HOSEA 4:2 - KITTA' MATANGKASA'

² Assumpai ke'nanga mingka tena narupai; paballe-ballei ke'nanga, ammunoi, a'lukkaki siagang a'gau' bawangi. Katambangi ka'ja'dallanga, siagang sitampe-tampei kajariang pammunoanga.

HOSEA 4:2 Referans Kwoze

HOSEA 6:9

Imang-imanga ri anjo kotaya rapangi pa'gompoang paella' eroka angngadangi tau ammaloa. Manna ri oloang mangea ri tampa' matangkasaka ri Sikhem nagaukang tonji ke'nanga pammunoanga! Sikontu anjo kaja'dallanna ke'nanga napakkunjungiangi nagaukang.

1 TESALONIKA 2:15

Iaminjo ke'nanga ambunoi Batara Isa siagang na'bi-na'bia, kammayatompa assessai ikambe. Namusu ngasengi rupataua, nanicallamo ke'nanga ri Allata'ala.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

HOSEA 7:1

Nakana Batara, “Sampang eroki Kupammolle ummakKu Israel siagang Kupakabaji' ammotere' pattallassanna ke'nanga ia tuli Kucinika iamintu kaja'dallanna siagang dosana bawang ke'nanga. Assitipui para ia ke'nanga, antamaki ri balla'na taua a'lukka', siagang angngellaki ke'nanga ri aganga.

YEREMIA 6:7

Antekamma batena timbuseng je'neka tuli appasulu' je'ne', kamma tomminjo anjo kotaya tuli appa'niaki kaja'dallang. Poro kabara' kapallakkang siagang pangngellakkang bawang Kulangngere' battu ri anjo kotaya; kemae-kemae Kucini' lokoka siagang garringa.

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.

LAMPA-LAMPANA 7:52

Maka nia' na'bi tanisessaya ri boe-boenu? Nabunoi ke'nanga tunisuroNa Allata'ala, le'baka ampabattui riolo dudu angkanaya labattui anjo Ata matojenNa Allata'ala. Na kamma-kamma anne le'ba'mi nupasikongkolang siagang nubuno anjo Ana'Na Allata'ala.

MATIUS 23:35

Jari lanihukkung ngasengko sallang, lanri nubunona tau tenaya salana: Appakkaramula ri nibunona Habel tenaya salana, sa'genna nubunona Zakharia ana'na Berekia lalang ri alla'na Balla'Na Batara siagang tampa' pakkoro'bangnganga.

ZAKHARIA 7:9

angkana, “Attaung-taung allaloa Kupassareangi anne parenta-parentaya mae ri ummakKu, ‘Musti a'gau' adelekko, mangngamaseang siagang baji' pa'mai' mae ri parannu tau.

ZAKHARIA 5:3

Nampa nakana ri nakke, “Nia' tattulisi' lalang ri anjo kitta' ta'gulunga iamintu kana-kana pattunra mae ri sikontu anne pa'rasanganga. Niaki tattulisi' angkanaya sikamma palukkaka lanipasuluki battu anrinni ri pa'rasanganga. Siagang ri maraengannaya tattulisi' tongi angkanaya sikamma tau assumpa balle-ballea lanipasulu' tongi.

ZEFANYA 3:1

Nitunrai Yerusalem, kota ja'dalaka nangaia angngewa ri Batara siagang anjallakkangi pandudu'na pa'rasangang kalenna!

MIKHA 6:10

Ri balla'na sikamma tau ja'dalaka nia' barang-barang wassele' pannipuang. Ammakei ke'nanga pa'baku' tenaya natojeng, iamintu panggaukang Kukabirisia. Inai-nai tau anggaukangi anjo kammaya laKuhukkungi.

MIKHA 3:9

Pilangngeri anne kana-kanangku, he ikau ngaseng tukoasana Israel nakabirisia kaadelanga siagang amputara' balekai katojenganga.

MIKHA 3:2

mingka ba'lalo nukabirisi apa bajika, siagang sannangko mae ri kaja'dallanga. Nubi'bi' attallasaki bansaku, siagang nukereki dagenna battu ri buku-bukunna.

HOSEA 12:14

Appabattui Batara sitau na'bi untu' angngerangi tu Israel assulu' battu ri tampa' nipare' atana ke'nanga, iamintu butta Mesir, kammayatompa untu' anjagai ke'nanga.

HOSEA 10:4

A'bicara kosongi ke'nanga siagang appareki janji takontutojeng siagang anynyikkoki parjanjiang tenaya matu-matunna. Naputara' baleki hukkunga ke'nanga, sa'genna attimbomo tenaya naadele' rapang lamung-lamung a'racunga ri koko le'baka nibingkung.

HOSEA 7:3

Nakana Batara, “Napakei akkala' balle-ballena siagang panggaukang-panggaukang ja'dala'na ra'yaka untu' ampakasannangi atinna karaenga siagang sikamma pagawe-pagawe pamarentaya.

HOSEA 5:2

siagang rapang kali'bong lantanga ri Sitim. Lanri kammana anjo laKuhukkung ngasengko!

PIRAUNG 4:13

Mingka kajariang tojemmi anjo kammaya, lanri dosana sikamma imanga siagang na'bia. Le'baki napasolong cera'na tau tenaya salana.

YESAYA 48:1

Pilangngeri, he turunganna Yakub, turunganna Yehuda ammakea areng Israel, nukana numangakui Allata'alana Israel, siagang assumpako lalang arenNa Batara. Mingka tena nannarrusu' kana-kanannu antama' ri atinnu.

YESAYA 24:5

A'jari rantasaki buttaya lanri pandudu'na nadakkai sikamma parentaNa Allata'ala, napinrai sikamma apa le'baka Napattantu Allata'ala, siagang tanarupaiyai ke'nanga parjanjiang le'baka Napare' siagang ke'nanga untu' satunggu-tungguna.

PA'JARIANG 4:8

Nampa nakana Kain mae ri Habel, andi'na, “Umba nakia'lampa mange ri kokoa.” Battui ke'nanga mange anjoreng, nabakkaimi na nabuno anjo andi'na Habel.

PAOLE 5:11

Teako sambarang nupau arengKu, nasaba' iNakke, Karaeng Allata'alanu, anghukkungi manna pole inai punna napake sala arengKu.

PAOLE 5:18

Teako a'gau' salimaraki.

PAOLE 5:19

Teako a'lukkaki.

YEREMIA 51:5

INakke, Batara, iamintu Allata'ala Kaminang Koasaya, Allata'ala Matangkasa'na Israel, tena nalaKubokoi Israel siagang Yehuda, manna pole nadorakamo ke'nanga ri Nakke.

YEHEZKIEL 7:23

Sikontu pa'rasanganga a'jari ricui; kemae-kemae nia' pammunoang siagang kapallakkang.

HOSEA 6:8

Anjo kota Gilead rassi tau ja'dala' siagang pabuno tau.

HOSEA 7:4

Sangnging tau a'bali' ballang siagang tau tamattantua ngaseng nyawana ke'nanga. Pangngabirissinna ke'nanga rapangi pepe' lalang ri pattunuang tenaya nanipicorai pepe'na ri papare' rotia lalang tenanapa nasadia leokanna untu' nitunu.

HOSEA 10:13

Mingka ikau nugaukangi apa kabalekannaya; appattujuangko mae ri kaja'dallanga, siagang akkattoko tenaya naadele'. Nukanrei rappo-rapponna wassele' balle-ballenu.” Nakana pole Batara, “He bansa Israel, lanri nupattoanna kareta-kareta pa'bundukannu siagang jaina tantaranu,