HOSEA 4:1 - KITTA' MATANGKASA'

¹ Nia' parkaraNa Batara siagang pandudu'na anne pa'rasanganga. He Israel, pilangngeri anne apa kananNa, “Ri anne pa'rasanganga tena kamajarrekang pa'mai' siagang pangngamaseang, siagang pandudu'na tena naaniA' salaku Allata'ala.

HOSEA 4:1 Referans Kwoze

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

MIKHA 6:2

He sikamma monconga, he sikamma lappara'na buttaya, pilangngeri tuduhanNa Batara! Nia' parkaraNa siagang Israel umma'Na siagang laNatuntuki ke'nanga.

1 KORINTUS 15:34

Angngu'rangi mako ri kamma-kammaya anne, siagang tea' mako eroki pole a'gau' dosa. Siratanna musti a'jari siri'-sirikko lanri nia'na ija ri tangnga-tangnganu tau tenapa natappa' ri Allata'ala.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

HOSEA 12:2

Sikontu apa-apa nagaukanga bansa Israel battu ri bari'basa' sa'genna bangngi tena ngaseng matu-matunna siagang poro angngerangi kapanrakang, sanrapang anging battu iraya. Kajekkonganna siagang kapallakkanna ke'nanga pila' katambangi. Appareki ke'nanga parjanjiang-parjanjiang siagang Asyur, kammayatompa angngerangi minynya' mange ri Mesir salaku tanra passari'battangang.”

YEREMIA 25:31

Sa'genna cappa'na buttaya kalangngerang sa'ranNa; appareki parkara Batara mae ri bansa-bansaya. Sikontu taua laniadeli siagang tau ja'dalaka lanihukkung matei.’ ”

YEREMIA 5:4

Kupikkiriki angkanaya, “Ah, anjo ke'nanga poro ra'ya' biasaji bawang tenaya apa-apa naasseng. A'gau' toloi ke'nanga, lanri tanaassengai apa Nakaerokia siagang Natuntuka Karaeng Allata'ala battu ri ke'nanga.

YESAYA 34:1

Umba kirappungang, he bansa-bansaya, pilangngerimi. Lappassammi nabattu ngaseng sikontu buttaya siagang sikontu niaka ammantang ri tompo'na, nampa appilangngeri.

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

PAPPICINI' 2:29

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka!”

PAPPICINI' 2:11

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, tena sikali nalasessa apa-apa ri kamateang makaruaya.”

YOHANES 8:55

mingka tena nanuassengi. Mingka iNakke Kuassengi. Ebara'na Kukana tena naKuassengi, a'jari tu paballe-balleMa', sangkamma ikau ngaseng. Mingka iNakke Kuassengi siagang Kuturuki kananNa.

AMOS 7:16

Jari pilangngerimi apa kananNa Batara mae ri kau. Lanri nupisangkaia' akkato'ba angngewai bansa Israel,

HOSEA 5:1

Nakanana Batara, “Pilangngeri, he sikamma imanga! Parhatikangi, he tu Israel! Pilangngeri, he jari-jarina karaenga! Le'ba'mi nipattantu hukkunganga mae ri kau. Nasaba', mustina adelekko angngadeli, mingka kabalekanna a'jari mako rapang tado' ri Mizpa, rapang sikko' nitannanga ri Bulu' Tabor,

YEREMIA 34:4

Mingka pilangngeri anne kanangKu ri passala'na kalennu, Zedekia! Tena nulamate lalang pa'bundukang,

YEREMIA 19:3

Musti akkana kamma' anne, “He sikamma karaenna Yehuda siagang pandudu'na Yerusalem! Pilangngeri eroka Kupau, iNakke Batara Kaminang Koasaya, Allata'alana Israel, angkanaya, lappabattuA' bala lompo mae ri anne tampaka, sa'genna ta'bangka tau allangngerekai.

YEREMIA 9:20

Kukana, “Pilangngeri kana-kananNa Batara he ikau ngaseng tubainea! Pangngajarrangi mae sikamma tulolonnu kelong-kelong karruka, mange ri agang-agannu kelong-kelong kasusaanga.

YEREMIA 7:28

Jari, pauangi ke'nanga angkanaya anjo ke'nanga bansa taero' mappilangngeri ri Nakke, Batara, Allata'alana ke'nanga. Taerokai ke'nanga appilajara' battu ri hukkungang le'baka nakasia' ke'nanga. Lanynya'mi kajarrekanna ke'nanga mae ri Nakke, ba'lalo tenamo nanibicarai.”

YEREMIA 6:13

Yangasenna ke'nanga, ca'di lompo, massing kaparalluang kalenna naboya lalang panggaukang tenaya nalambusu'. Ba'lalo manna na'bia siagang imanga annipu tongi tau.

YEREMIA 4:28

Lasusai buttaya, sassang makkapuki langika. Le'ba'mi akkana Batara siagang talaNapinrayami rancanaNa. Le'ba'mi Napattantu Natappuki talammonokai manna sike'de'.

YEREMIA 2:4

Pilangngeri pasanNa Batara, he ikau jari-jarina Yakub, suku-suku Israel!

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YESAYA 34:8

Iaminjo wattunna na Naalleangang Batara Sion siagang Napa'balassang mae ri sikamma musu-musunNa.

YESAYA 28:14

Pilangngeri apa Napaua Batara, he sikamma tupacau-caua, ammarentaya ra'ya' Yerusalem!

YESAYA 5:3

Jari kamma-kamma anne nakanamo sahabakKu, “Ikau ngaseng, pandudu'na Yerusalem siagang Yehuda, adelima' iNakke siagang koko anggorokKu.

YESAYA 1:10

Yerusalem, sikamma pamimpinnu siagang bansanu, a'jari sangkammami tu Sodom siagang tu Gomora. Pilangngerimi apa Nakanaya Batara mae ri kau; parhatikangi apa Napangngajarranga Allata'alata.

1 KARAENG-KARAENG 22:19

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo ri empoang kala'biranNa ri suruga, siagang sikontu malaekaka ammentengi ri ampi'Na.

YESAYA 59:4

Appamajuko parkara natena passabakkanna, siagang tena naadele' batenu angngadeli. A'balle-balleko siagang apa tenaya matu-matunna nupattoang; apparekko rancana untu' ancilakai parannu tau siagang nugaukangi kaja'dallanga.

YESAYA 59:8

Tena nuusahai passiamakkanga, siagang sikontu panggaukannu tena ngaseng naadele'. A'lekko-lekkoi batenu a'jappa, siagang tena nalamate'ne tau amminawanga ri anjo oloanga.

YEREMIA 9:3

siagang tau tuli sadia a'balle-balle. Ri sikontu pa'rasangang, tena koasana katojenganga, ba'lalo kajekkonganga teai sipato' jaina. Nakana Batara, “Tena ammari-marina ummakKu anggaukangi kaja'dallanga, tena naaniA' salaku Allata'alana ke'nanga.”

YEREMIA 51:5

INakke, Batara, iamintu Allata'ala Kaminang Koasaya, Allata'ala Matangkasa'na Israel, tena nalaKubokoi Israel siagang Yehuda, manna pole nadorakamo ke'nanga ri Nakke.

YO"EL 1:2

Pilangngeri, he sikamma tutoa-toaya; parhatikangi, sikontu tau niaka ri Yehuda. Le'bakika kajariang anne kammaya ri jammannu, yareka ri jammanna sikamma boe-boenu?

PAMMUJI 81:9

Pilangngeri pappakaingakKu, he kau ummakKu, Israel, ebara' angkana erokko ampilangngeriA'!

YEREMIA 2:9

Nakana Batara, “Kamma-kamma anne Kukara-karai pole ummakKu, naKuadeli jari-jarina.

YEREMIA 9:7

Lanri kammana anjo Nakanamo Batara Kaminang Koasaya, “Rapang bulaeng, laKuso'ri ummakKu sollanna a'jari ti'no' ke'nanga. Apapi pole akkulle Kugaukang mae ri ummakKu le'baka a'gau' ja'dala'?

YEREMIA 11:7

Ri wattunna Kuerang boe-boena ke'nanga assulu' battu ri Mesir, Kuterassi Kupakainga' ke'nanga sollanna mannuruki ri Nakke. Manna sa'genna ri kamma-kammaya anne tulusu' Kupakainga'na ummakKu ri anjo passalaka,

YEHEZKIEL 16:35

He Yerusalem, pasundalaka, pilangngeri apa kananNa Batara Kaminang Tinggia, angkana, “Le'ba'mi nusungke bajunnu, siagang salaku pasundala' nupassareammi kalennu mae ri sikamma tanrinnu siagang mae ri anjo barhala-barhalanu appakaringi'-ringika. Ana'-ana'nu nubunoi siagang nukoro'bangkangi mae ri anjo barhala-barhalaya.

HOSEA 5:4

Lanri anjo kaja'dallang nagaukanga tu Israel natakkulleamo ke'nanga ammotere' mae ri Allata'alana ke'nanga. Tassikko'mi ke'nanga ri panynyombanga mae ri barhalaya, sa'genna tenamo najampangi ke'nanga Batara.

HOSEA 12:3

Nia' parkaraNa Batara siagang bansa Yehuda; kammayatompa laNahukkung tongi tu Israel lanri gau'-gau'na ke'nanga. LaNabalasaki panggaukanna ke'nanga.

AMOS 3:1

Pilangngeri anne pasanNa Batara, he Bansa Israel le'baka nierang assulu' battu ri Mesir ri Batara! Nakana Batara,