duduna anggoro' kuinung.

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

YEHEZKIEL 14:3

“He tau, sikamma anne taua napappirannuammi kalenna mae ri barhalaya sa'genna ta'loposo'mo ke'nanga antama ri dosaya. Masakang erokKa' nikuta'nang ri ke'nanga?

HOSEA 2:5

Amma'nu pasundala' tena siri'na. Angkanai, ‘Erokka' a'lampa mange ri tanring-tanringku, assarea' kanre-kanreang siagang inung-inungang, kaeng wol siagang kaeng lenang, minynya' zaitun siagang anggoro'.’

HOSEA 5:5

A'nassai nicini' katampoanna bansa Israel, siagang a'jari buttimi ri kasalanna. Dosana ke'nanga a'jari saba' natatto'ro siagang tu'guru', siagang bansa Yehuda tu'guru' tommi siagang ke'nanga.