HOSEA 2:11 - KITTA' MATANGKASA'

¹¹ Sikontu passua'-suarranna laKupammari, baji' passua'-suarrang taung kammayatompa passua'-suarrang bulang-bulang siagang allo-allo Pammari-mariang; bodona kana, sikontu allo lompo agamana ke'nanga laKupammari.

HOSEA 2:11 Referans Kwoze

AMOS 5:21

Nakana Batara, “Kukabirisi siagang lanreA' anciniki passua'-suarranna agamanu!

AMOS 8:5

Nukana ngaseng mae ri kalennu, “Teai sipato' sallona allo-allo passua'-suarranga. Erokki' akkaro-karo mange ambalukangi gandunta, mingka anne passua'-suarranga tena le'ba'-le'ba'na. Angngapapi nale'ba' anne allo Pammari-marianga, sollanta akkullemo a'balu pole? Erokki accatu', annipu ri pa'baku' siagang jekkong ri timbanganga.

YEREMIA 7:34

Anne pa'rasanganga la'jari parang kalotoro' naroso'. LaKupammari sa'ra rannua siagang sa'ra passua'-suarrang pa'buntinganga ri kota-kota Yehuda siagang ri agang-agang niaka ri Yerusalem.

YEREMIA 16:9

Pilangngeri anne eroka Kupau ri kau, iNakke Batara Kaminang Koasaya, Allata'alana Israel. Sa'ra rannuna siagang kakkala'na anjo passua'-suarrang pa'buntinganga laKupammari ngasengi. Anjo sikammaya lanacini' ngasengi sikamma tau attallasaka ri anne jammannu.

NAHUM 1:10

Lanitunuko rapang rarame kalotoro' kontu rompo' akkatinting sikalasaka.

AMOS 8:3

Ri anjo alloa sikamma kelong-kelonga ri balla' karaenga la'jari karruki. Kemae-kemae attambung mayaka, le'baka nipela' cokko-cokko.”

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

YEHEZKIEL 26:13

LaKupammari sikontu kelong-kelonnu siagang sa'ra kacapinnu.

YEREMIA 25:10

Sikamma sa'ranna tau a'rannu-rannua siagang passua'-suarranna pa'buntinganga laKupammari. Latenamo minynya' lampunna ke'nanga, siagang lacappu'mi gandunna ke'nanga.

1 KARAENG-KARAENG 12:32

Nampa natampakkang Yerobeam anjo imang-imanga ri Betel untu' anggaukangi tugasa'na anjoreng, nampa ia kalenna assare koro'bang mae ri anjo sapi-sapi bulaeng napareka. Nampa napattantu angkana tanggala' sampulo allima bulang sagantuju allo lompo untu' Israel, sangkamma allo lompoa ri Yehuda. Anjo alloa a'lampai Yerobeam mange ri Betel siagang assare koro'bang untu' ansuarri anjo allo lompo le'baka napattantu.

HOSEA 5:7

Tena namajarre' ke'nanga mae ri Batara; ana'-ana'na ke'nanga teaimi ana'-ana'na. Lanri kammana anjo, tenamo nasallo nalanipanraki ke'nanga siagang koko-kokonna ke'nanga.

KAIMANGNGANG 26:20

Sikontu pakkaresoannu tena ngaseng matu-matunna, nasaba' tena nalangngerang wassele' buttanu siagang tena nala'rappo lamung-lamunnu.